هات كوباية الشاي بتاعتك وقول دعاء السفر علشان هنطول شوية.
-✍️
-✍️
أتكلمنا قبل كده ومدحنا زيدان وأعتقد هو خد الإشادة الكافية على اللي قام بيه مع الفريق وبشهادة الجميع .. لاعبين ، اداريين و جماهير. وقولنا أن ظهور اللاعبين بالمستوى والرغبة دي مش صدفة أبدًا وأنه محتاج شغل كبير جدًا و وجوده على الدكة ضمن لنا ده.
طيب، في نغمة كده كانت بتكرر أن الموسم ده كان موسم بناء للفريق وأن زيدان اللي هيقوم بالدور ده كما هو واضح للكل. وده شيء جميل جدًا، طيب يعني ايه بناء؟ قالك كل ما يعدي الوقت فا الشئ اللي انت بتبنيه ده بيتطور.
وبمفهوم الكورة أن كل ما تزيد عدد سنينك في الفريق بيزيد تتطوره وشوفنا أبرز مثال على البناء هو يورغن كلوب مع ليفربول لما وصل في 2016.
يعني المفروض كده أن أي نقاط ضعف للفريق على الأقل بتحاول تحل معظمها في الموسم اللي بعده. سواء كانت نقط الضعف دي لاعبين أو أفكار تكتيكيه أو شغل بدني مثلًا.علشان متتكررش تاني و مينفعش تسيب نفسك للظروف أو أي مساعدة من فريق منافس. وكذلك مينفعش موسمك الجاي يفشل بعد ما ده نجح.
يعني بالظبط ميحصلش زي 2017 لما كان معانا أفضل فريق في أوروبا وفجأة صفقاتنا كانت شباب و المدرب نفسه مش مقتنع بيهم و ولا بيشاركو. وكنا خلاص قاب قوسين من الخروج بموسم صفري بعد فضيحه في الكاس ومركز تالت في الليغا.
تمام، طيب لما سألت الناس عن الأخطاء اللي شافتها في الموسم قالو حاجات كتير هناخد أبرزها ونتكلم فيها.
1- فرص اللعب للشباب ودي هناخد فيها راحتنا شوية.
تقريبًا النقطة دي من أكتر المواضيع اللي اتكلمنا فيها الموسم ده بس خليني أوضح حاجه ديمًا بكررها ويمكن الناس زهقت مني من كتر ما بقولها. "لاعب كرة القدم مش آله، لاعب كرة القدم مش آله".
تقريبًا النقطة دي من أكتر المواضيع اللي اتكلمنا فيها الموسم ده بس خليني أوضح حاجه ديمًا بكررها ويمكن الناس زهقت مني من كتر ما بقولها. "لاعب كرة القدم مش آله، لاعب كرة القدم مش آله".
قولتها مرتين اهو، زيدان دايمًا بيكرر في مؤتمراته او حتى في تصريحاته الأخيرة مع بي أن سبورتس ان في لاعبين بيحصلو على دقايق قليلة بس المطلوب منهم انهم يكونو جاهزين لما يحين دورهم.
بس أعتقد ان زيدان نفسه عارف ان اللاعبين دول عمرهم ما هيكونو 100% ولا هيظهرو كل قدراتهم لو ملعبوش بشكل مستمر، ولأن الجمهور ذاكرته ضعيفه فا انا كنت مسجل كلام من أول الموسم كده لإنتقاد الناس لميندي بطريقه غبية.
ويمكن يكون كان عندهم حق لأنه أقل هجوميًا مما توقعو بس لما تيجي تبص على نهاية الموسم! لا هتلاقي معظمهم مصنفه ضمن أهم 5 لاعبين في الفريق خلال الموسم واللاعب تطور هجوميًا.
وحتى لو كان التطور ده بسيط فا هو أفضل مما كان عليه أول الموسم. هل ده حصل بدون سبب؟ طبعًا مستحيل. مشاركته الكتير والمواقف اللي اتحط فيها في الملعب هي اللي سهلت ده وأبرزت قدراته.
