ثريد:
يلي رح يصير كالتالي :
نحنا كشعب رح نكمل هبل وما نلتزم ب الاجراءات وبلبس الكمامة ، وطبعا جايي موسم الاعراس والبحر والسواح والناس جوعانة مما سيؤدي الى انتشار الفايروس بشكل كبير كثير ورح نلاقي ناس عبواب المستشفيات مش قادرة تفوت ع المستشفى لانه ما في سرير فاضي -١-

ورح تبلش كل منطقة وكل طايفة تهتم بسكانها او اذا بدك ادق بناخبيها يلي بصوتوا لها ، ورح يرجع الولاء للاحزاب يلي رح تعمل لك مستشفى ميداني وتأمن لك الشي يلي كان لازم الدولة تعمله وما قدرت الدولة تعمله لانه هيدي الاحزاب نهبت الدولة ع مر السنين ، وهيك اذا مرضت ما تخاف-٢-

ما عليك الا تروح تقدم فروض الولاء والطاعة وتعتذر لهم اذا شي يوم شاركت بتظاهرة وترجع تجدد عهودك وتقدم طلب انتساب جديد وتتعهد بعدم تكرار هيدي التصرفات مرة تانية وهني رح يفرجوا العالم انو ليكو نحنا شو متسامحين هيدا يلي شتمنا رح نسامحه ونعفو عنه -٣-

ف عشان ما يصير كل يلي قلته فوق انقبر قعود بالبيت والبس كمامة لما تطلع وابتعد عن الاختلاط لنعرف ع اي خازوق رح نقعد ب النهاية

@Rattibha لو سمحت