تحت هذا الثريد بتكلم عن تجربتي في المدرسة المُلحقه اللي كانت فاضيه بس فيها طاولات من غير أدوات و ايش سويت بكل ركن عشان اثريها بأقل الأشياء؟و كيف استغليتها لتكون بيئة متجدده؟.. فضلوها و فيدوا غيركم فيها👌🏻
١/كنت مغتربة في اول سنه لي تدريس وواجهتني عواقب و ممكن اي وحده فيكم تمر فيها لذلك حبيت اختصر تجربتي بشي يفيد الجميع.
مدرستي كانت مدرسه ملحقة بإبتدائي خاليه من اي شي الا من طاولات الأركان و الكراسي. و خاليه من اللعب بالخارج ومن العاب، و للأسف كانت ماعندي مديره مخصصه لهذهِ المرحلة
مدرستي كانت مدرسه ملحقة بإبتدائي خاليه من اي شي الا من طاولات الأركان و الكراسي. و خاليه من اللعب بالخارج ومن العاب، و للأسف كانت ماعندي مديره مخصصه لهذهِ المرحلة
٢/ في اول اسبوع كنت متفائلة جداً بأن الوزارة بتوفر الأشياء الأساسية للأركان من أدوات و لكن تفاجأت لما حضرت لي المشرفة و تسألني عن أركاني و جاوبتها ان الوزارة هي توفر فكانت اجاباتها صادمه لي لأن اعلم ليس بها من الصحة شيء و قالت( اول الوزارة توفر اللحين انتي توفرين!!!!!)
٣/ طبعاً كلامها مو صحيح مفروض الوزارة هي توفر و خصوص الادراكي يكلف! و اجابتها مو مقنعه لأن مفروض على الأقل فيه ميزانيه مخصصه للروضة و لكن كانت مافيه ميزانيه او ماجاتهم بالأحرى! ولكن انا شسويت!! شريت بعض الاشياء الادراكية البسيطة و حطيتها بالركن الادراكي هذي تكون بشكل دائم
٤/يعني اشياء ماتكلف ماديا كثير بعدين يصير تآخذينهم معك وكل سنه تستخدمينهم.ممكن تكون تركيب،طرق..
بعدها انا كنت اجهز لكل وحدة ٤أشياء ادراكيه او ٥ احيانا ٦على حسب،مثلاً في درس تصنيف و تجميع الأغذية انا استخدمت الوسيلة الدائرية وخليت كم طفل يجربها بالحلقة ويرحلونها للإدراكي لبعدين
بعدها انا كنت اجهز لكل وحدة ٤أشياء ادراكيه او ٥ احيانا ٦على حسب،مثلاً في درس تصنيف و تجميع الأغذية انا استخدمت الوسيلة الدائرية وخليت كم طفل يجربها بالحلقة ويرحلونها للإدراكي لبعدين
٥/ و حتى درس نزرع نأكل شرحت على الصور مع تطبيق عملي و هذي الصور رحلتها للإدراكي عشان يرتب مراحل نمو النبتة او تقدرين تحطينها بالاكتشاف عشان يكتشف و يزرع ويجرب، او تحطينها بالتخطيط يرقم مراحل نمو النبته،برضو في درس تغذية الحيوانات كبرت البطاقات وشرحت عليها و رحلتها للإدراكي
٦/ ممكن توفرين و سيلة زي كذا او توفرين عن وحدة الغذاء بشكل عام مو شرط عن المفهوم نفسه، مثل وسيلة التطابق اللي بالفيديو. يعني ممكن الوسيلة اللي تشرحين فيها للحلقه تقدرين ترحلينها للإدراكي و يلعب فيها الطفل. او وسيلة تشرحينها للطفل في وقت حلقة الأركان قبل ماتوزعينهم للأركان
٧/ حتى في التعليم الموجه بعد ماتعلمينهم فيه لها اشياء ادراكيه ترحلينها للركن الادراكي. وفيه اشياء تنفع فقط للتخطيط ترحلينها لركن التخطيط. هذي الأشياء انتي تقدرين تسوينها بنفسك و تطبعينها على حسب وحدتك هذولي الاشياء موجوده بالنت و فقط تطبعينها و تغلفينها و تصير لك وسيله..
