فيه شي يسمونه "التسليم المتطرف" Radical Acceptance يقال إن كلنا نصل له في النهاية غصب عنا، لكن الإنسان في طبعه مقاوم ومقاتل، أحياناً فيه بعض المشاكل مالها حل، والطريقة الوحيدة هو إننا نتقبلها تماماً، وبمجرد قبولها بيزيح جزء كبير من همها، بأشرح كيف"نسلم تماماً" في التغريدة التالية

إذا عندك مشكلة عقلك بيزعجك بأفكارها، كل شوي بيجيب طاريها، طبعاً مافيه سلك تقدر تفصله عشان عقلك يبطل، لكن اللي تقدر تضبطه هو رد فعلك إذا ظهرت هذه الأفكار في وعيك، الحل إنك تتقبل وجود هذي الأفكار بمعنى لا ترفضها ولا تتأملها، فقط قرر وجودها وطنشها، كمل الشي اللي انت تسويه

ماراح تختفي الأفكار على طول، بترجع، وبترجع، ولكن إذا صارت استراجيتك قبول وجودها دون التفاعل معها، بعد كم مرة بتلاحظ إن أثر هذي الأفكار بدأ يتلاشى، العقل يبطل يجيب لنا الأفكار اللي نقول له إنها غير مهمه عن طريق التطنيش.