يعني سُبحان الله ساعات الشخص يفلت من جريمة مسويها من ٢٨ سنة⚰️📺و بالأخير ينصاد 👮🏻♂️⛓بسبب دليل يضحك و مو الكل ياخذه بجدية🤭، حرفيًا لابد الشخص يسقط بوحل أعماله😏و تطيحه تفصيلة عادية و دليل بسيط جداً جدًا يكشفه تطور التكنولوجيا🎥إلي قبل كانت محدودة، بِسم الله نبدي جريمة اليوم🎬:
- في يوم ❷❶ من شهر 𝗡𝗼𝘃𝗲𝗺𝗯𝗲𝗿 سنة 1997 📺📽.. لقوا الإخت [ 𝙳𝚎𝚗𝚒𝚜𝚎 𝙺𝚞𝚕𝚋 ] إلي عمرها ٢٧ سنة🧑🏻= ميتة في منطقة في 𝖯𝖾𝗇𝗇𝗌𝗒𝗅𝗏𝖺𝗇𝗂𝖺 إلي تُعتبر بعيدة عن السُكان يعني لوكيشن مُريب🗺🤨..
![- في يوم ❷❶ من شهر 𝗡𝗼𝘃𝗲𝗺𝗯𝗲𝗿 سنة 1997 📺📽.. لقوا الإخت [ 𝙳𝚎𝚗𝚒𝚜𝚎 𝙺𝚞𝚕𝚋 ] إلي عمرها ٢٧ سنة🧑🏻= ميتة في منط...](https://pbs.twimg.com/media/Eebwh_EXkAMqrnr.jpg)
ڤيديو قصير جدًا📷 يوضح إن المكان شلون مُريب🛤🌲و إن الجَثة واضح يعني إلي قطها يبي يكون بعيد عن الأنظار و هيك يعني😏🎥:
الحين شوي ركزوا وياي🙄: الجثة كانت مدفونة و فوقها : بنطرونين👖و تيشيرت👚- جاكيت🧥و دلاغ أصغر🧦🧽..
و لازم تعرفون شي الجثة ما اكتشفوها بنفس يوم القتل 𝐍𝗼 𝐍𝗼 𝐍𝗼⚰️.. لما لقوها كانت متحللة نوعًا ما لدرجة إنهم احتاجوا أيام قبل لا يحددون منو إهيا ❕❔و قبل لا رسميًا يقولون إن ترىٰ الحادثة = جريمة قتل🔪و يجب التحقيق فيها✔️🤦🏻♀️🕰!
يمكن تقولون معقولة محد فقدها المرة تحللت و محد سأل عنها شي شيات شدعوة‼️💬.. نو محد بلغ عن فقدانها لأن يعني آخر مرة إختها شايفتها قبل وفاتها بأقل من شهر و قبل عادي يعني في أعذار وايد حق انقطاعها شغل سفر و إهيا أصلاً مو عايشة وياهم فيعني مو شي غريب إن محد بلغ عن اختفائها🤷🏻♀️
الحين نيي حق اللوية .. القضية مجهولة ما فيها مشتبه به واضح و صريح😕فاضطروا يحطون إعلان بالجريدة أي أحد عنده معلومة الله يخليكم يعطينا خبر أي شي أي فتات تفصيلة نبيه🗞📰📄:
بتقولون ليش جريدة و لوية تحقيق و خلاص .. راح أقولكم تحولت القضية لي = 𝑪𝒐𝒍𝒅 𝑪𝒂𝒔𝒆🧊⚖️ شنو يعني؟ يعني القضية صار فيها نقص بالأدلة البيولوجية و بالأخص الـ 𝔻ℕ𝔸🧬 ما كان له أثر فبردت❄️فعلىٰ ذلٰك = انحفظت القضية بالرف و في حال لقوا أدلة يديدة بالمستقبل🤔= يُعاد فتحها📖🔥!
انزين جريمة قتل مشتبه واحد ما صادوه؟😕أمبله كان فيه شخص مُشتبه فيه اسمه = 𝑇ℎ𝑒𝑜𝑑𝑜𝑟𝑒 𝐷𝑖𝑙𝑙 عُمره حزتها ٢٤ سنة مشكوك فيه لعدة أمور ..
