رتبها

#ثريد عن عادات الزواج في بعض القبائل التشادية

أولاً احب انوه ان #تشاد تتعدد فيها الأعراق والقبائل وبذلك تتعدد العادات والتقاليد .
بعد الخطوبة وموافقة العروسة وأهلها : # بيكون فيه يوم : البعض يسميه المد وهذا اليوم اهل العريس يجيبون فيه المهر مع عصيرات أنواع واشكال .
والبعض يسميه # قولة الخير يروحون مجموعة

من اهل العريس الى بيت اهل العروسة لتقديم المهر والذهب وطبعا يختلف حسب القبائل والعوائل , البعض مع مهر العروسة بيكون فيه مبلغ وهدايا للام العروسة و العمة والخالة , وطبعا هدايا وعطورات ولبس للعروسة , وكل هذا في عشاء عائلي صغير مقام من قبل اهل العروسة ويجب تكريم اهل العريس .

قبل الزواج بفترة :
#الشبكة واهل العريس يجيبون عربية فيها { جوال - ذهب } وبعدها اهل العريس يجون مرة ثانية ويجيبون فلوس البخور ويحددون موعد الزواج , بعدها ام العروسة وأهلها ومن يعز عليها يتجمعون ويسوون البخور والدلكة والخُمرة .

عند البعض يقام حفل عشاء الأول من قبل اهل العروسة و اهل العريس هم اللي يجيبون كل شيء يتعلق بالأكل .
العشاء الثاني يقام من قبل اهل العريس واهل العروسة يجيبون لأهل العريس { البطانيات , مكسرات , كيك , بخور , دلكه , خمرة } يكون بشكل مرتب ومنسق.

عند البعض قبل الزواج بأسبوع تقريباَ اهل العريس يجيبون الحناء للعروسة وأهلها وصديقاتها ولوازمها والثوب التشادي ولبس الحناء مع مبلغ بسيط حسب استطاعة اهل العريس , خلال هذا الأسبوع العروسة تتحنن وتتنفش { بعض القبائل قديماَ يخلون اول من يحط الحناء للعروسة امرأة متزوجة من فترة طويلة

وعندها أطفال ولم يسبق لها الطلاق عشان يكون فال كويس و بعدين تكمل النقاشة } .
قبل الزواج بيوم او يومين او ثلاثة على حسب يقام واحد من هذه الأشياء :

1- الجرتق ويسمى غالباَ { يوم الحناء } وهي عادة قديمة جداَ و ليست عند كل القبائل وقد تكون اندثرت يعتمد كثيراَ لنا كشاديين على جراءه العروسة , تلبس فيه العروسة فستان احمر قصير عريان الاكمام و باروكة شعر طويل بطول الفستان وتكون متنقشة الى الركب والاكواع , تلبس الذهب وتبدأ برقص وينزف

العريس بلبس التقليدي التشادي ويرقص معاها وتكون مهمته ان ما يخليها تطيح { اذا طاحت يدفع غرامة } .
- الغُمرة تختار العروسة زي معين او اكثر من زي وتلبسه مع الذهب قد يكون { تشادي - هندي - يمني ......الخ على حسب رغبة العروسة } في يوم واحد او اكثر من يوم .

3-الاغلب اذا عمل الشبكة يكتفي وما يسوون شيء ثاني , لكن في عوائل تسوي الاثنين او ما يسوون ولا شيء ويكتفون بحفلة الزواج ونرجع ونقول على حسب الاهل و عادات القبيلة .
عند البعض في نفس يوم الزواج ام العريس تهدي طقم ذهب للعروسة يكون اغلى من طقم الشبكة

واليوم الثاني ام العروسة تروح عند ام العريس وتعطيها { فلوس او تعليقات ذهب و بطانيات }
#انتهى
اعيد واكرر على حسب القبائل والعادات والتقاليد , فإذا انتي تشادية او انت تشادي وماعندكم في قبيلتكم كذا , اكتبوا لنا في الكومنت عاداتكم وتقاليدكم
#مثال