ركبت امبارح مع بتاع كريز السواق ظاهر داقي برا، معلط حرفيا، عيونو واقعه عديل. المهم ركبت قدام والعربية شحنت وطلعنا، اديتو خمسين جنيه ورجع لي عشرين، بعد شويه مسافه كيلو كدا قال لي انت شلت باقيك؟ قلت ليهو اي ..
قال لي لا ما شلتو قلت ليهو والله خدته، قال لي يازول ما تحلف انت ما شلتو، قمت طلعت ليهو العشرين من جيبي قلت ليهو عاين عشان تصدق.. قال لي لا ما طلسني ما طلع قروشك من جيبك وتقول لي هي، اداني عشرين تاني قلت ليهو بس انا والله شلتها حرام اشيل تاني! قال لي وما حرام تزعل اخوك كرمبو؟
قلت ليهو طيب البريحك شنو؟ قال لي تشيلهم مني، قلت ليهو جيب.
فجاه بقى يمشي يمين وشمال قرص عربية جنبو وزنق بتاع حافله فالاتنين نزلوا و كل واحد في شباك. واحد قال ليه انت قارصني الشارع ده حقك وواحد قال ليه انت مخرم بي جاي ووو سابهم وعاين لي وقال ديل بتكلمو معاك انت ولا انا ي استاذ؟
فجاه بقى يمشي يمين وشمال قرص عربية جنبو وزنق بتاع حافله فالاتنين نزلوا و كل واحد في شباك. واحد قال ليه انت قارصني الشارع ده حقك وواحد قال ليه انت مخرم بي جاي ووو سابهم وعاين لي وقال ديل بتكلمو معاك انت ولا انا ي استاذ؟
قلت ليهو انت السايق يعني بتكلمو معاك انت، قال لي بقولو في شنو عشان سامعهم بعاينو ما بتكلمو، قلت ليهو بقولو انك عصرت عليهم.. قال لي ما انا قاعد جنبك شايفني نزلت من العربية ولا عصرت لي زول! بذمتك انا نزلت من العربية دي؟ يا استاذ كرمبو هو قصدو انو العربية هي قرصت العربية..
قال لي طيب وهو بتكلمو معاي انا ليه ما يتكلم مع العربية.
مسكت نفسي من الضحك بالقوه وسكت مشي زي ربع ساعه كده وقال لي هو الناس دي كان داقه جرس مالا قلت ما تشغل بالك دي حاجة ليها علاقة بالثوره والمدنيه وانا حليتها قال لي طيب انا اديتك باقيك؟ قلت ليهو اي مرتين اديتني ليها مرتين..
مسكت نفسي من الضحك بالقوه وسكت مشي زي ربع ساعه كده وقال لي هو الناس دي كان داقه جرس مالا قلت ما تشغل بالك دي حاجة ليها علاقة بالثوره والمدنيه وانا حليتها قال لي طيب انا اديتك باقيك؟ قلت ليهو اي مرتين اديتني ليها مرتين..
وعاين قدامك حنخش في العربية القدامنا دي قال لي يا استاذ ما تغشني انا ما اديتك الباقي وطلع عشرين وحلف اني اشيلها. يازول والله شلتها، قالي والله لو ما شلتها ما اتكلم معاك تاني، يا حبيبنا احسن ماتتكلم معاي زاتو، قال ح تزعلني يا اصلي. قلت ليهو اها، قالي علي بالطلاق تلاته تشيلها..
المهم عشان الطلاق شلتهم وبقيت ماسك الفكة كلها في يدي، عاين لي كدا وقالي اسمعني ي وحش ما تجيب الفكة دي وشيل الخمسين جنيه الصمه، عشان ادي الباقي للركاب الورا..
نزلت وانا ونازل قال لي ي فرده اعفي لي الباقي انت شايف ما عندي فكة. و دور مشاا ..
نزلت وانا ونازل قال لي ي فرده اعفي لي الباقي انت شايف ما عندي فكة. و دور مشاا ..
جاري تحميل الاقتراحات...