بعد انتشار خبر العثور عالجثة بالجرايد⚰️و الأخبار📄هٰذا الآدمي الوحيد إلي كان بدائرة الشبهة🤨 راح ثاني يوم تعبيرًا عن الحدث الشنيع حق أمها و عطاها الأشياء إلي كانت لها عنده من أغراض و ملابس كذكريات لها😞💔لأنها إهيا بفترة من الفترات كانت ساكنة عنده و تربطهم علاقة سابقة🧐
كانت الشكوك 💭تحوم حوله لأن انتقلت للسكن وياه شهر 10 فيعني قبل شهر من وفاتها🤨بس اهيا طلعت من السكن بعد أسبوعين و انتقلت للضياع من جديد .. انزين الأخ المشتبه الوحيد شنو كانت أقواله؟🧐
يقول آنا آخر مرة شفتها تاريخ ١٨- ١٠ - ١٩٩١📽،ادعىٰ آخر حدث يربطهم لما تعرضوا حق سرقة و راحت الإخت 🧑🏻تطلب المُساعدة و بس من عقب ما راحت ما شافها كلش مرة ثانية .. الحين وين المُشكلة مافي دليل بيولوجي يربطه بالجريمة🧬❌و أقواله تقول إن ما كان آخر شخص وياها🤔..
فعشان هيك تحولت لي قضية باردة إذا أكثر شخص عليه شبهة لا أقوال لا أدلة لا شي يربطه بالجريمة🤦🏻♀️🧊.. الحين بقولكم شلون تحولت من قضية بالرف متثلجة لي قضية أُعيد فتحها و أعيدت حرارتها🕯بدليل كان أصلاً موجود و انتو قريتوه بين السطور😯🍿!
فاصل إعلاني📍: بس في مرة فكرتوا إن طريقة تصوير الأدلة الجنائية🎥و جودة الصور ممكن تقلب الطاولة؟🎞 أو هل فكرتوا إن كل شي كان واضح و سهل بس الفرق إن جودة الصورة ذاك الوقت لعبت دور و أخفت دليل لو مع تكنولوجيا كان واضح؟🤔فكروا بهالأشياء علىٰ ما آنا أكمل كتابة الثريد و أرد!
بـ 𝟚𝟘𝟙𝟝 .. تم إعادة فتح القضية لعدة أسباب و بخلي أكثر شي شيق بالأخير🙄.. شصار بالقضية لما ردت انفتحت بعد سنين طوال🎞! شنو إلي تغير، مثل ما يقولون يكشف الزمان ما كان مُخبأ و يفضح ما تم تلفيقه😒!
1- تغيير الأقوال😒.. تذكرون لما قبل قال إن آخر مرة شفتها يوم انبقنا من شخص مجهول و ركضت تطلب المساعدة و إي نسيت أقولكم شي كان قايلهم إن هددنا بسچينة🔪فعشان هيك إهيا انحاشت عرفتوا؟ حدا تعبان يحليله عالسيناريو النصاب🙂😂المهم و بعدها ما شافها، بتاريخ ١٨ - ١٠، شنو قال بعد فتح القضية
تغيرت أقواله تمامًا لي شي ثاني و قال: إني قابلتها بكافيه و إن سالفة البوقة ما كانت حقيقية❌بس قالهم إن چذبتي ما تعطيكم الحق إن تتهموني بالقتل😒.. عقبها يه شي ثاني يقوي القول هٰذا من اخت المقتولة بدا تحقيقهم و الشهود يصير بينهم ربط أقوىٰ من بعد ما كشف چذبته ..
كانت إخت المقتولة📃 قايلة قبل: إني شفتهم ( يتهاوشون ) المتهم و اختي المقتولة🧑🏻⚰️ برا مكان شغلي بالكافية و هذا كان آخر يوم شفناها فيه، الحين بدوا المحققين يشكون بشغلة لما تشابهت القصص🤔.. إن الجثة احتمال كبير كان مسرح جريمة الأول في سكن المتهم بعدها نقلها لي مسرح ثاني بعيد🗺!
و الأمر الأغرب تدرون وين؟ إن إخونا النصاب 𝚃𝚑𝚎𝚘𝚍𝚘𝚛𝚎 المتهم كان يقول تفاصيل مفروض محد يعرفها غير القاتل نفسه يعني مو من المنطقي إن يقولها شخص ماله دخل بالموضوع🤐.. مثل: شكلها تعرضت للعنف قبل لا تموت .. و غيرها من تفاصيل مفروض ما تطلع من شخص بريء يعني😑زادت من الشبهة حوله !
و اكتشفوا إن كان ساكن بـ 𝐌𝐎𝐓𝐄𝐋 يبعد أقل من كيلوين عن الموقع إلي لقوه فيه الجثة يعني كان مؤقت ساكن بمكان مسافته مريبة و تثير الشكوك فوق شكها خصوصًا إن عنده سكن شكو مؤقت هني🤭🏠..
