شعبي العزيز..
بدك تعرف ليش انقلبت الحكومة على نقابة المعلمين؟
تعال أحكيلك عن بند واحد من بنود اتفاقية أطول إضراب عمالي في الأردن.. وهو البند الثالث..
طالبت النقابة بإشراكها بإدارة صندوق ضمان التربية.. شو يعني!!

هذا الصندوق بدفعله المعلم مرغماً من ٣٥ إلى ٦٥ دينار شهرياً وما بعرف وين بروحوا.. طبعاً هذا الصندوق غير عن الضمان الاجتماعي اللي كل موظفي الدولة والقطاع الخاص بدفعوله.. ولعلمك.. المعلم بدفع من راتبه ٣ فئات للضمان الاجتماعي.. وضمان المالية.. وضمان التربية.. وهذول كل شهر..

شو صار بضمان التربية؟... عادي مثل أي صندوق بالتربية.. إنسرق وجه بدون فم
انسرق هالصندوق عدة مرات وآخرها ٣٤٠ مليون دينار انسرقوا منه وهو تحت إدارة وزارة التربية والتعليم وبعد مطالبات النقابة بتحويله لمكافحة الفساد تحول ورجع التحقيق بجواب.. ( لم يعرف المسؤول عن سوء إدارة الصندوق)

النقابة بمطالبتها.. كانت رح تطير روس حرامية كثار.. بس الحرامية.. في مين يفزعلهم.. ونقابة أبناء الحراثين والطبقات الكادحه.. فزعتها الشعب.. يا بوقف معها ومع حصن الوطن.. يا بضل طول عمره مأسور بأيادي الفاسدين.
#مع_المعلم
#مع_النقابة