ياعم وسيبك من ريال مدريد، شوف جرينوود مثلا مع اليونايتيد، كوبو مع مايوركا لما كان بيشارك بديل في النصف الأول من الموسم وبياخد دقايق قليلة ولما بقى اساسي في النصف التاني عمل ايه .. محدش يقنعني أن الموضوع بسيط أبدًا.
إيدير ميليتاو مر بـ 3 مراحل وأنا فاكر كويس جدًا، مرحلة مديح أول الموسم، مرحلة انتقاد وأتقال عليه دانيلو جديد لما كان بيشارك كل 7 ماتشات لما فضلت اقول يا جماعة ده ناتج من قلة المشاركة والله ناتج من قلة المشاركه لحد ما كلامي طلع صح.
وفي نهاية الموسم ولعب مبارتين على أعلى مستوى منهم واحدة ضد بلباو وساعتها الكل أشاد بيه. ونيجي هنا لنقطة مهمة جدًا وهي فكرة المكافئة، ميليتاو لعب ماتش ألافيس وبلباو بمستوى مُرضي جدًا وجه الدور على مباراة غرناطة فا بدل ما تكافئه وتلعبه بدل فاران اللي لعب كل المباريات الممكنة ..
قولتله لا أنت ترجع الدكة زي ما كنت. وياريت محدش يقولي ماتش غرناطة كان صعب، لأن الماتش بدأ بسيطرة مننا وأحنا اللي غلطنا وسلمناهم الماتش بعد كده .. أحنا اللي صعبناها على نفسنا.
ولو نفترض أن ماتش غرناطة ده صعب هو انت دافع فيه 50 مليون علشان تلعبه قدام فريق درجة تالته ولا ايه؟ اللاعب دولي برازيلي وقدام قبل ما يجيلك موسم أسطوري وقدم معاك مباريات كبيرة فا كون أنك مش عارف تستفيد منه دي مشكلتك أنت كمدرب.
الثقة عمرها ما كانت بس بالكلام، اللاعيبة دي بتحس وخط الثقة اللي بينهم وبين المدرب هو الدقايق والإعتماد عليهم في الملعب لو هما يستحقو، وناخد معانا هنا أبراهيم ويوفيتش كمثال.
نرجع لماتش اوساسونا لما كنا قاعدين نتريق ونقول ايه ده يوفيتش هينزل في 3 دقايق يسجل هاتريك ولا ايه!
واللاعب بالفعل خلال دقيقتين سجل جول جميل جدًا وخرج فرحان ومبسوط وينزل ستوري على الانستغرام ومش عارف ايه. وهوب الماتش اللي بعده قدام سيلتا فيغو يلاقي نفسه منزلش ولا دقيقة في حين يلاقي بيل لعب 84 دقيقة!.
طيب انسى كونك مشجع وانسى علاقتك بريال مدريد وتخيل نفسك في موقف زي ده وعايز اعرف ردة فعلك هتبقى ايه؟ طيب بلاش ماتش سيلتا فيغو ماتش ليفانتي اللي بعده يوفيتش تم استبعاده!
ماتش السيتي اللي كان بعد ليفانتي نزل لعب 7 دقايق واحنا خسرانين بعد ضربة جزاء ديبروين .. وهنا بالظبط في الجزئية دي اقصد ان اللاعبين مش ألالات، انا واحد مُحطم اني بتعامل بالطريقة دي قدام فرق الليغا هدخل اعمل ايه ضد السيتي؟ أحاول؟ أدينا بنحاول طيب وبعد ما أحاول؟
تمام ، استبعاد ضد برشلونة واستبعاد ضد بيتيس. وحتى لو كان كريم بنزيما في الفورمة ساعتها كنا هنقول ماشي لكن الفكرة انه حتى كان بعيد جدًا عن المستوى اللي ظهر بيه في نهاية الموسم.
من أول يوم ليوفيتش في النادي قبل ما يلعب أي دقيقة قولت ان الثقة بالدقايق مش بكون المدرب بيدعمك بالكلام بس. زيدان قال هو اللي كان عايزه وده شيء جميل مع ان الكلام عن يوفيتش اصًلا كان قبل ما زيدان يمسك الفريق بس هنصدق.
