رتبها

ثريد عن مزامنات (مُصادفات) غريبة صارت

( كبسة خادم )
ألف الكاتب إدجار ألان بو
حكاية تروي عن اربع بحارة نجو من غرق سفينتهم واضطروا لأكل خادمهم المدعى "ريتشارد باركر"
وبعد ٤٦ سنة غرقت سفينة حقيقية و روى افراد الطاقم الذين نجو كيف انهم اكلو خادم السفينه ريتشارد باركر
مدري وش مقصر معاهم السمك لهالدرجه لحم خويهم مغري

( المخاطيب )
اثنين قبل زواجهم جلسو يتفرجون صور طفولتهم مع بعض، وفي احدى الصور كان الولد مع خواته ع البحر ولما خطيبته شغلت مخها شوي لقت نفسها وراهم بالصوره وهي صغيره
يحليلهم

( الحظ الي الله يحرمنا منه )
نادله وممرضه اسمها "فيوليت جيسوب" كانت على متن سفينة أوليمبيك لما صدمت بسفينة هوك، وكمان كانت على متن سفينه ثانيه لما غرقت بعد ماصدمت بلغم بحري

وكانت على متن سفينة التايتانك لما غرقت اثر اصطدامها بجبل جليدي، وما غرقت فيهم كلهم يحليلها مدري اقول ماشاء الله ولا اعوذ بالله

( يموت واحد ويطلع الثاني )
توفى ”إنزو فيراري“ مؤسس شركة فيراري في اوغست سنة 1988، وفي نفس السنه بعد شهرين من وفاته انولد لاعب كرة القدم ”مسعود أوزيل“.
شوفو وجيههم ياساتر يالشبه

( جابني الشوق )
واحد راح يصيد وضيع محفظته بكل الي فيها ولا لقاها وخلاص فقد الامل وطلع له اوراق جديده وذا
بعد عشرين سنه راح يصيد بنفس البحيره وصدفه لقى محفظتة بالفلوس الي فيها بعفشه بكلشي سوبهان الله من التسذب والله

( التؤام المنفصل )
بعد ولادة التؤامين فرقوهم وكل عائلة تبنت واحد منهم بدون مايعرفون
واطلقو عليهم اسم ”جايمس“ من طرف الأشخاص الي تبنوهم ، واثنينهم بعد ماكبرو صارو ضباط شرطة،

وتزوج كل واحد منهم بنت اسمها ”ليندا“، واثنينهم برضه انرزقو بطفل ذكر سموه ”آلان“، وكان لكل منهم كلب اسمه ”توي“، وتطلقو من زوجاتهم وتزوجو اثنينهم للمرة الثانية مع امرأه اسمها ”بيتي“
عجيب والله

( غلاف البسكويت )
واحد كان يتمشى عند احد جبال الولايات المتحده وبالصدفه كان عنده بسكويت كيسته فيها صوره واحد يتسلق الجبال بنفس المنظر الي هو عنده
صدفه مو ذاك الزود بس رهيبه الصوره راكبه بالضبط

( حادث التاكسي )
في مدينة برمودا كان فيه شخص يسوق دراجة نارية، وهو يلف بمفترق الطرق دعمته سيارة اجرة وتوفى في الحادث، بعد سنه من الحادثه قرر اخوه يصلح الدراجه وصار يسوقها بنفس الشارع الي صار فيه الحادث

واندعم بسيارة اجرة برضه والاغرب من ذا كله ان السيارة الي تسببت بالحادث الاول هي نفسها بالحادث الثاني وبنفس السائق وحتى بنفس الزبون الي كان بالسياره الاولى

( 33607 )
الرجال ذا شارك في المارثون وكان يلبس تيشيرت عليه رقم 33607، وبرضه كان ذا رقمه في المارثون وبعدين اكتشف ان حتى رقمه البريدي كذا، وبعد ماخلص المارثون كان الوقت الي استغرقة 03:36:07 هههه