نصيحة لطلاب وطالبات #الثانويه_العامه .. نجحت بتفوق أو نجحت الحمد لله ..تمام .. فرحت واتنطط ..تمام .. نركز بقي .. أيوة تركز لأن زمن اللعب انتهى الاربع سنين او السبع سنين اللي جايين اللي هما اللي هتعرف فيهم إذا كنت فعلا نجحت ولا فشلت .. ماتخليش فرحتك تعميك عن حاجه مهمه جدا 👇
مافيش وجود ياصاحبي لحاجه اسمها كليات قمة وكليات قاع .. نصيحه ليك من واحد جايلك من المستقبل وشاف اللي انت حرفيا هتشوفه .. لما تيجي تختار الكلية اختار المجال اللي انت شايف نفسك فيه .. انا مثلا قدامك ..كان نفسي ادخل كلية فنون جميلة قسم جرافيك🤯 وبرضو 👇
كنت مهتم جدا بالجغرافيا والمسح الجغرافي والاستشعار عن بعد .. لكن "قالولي" ادخل تجارة انجليزي عشان مستقبلها مضمون والبنوك بتتهافت عليهم ..وتصدق بأية دخلت تجارة انجليزي واتخرجت وقدمت في البنوك اللي بتتهافت علينا لقيت البنوك كلها قافلة في وشي ومافيش داعي لذكر الأسباب 👇ب
وبرضو رجعت كما كنت واخدت دبلومات متخصصه في الحاجه اللي بحبها واشتغلتها وبقت مصدر رائع للدخل .. وتجارة انجليزي بقت مجرد شهادة مرمية عندي .. خلاصة كلامي ابحث عن ذاتك وحلمك وادرس الحاجه اللي بتحبها عشان تتفوق وتبقي نجحت بجد ماتضيعش وقتك في حاجه مش هتنفعك ولا عشان كلمة في شهادة 👇
ا
ا
اتمنى ليك التوفيق ولو محتاج مني مساعده انا فاتح الرسائل لٱي حد محتاج رأي .. 💜
جاري تحميل الاقتراحات...