بعد ما قضيت ما يقارب ٧ ساعات برا، من سوق لسوق، ومن محل لمحل .. حابة أبدأ سلسلة تغريدات (في أقوال أخرى: ثريد) عن التصرفات اللا احترافية اللي بنشوفها من بناتنا الموظفات في المحلات. قبل لا أبدأ حاخد استراحة عشان رجولي توجعني من السوق، وفي دا الوقت حأسمح لكم تِدلوا بدلوكم 🦦
موظفة تشتكي قدامي بصوت عالي لشخص على سماعة الـearpod: مني قادرة أطلع بريك عشان حضرتها فلانة ما جات للآن ماشاءالله بتدخن! - عفواً، ليش أنا كزبونة مضطرة أسمع دا الكلام ؟ 🤨
موظفتين يتكلموا سوا، أنا: لو سمحتي فين ألاقي الغرض الفلاني؟ موظفة١: في القسم التاني. أنا: أي قسم؟ موظفة٢: اسألي أي موظف ولد. - عفواً، أعتقد يمديكم توجهوني بدل ما تحسسوني إني قطعت هرجتكم المهمة اللي مكانها مو هنا أصلاً! 😒
موقف قديم: موظفة تحاسب ملابسي بعد أن استلذت بأكل الفشار قدامي. - أعرف إنه خطأ الشركة إنها ما وفرتلكم غرف استراحة، بس يا أخت ملابسي سارت بريحة الفشار! 😫
موقف قديم: موظفة من آخر المحل تنادي بصوت عالي زميلتها في أول المحل: فلاااانة، تبي شي من هارديييز؟ - عزيزتي، لسنا في بيت أبوكم والله! 😰
موقف قديم: موظفة الله يديها العافية سابت أكلها عشان توريني أفضل روج في الستاند، ويدها فيه بقايا شبس. - بالعافية أختي، ماقدر أعلق أكتر من كدا! 💔
موقف قديم: كنت في طابور الكاشير وصار موقف غير مسموع بين موظفة الكاشير والزبونة اللي قدام قدامي. لما وصلنا للكاشير، الموظفة: وجع كان نفسي *^&$ - عفواً، ليش تفضفضيلنا، وبهكذا ألفاظ؟ + اتخيلي لو الزبونة السابقة من معارفي 🤯😂 ؟
موقف قديم (والمفضل): موظفة الكاشير: إنتي سعودية؟ أنا: إيوا. الموظفة: بس باين شكلك فلبيني. أنا: أصلي إندونيسي، بسمع كدا كتير، بس سعودية. الموظفة: يعني أجدادك أخدوا الجنسية ؟ 🤨 - التعليق لا تعليق. (كنت باخد وبعطي عشان أختي الكبيرة كانت معايا ولو حست إني اتضايقت حتنفجر عليها 🌋)
جاري تحميل الاقتراحات...