زيدان أكدت تاني في مؤتمر صحفي نهاية الموسم أن هيعتمد على لوكا يوفيتش الموسم الجاي .. خلاص يبقى كده انت المفروض تتعامل زي ما كنت هتتعامل مع ميندي لو فشل، لما قولنا انه طلب من زيدان ونجاحه يحسبله وده اللي حصل وفشله برضو يُحاسب عليه!
أنت كنادي وكمدرب وافقت على اللاعب وقدومه ولعب معاك موسم يعني خلاص عارف مميزاته وعيوبه وهل هيناسبك ولا مش هيناسبك. فا مفيش مبرر الموسم الجاي انه ميلعبش لو هتسيبه في النادي لأنه لو مش مناسبك فا هو متقدمله كذا عرض وقدامك ان انت تقبل وتشوف غيره صح ولا لا؟
ياعم انت يوفيتش لعبه بارد ومش حيوي في الملعب زي بنزيما!
طيب يا حبيبي هو انا كمدرب لزمتي في الملعب والتدريبات ايه؟ شفت غلط عند لاعب بروح احاول اعالجه وأصححه وانبهه عليه، يوفيتش انت لازم تضغط اكتر على حامل الكورة، يوفيتش لما تيجي تستلم اعمل كذا بص على كذا ..
طيب يا حبيبي هو انا كمدرب لزمتي في الملعب والتدريبات ايه؟ شفت غلط عند لاعب بروح احاول اعالجه وأصححه وانبهه عليه، يوفيتش انت لازم تضغط اكتر على حامل الكورة، يوفيتش لما تيجي تستلم اعمل كذا بص على كذا ..
أدوار كتير ممكن يتم تنبيهه عليها وهو ده معنى انك تتطور لاعب مش بس التسديدات والرأسيات والبدني. ولو هي بالمستوى ويوفيتش مستفز ليه بنشوف لاعيبه ايسكو وفاسكيز في أغلب المباريات وبتبقى الجماهير نفسها تنزل تضرب الأتنين بالجزمة؟
ليه بنشوف بنزيما في الملعب وهو مستواه سيء وتايه في الملعب! ليه واحد زي فاسكيز ممكن ياخد دقايق على أبراهيم؟ لو كانت الحجه ان فاسكيز بيرجع يساند فا هو حاليًا لا بيساعد دفاعيًا ولا هجوميًا ومع ذلك واخد ضعف يوفيتش وابراهيم.
حتى يوفيتش لو مش عاجبك ليه ماريانو برضو مش بيشارك غير قليل! والاصابات اعتقد حجه تافهه لأنه تم استبعاده كتير جدًا جدًا.
ونرجع هنا لماتش ألافيس على سبيل المثال بعد هدف أسينسيو في الدقيقة حاجه وخميسن الفريق سيطر على الماتش ورحنا بمليون هجمة هل دي مثلًا مش فرصة كويسة أن واحد زي ابراهيم ينزل؟
على الاقل يلحقله عدد دقايق محترمه لكن لا أيسكو ينزل قبله. تبص الدقيقة 90 الله اكبر ابراهيم هينزل اهو بدل كاسيمرو طيب ياعم زيدان مش بيظلم حد اهو .. بعد الماتش بدقيقه بتلاقي اوندا ثيرو بتقولك ابراهيم نزل بدل كاسيميرو علشان الاخير تلقى ضربة قوية!!
حاجات زي دي بتبان صغيره لكن تكررها بيخليها كارثه. ومحدش فينا طالب بالعيال دي تبقى أساسي بس على الأقل كل ما تحسم مباراة يكونو هما الأولوية لأنهم محتاجين ده.
فا متجيش أنت بقى بعد ده كله وتقولي والله زيدان تعامله مع الشباب كويس لأن أحنا مش عُمي. فينسيوس ورودريغو دول لعبو علشان هازارد ميت طول الموسم وفالفيردي لعب لما فقدنا الأمل في قدوم بوغبا اللي لو كان وصل كان هيبقى فالفيردي ده خيار خامس في الوسط.