الحين نيي حق البارت الأحلىٰ🤓 قلت لكم ما قدروا يربطون المتهم بمسرح الجريمة مثل أثر الـ 𝐷𝑁𝐴🧬 بتاعه و لٰكن شنو الشي إلي فصل الموضوع بهٰذي القضية؟ لا ⒹⓃⒶ و لا دم و لا شعره لا لا لا .. شي ثاني تمامًا🎥!
شوي نرد ورا تذكرون قبل بـ ١٩٩١ لما شكوا بالأخ 𝑇ℎ𝑒𝑜𝑑𝑜𝑟𝑒 ؟ لازم تعرفون إن راحوا مكان سكنه و صوروه احتياطًا لكونه مشبوه🎥📸.. و لٰكن في مشكلة بعد فتح القضية! الصور و جودتها بالتصوير كانت سيئة فقالوا نبي نستخدم التكنولوجيا و نحسن هٰذي الصور القديمة يمكن نطلع منها شي شيات🤔🎞
قاموا و استعانوا ببروفيسور من الجامعة📽📷 اسمه 𝑩𝒚𝒓𝒐𝒏 𝑾𝒐𝒍𝒇𝒆، ليش احتاجوه بعد فتح القضية؟ و شمعنىٰ إهوا شنو المفروض منه يسوي؟🧐
لأن تخيلوا إن وقت تصوير سكن المتهم سنة ١٩٩١ كانت الصور بشكل فلم يا ربي علىٰ قدم الأدوات🎞📽! يعني التفاصيل ميته الصور غامجة حيل بدون دقة و حجمها أصلاً صغير فكانت فكرة إن يطلعون منها شي مفيد عبارة عن تحدي فقام البروفيسور و حط طاقته بالموضوع🎥📸..
حاول يستخدم طرق يديدة بتحسين الصور و تعديل الألوان و الإضاءة💡و إزالة الأمور الي تخرب جودة الصورة يعني حاول يصفيها من كل عيب قديم مخربها، و يحاول يطلعها بأفضل حُله فيها تفاصيل ممكن ما كانت واضحة بالصور القديمة .. و بعد جهد ساعتين طلعت تفصيلة ربطت الأخ بالجريمة🤭!
تذكرون لما قلتلكم ركزوا بالجثة .. و قلتلكم إن فيها ملابس كانوا فوقها؟🤔قلت لكم لقوا دلاغ أصفر بس كان بمسرح الجريمة فقط قطعة ١ .. تدرون إن بالصورة المُحسنة حق سكن المُتهم وضحت تفصيلة متمثلة بـ .. القطعة الثانية حق الدلاغ😂🧦🧦 !
دلاغ أصفر جزء منه موجود بمسرح الجريمة و تكملته بسكن المتهم يعطي انطباع صريح إن الجثة كانت موجودة في السكن عنده و بعدها تحول لي مسرح جريمة في منطقة بعيدة، يعني كذب ٢٨ سنة تيي صور معدلة و دلاغ يكشفها و يعفس الموضوع😂!
و في ٢٠١٩ شهر ٩ مو من فترة طويلة يعني .. رسمًيا تم القبض عليه⛓و جُرم فعله و اتهم بالقتل✔️و الإدلاء بمعلومات نصابة إلي بدورها خربت سير العدالة⚖️..
يمكن تتسائلون نفس الناس .. في اسئلة توجهت إن ليش قبل ما لاحظوا؟ قال إن احنا ما ندري شنو قبل كان الوضع الي خلاهم ما يلاحظون هالتفصيلة .. و لٰكن الي فهمناه إن في بعض القضايا تصير أفضل بمرور الزمن لأن تطلع أمور تكشف أشياء كانت التكنولوجيا واقفة بويه الحق🎥!
طبعًا آنا ليش عاجبتني فكرة الدليل مالت الصورة المعدلة لأن الأسايمنت و لابي الياي بالجامعة إذا بدينا عن نفس الفكرة بالضبط: تعديل الصور و تحسينها و شلون ممكن 𝐄𝐝𝐢𝐭 معين يغير تفاصيل و يعفس الصورة و تودين القضية بداهية فإنترستنق حيل💡المهم نيي حق فقرة حكمة كل ثريد ..
يعني قضية ظلت مُعلقة قريب الـ ٣٠ سنة و بلحظة و تفصيلة ما تطري عالبال انقلب قدر الإنسان فلماذا الإستهانة بالتفاصيل و قدرتها علىٰ تغيير مجرىٰ الأمور، كل شي مُهم و كل حدث نشوفه عادي مهم و كل تأخير مو معناته الحق ضاع و كل شي مشوش مو معناته راح يظل طول الوقت غامض بيي يوم و يصير واضح
جاري تحميل الاقتراحات...