٨/ و بكذا انتي بكل وحده راح يكون عندك أشياء ادراكيه جديده و ركن متجدد على حسب الوحدة او المفهوم طبعاً هذي الاشياء كنت أخزنهم بملف شفاف و صندوق و اكتب عليهم وحدة الغذاء، وحدة العائلة.. عشان السنه اللي بعدها اطلعها في بداية كل وحده و استخدمها و أوزعها على حسب توزيع الوحدة.
٩/ ركن التخطيط/ برضوا فيه اشياء انتوا تقدرون تحطونها اساميهم مفرغه خصوص في الاشهر الاولى و كثير ينبسطون عليها حتى في نهاية الترم يحبون يستخدمونها، مثلاً صندوق الرمل مع بطاقة الحرف حرفك لهذا الاسبوع، تحطين بس صندوق الرمل مع الحرف ..
١٠/وبعدها اليوم الثاني نوعي حطي معها و سيله ثانيه لنفس الحرف مثلا الحرف المفرغ بالفوم مع سبورة صغيره يآخذ الحرف المفرغ و يحطها على السبورة ويكتب من داخل الفوم.اليوم الثالث مثلا حطي وسيله جديده مع الوسايل القديمة مثلا ورقه تطبعينها و تغلفينها للحرف المنقط و يتدرب على كتابته الطفل.
١١/ هذي عندك ٣ ايام للحرف الواحد بعدين في اليومين الأخيرين من الاسبوع الرقم تحطين و سيلة لليوم الاول من تعليم الرقم مثلاً ٥ و ووسيلة ثانيه لليوم الثاني من تعليم الرقم ٥. مثلا يوم تحطين بطاقة يحطها داخل صندوق الرمل ويكتب من خلالها الرقم و يوم ثاني ورقة لتنقيط الرقم..
١٢/ بعدها الاسبوع الثاني الحرف الثاني و الحرف الثالث للكلمة، والرقم الثاني تستخدمين نفس الوسائل والتكنيك.. أو مع اختلاف الوسائل بإختلاف الوحده، مثل هذي الوسيلة في وحدة العائلة هنا يستطيع الطفل ان يكتب الرقم على حسب عدد افراد الأسرة في داخل المستطيل او يضع مشبك وممكن ترحل للإدراكي
١٣/والاسبوع الثالث من الوحدة كتابة الكلمة مثلا كلمة اخت تسوين جدول لحرف أ لحاله يمه خ و يمه ت بعدين كلمة اخت و تحتهم خانات فاضيه، يبدأ الطفل يعبيهم على حسب الخانة و يتدرب على كتابتها.بكذا انتي كل يوم او كل اسبوع عبيتي ركن التخطيط و أثرتيه بأشياء وافكار شوفوا كتيبي الالكتروني.
١٤/ ركن الاكتشاف/ تجيبون عدسه احجار اصداف اشياء اساسيه بالركن، كتب علميه للمفهوم وبعدها تبدون انتوا تعبونها على حسب المفهوم حقكم او الوحدة. يعني مثلاً اذا استخدمتوا و سيلتكم بالحلقة ممكن هذي الوسيلة تترحل الى ركن الاكتشاف ليكتشفها الطفل و يجرب
١٥/مثلاً درس آثار الرمل صحن او باديه كبيره فيها آثار الرمل و عدة مجسمات عشان يجرب و يكتشف آثار هذي المجسمات على الرمل مثلاً سيارة يجرب عجلة السيارة و أثرها على الرمل... و حدة الغذاء ترحلين انواع البذور و الطفل يجرب يزرع و يكتشف انواع البذور ، الخضراوات ...