والدليل على ده ان في فترة زيدان الصغيرة لما وصل بعد سولاري علشان ينهي الموسم شفناه اعتمد على أبراهيم لما فينسيوس كان مصاب تقريبًا وقولنا ايه ده زيدان مُقتنع بيه واللاعب بيتألق ده حاجه حلو أوي وبعدها!! ابراهيم على مرمي على الدكة!
وموضوع فالفيردي ده كمان قبل ما انسى هو مثال تاني لموضوع الدقايق، الموسم اللي فات مع لوبيتيغي وسولاري شارك قليل وظهر بمستوى عادي لكن بالإعتماد عليه الموسم ده عرفنا الجودة المخيفة اللي يمتلكها اللاعب، يعني موضوع الدقايق طلع بيفرق اهو!
حتى معظم الجماهير لما تيجي تتكلم عن هازارد بتقول يا جماعه هو محتاج يلعب كتير بس علشان يدخل في ديناميكية الفريق، يعني هما في الاصل معترفين ان اللعب الكتير بيفرق اهو ومع واحد بقدرات هازارد .. طيب نفس الناس دي برضو بتنتقد اصحاب الدقايق القليلة على مستواها!
في حاجة مستفزة تانيه بتلاقي الكل بيرددها وهي أن ده مش وقت تجارب .. طيب ممكن نعرف ايه هو الوقت المناسب اللي ممكن يلعب فيها الشباب اللي انت عمال رايح تدفع فيهم ملايين دول؟
كرة القدم أصلًا قايمه على ان انت تجرب لاعيبة ومدربين فا كونك خايف تجرب قدام ليفانتي واوساسونا وسيلتا فيغو ده معناه انك بتعاني ومش ماشي صح. مفيش سبب غير كده، هي مش ماتشات أبطال مثلا او نهائي .. كل فرق العالم واقفعه حاليًا على الشباب.
والموضوع ملهوش علاقه بيستحق ولا لا والله لأن لو عايز العدل فا زي ما قولت فاسكيز وايسكو دول ميلعبوش في الفريق لحد دلواقتي. بأي حق ايسكو موجود واوديغارد بره؟
ومش هقولك أرقام وبتاع وهتبعد عن الطريق ده لأن نهايته مضحكه. أنا واحد بشوف بعيني وبلاقي ناس بتدافع عنه بأداء ماتشات حرفيًا تتعد على الصوابع والمفروض أننا نصبر على لاعيبة بتديني ماتش و 5 لا!!
مشجعين ايسكو بيتريقو على خاميس ويقولو لأي حد بيمدح الكولومبي أنه لسه عايش في 2015 مع انهم بيعملو نفس الكلام حرفيًا وعايشين في 2017. ولو مفهموم المزاجية ده اتعمل للاعب مُعين فا اللاعب ده هيكون ايسكو.
لو على الشباب فأنت معرفتش مستوى يورينتي، ريغيليون وفالفيردي في موسم 2019 غير لما جربتهم وشالو معاك الفريق. ده أوقات الحسم اللي ممكن يلعبها الشباب دي بتبقى كفيلة انها تديهم خطوة كبيرة ف مسيرتهم ..
تيجي انت تقولي مش وقت تجارب؟ الموسم كله مش وقت تجارب بقى وتنسنى اصابة لاعب كبير علشان تعتمد على لاعب شاب اصله عبد هو.
الشباب اللي بيظهر كل موسم ده على كل مدى بيزيد ذكائه وتأثير وكلاء الأعمال عليهم، وهتبقى أولويتهم دايمًا انهم يلعبو وياخدو دقايق مش اسم النادي.
لو بتتعاقد معاه دلواقتي بسهولة وبتقنعهم فا بعد كده هتتسأل 100 سؤال عن مصير اللاعبين الشباب اللي كانو عندك وازاي اتعاملت معاهم.
