لخبركن هل قصة عن الفساد بمصفاة الزهراني بس ليكون عندكن فكرة عن إجرام الطبقة الحاكمة بحق هل شعب:
بعتقد بتعرفوا قصة وزير النفط شاهي برصوميان لتم سجنه عام ١٩٩٩ بتهمة بيع الرواسب النفطية (سجن عاماً وتمت تبرأته بعد سنوات)
عام ١٩٩٧ بس طلعت ريحة ملف الرواسب النفطية كان في ملف خطر تاني

في ٩ خزانات غاز بالزهراني بسعة ٣٨٠ ألف قارورة وضعتها وزارة النفط أوائل الثمانينات بهدف تغطية حاجة الجنوب من الغاز بس أكيد تخلّت عن دورها بعدين لصالح الشركات الخاصة "الكارتيلات".
كيف تم هل شي؟
سنة ١٩٩٣ بأول حكومة للراحل رفيق الحريري، صارت الشركات الخاصة تدفع بدل ايجار هل خزانات

مليون و ٢٠٠ ألف دولار بالسنة بدل ايجار، تبيّن بعدين إنو الخزانات مهترئة وغير موصولة بأنابيب من الأساس وانو هل مليون و ٢٠٠ ألف دولار بتدفعها الكارتيلات رشوة لوزراء النفط المتعاقبين بدءًا ب أسعد رزق، الهدف من هل رشوة هو إبقاء الدولة خارج سوق المنافسة والاستيراد المباشر.

ما حدا عذّب نفسه وتساءل وقتها ليش شركة Gaz Orient "غاز الشرق" المسيطرة على سوق الغاز خزاناتها بالدورة وبنفس الوقت عم تدفع ايجار خزانات مهترئة بقيمة مليون و ٢٠٠ ألف دولار سنوياً