١٦/ركن المكتبة في كثير من الوحدات لها قصص خاصه فيها و كثير احيان تكون مرتبطة بالمفهوم اللي تعطينه للطفل و هذي القصص موجوده بالنت واسطوانة الوحدة طبيعهم ملون ولما تقرينها على الأطفال في وقت اللقاء الأخير خليهم يرحلونها الى ركن المكتبة اللي يبغى يتصفحها بلحاله بعدين في اليوم الثاني
١٧/ او طبعي القصص بدون ماتقصينها عليهم و عرفيها عليهم بالأركان و يتصفحونها بوقت الاركان. او اشتري انتي قصص من المكتبة بس بتكون لك مكلفه. او صور اللي عرضيتهم بمفهوم الوحدة ممكن تطلبين من الطفل يرحلها الى ركن المكتبه.او صورة قصة الحرف يرحلها الطفل للركن
١٨/ الركن الفني/ في بداية كل فصل دراسي طلبي من الامهات ملف شفاف بو طقطق هذا الملف تسفيدين بوضع اوراق الطفل اللي تعطينهم اياه بالركن الفني و أوراق التعليم الموجه أثناء الحلقة.و داخل هالملف خليهم يوفرون لكل طفل صمغ كبير،معجون و ألوان خشبيه اوشمعيه وأوراق ملونه.ومقص يكون مخصص للطفل.
١٩/ و بكذا تكونين غذيتي جزء من الركن الفني.. الألوان المائية و غيرها انتي وفريها او ممكن حتى الألوان انتي و فريها لأن تبقى معك خصوص الخشبية. ممكن توفرين انتي خامات من البيئة قُصاصات و غيرها..
٢٠/ المكعبات مفروض هم موفرينها انتي وفري الملحقات سيارات، حيوانات، فرشه للسيارات. صوره من نماذج التركيبات و الطفل يبني على هذا النموذج.
هذا الرابط لتحميل النماذج
najatkids.comكتيب_نماذج_لركن_البناء_والهدم_سهام.pdf
هذا الرابط لتحميل النماذج
najatkids.comكتيب_نماذج_لركن_البناء_والهدم_سهام.pdf
٢١/ الايهامي/ مفروض موفره الاشياء الاساسية و انتي وفري الأشياء الملحقة مثلاً دُمى مريلة، شماغ، غترة، ثوب، جلابيه. وفري للركن المصاحب على حسب الوحدة.
٢٢/ طبعاً اللعب بالخارج انا ماكان عندي لعب بالخارج فكنت بصراحه اوديهم لغرفه يلعبون فيها ساعه كامله 😩 يفرغون طاقتهم، تلعبون معهم لعبه منظمه. مثلاً شد الحبال ، الكور، لعبة جاهزة لعبة صيد السمك تكون بين فريقين.. فيه العاب من البيئة، زي هذي .. وفيه افكر أخرى كثيره و غير مكلفه..
٢٣/هنا بعض الافكار ممكن تستفيدون منها.موقع بنترست كان المتصدر و طبعا بحث قوقل بالصور او العادي كنت ابحث عن الوحدة يطلع لي أشياء وأشياء مثلا جربوا تكتبون الركن الاداركي لوحدة..ايضا بصراحه استفدت من اسطوانات الموجودة فيه اسطوانات لجميع الوحدات ماعدا وطني وكتابي بحثوا عنها..
٢٤/ ايضاً هنا بعض الافكار اللي بعد طبقتها و افكار كثييره غيرها لو بحثتوا..
بعد هنا في هاشتاق اسمه #تكلفة_صفرية لصاحبته @ajmlle7sas فيه الكثيير و الكثييير من الأفكار السهله و اللي ممكن تطبقونها و تسوونها في فصلكم👏🏻.
بعد هنا في هاشتاق اسمه #تكلفة_صفرية لصاحبته @ajmlle7sas فيه الكثيير و الكثييير من الأفكار السهله و اللي ممكن تطبقونها و تسوونها في فصلكم👏🏻.
انتهى الثريد الحمدلله 😍 و اتمنى اني اكون أفدتكم و لو بشي بسيط او معلومه او طريقة او فكره تقودكم الى نجاحات كُبرى في مجال عملكم👌🏻
و تذكروا لِكُل عقبه لها حُلول نستطيع ان نتجاوزها إذا آمنا بقدراتنا و بقوتنا .. نستطيع بإذنه و بقوته 👏🏻💙
لاتنسوني من صالح دعواتكم 🤲🏻..
و تذكروا لِكُل عقبه لها حُلول نستطيع ان نتجاوزها إذا آمنا بقدراتنا و بقوتنا .. نستطيع بإذنه و بقوته 👏🏻💙
لاتنسوني من صالح دعواتكم 🤲🏻..
جاري تحميل الاقتراحات...