زي ما المدير الرياضي لسالزبورغ ما قال "ان الأمثلة اللي خرجناها من النادي هي اللي بتسهل لينا التعاقد مع اللاعبين". فا ممكن يحصل العكس في ريال مدريد وعندك حكيمي كمثال. كونتي اقنعه بمركز اساسي مع مرتب كويس فا في ثانية مترددش.
2- من ضمن الكلام عن مساوئ الموسم هو الهجوم.
وده هتتأكد منه لما تلاقي أن الهداف التاني للفريق هو مدافع، زيدان في مقابلته الأخيرة مع بي ان سبورتس برضو لما اتسأل عن تسجيل 21 مختلف قال هذا جيد لمن سجل لكن لست متأكدًا من كوني أحب ذلك.
وده هتتأكد منه لما تلاقي أن الهداف التاني للفريق هو مدافع، زيدان في مقابلته الأخيرة مع بي ان سبورتس برضو لما اتسأل عن تسجيل 21 مختلف قال هذا جيد لمن سجل لكن لست متأكدًا من كوني أحب ذلك.
الجماهير فسرت الإحصائية على انها الله ايه ده الفريق كله بيسجل وهو ده معنى المساندة وان الفريق يشيل بعضه. لكن الإحصائيه مش بتدل غير على ان هجومك زبالة فا بالتالي بتعول على باقي لاعبي الفريق ودي حقيقة.
قوتك الهجومية محصورة في بنزيما اللي انت لحد دلواقتي برضو متضمنوش لأنه زي ما حصل بالظبط قبل التوقف قطة وبعد التوقف نمر. وباقي الخيارات الهجومية انك تستنى التسجيل من لاعب وسط او مدافع.
مينفعش تعول على الحظ والظروف لأن في ظروف تانيه أحنا ممكن نتهان، الموسم اللي فات عدينا كام ماتش من بعد التوقف حرفيًا بدعى الوالدين أبرزهم سوسيداد وغرناطه دول وقبل التوقف سبق وخسرت الصداراة كذا مرة.
بررنا مستوى الفريق وقولنا ان الماتشات دي لازم نكسبها بأي طريقه مش نلعبها، بس أنت مثلا مش أتليتكو مدريد .. دي مش طريقة لعبك.. في ظروف تانيه لما بنلعب كده بتبقى عارف ان في حاجه غلط.
ممكن نلعب بالطريقة دي اخر جولتين لما يكون الفريق 4 نقط ماشي لكن مينفعش ابدًا نسيب نفسنا للظروف وضربات الجزاء والفار لأنك متضمنش ايه اللي ممكن يحصل.
اه هازارد وأسينسيو غيابهم مؤثر بس أعتقد عندنا ما يكفي لإننا نعدي رقم الـ70 جول اللي سجلناهم في الدوري ده متقنعنيش أن فريق زي أتلانتا اللي مسجل 95 جول في الدوري الإيطالي ده أحسن منك!
ولو بصيت على الإطار من برة فا انت معاك يوفيتش رودريغو فينسيوس بنزيما ماريانو أبراهيم ده لو شيلنا بيل، هازارد واسينسيو ده غير خط الوسط! هل أسماء اتلانتا أفضل؟
فا بالتالي احنا عندنا مشكلة في الهجوم حلها يا اما كان بجناح هداف وقالو مينفعش علشان هنصبر على مبابي ولو حد جه هياخد مكان الشباب أو بلاعب خط وسط هداف وكان الأمل في بوغبا او لاعيبة تانيه زي برونو اللي ارتبطنا بيه الصيف اللي فات هو وفان دي بيك وكاي هافيرتز السنه دي.
وللأسف معرفتش تتحرك حتى قبل الأزمة لأنك مش عارف تبيع لاعب الجولف اللي وجوده لحد دلواقتي في النادي هو العار اللي اتكلم عنه سانتياغو بيرنابيو.
حاجه تانية ونقطة سلبية كبيرة لازم تُذكر في خط الهجوم، بنشوف كريم بنزيما بينزل يستلم كتير وبيشارك في البناء وتحضير الهجمة وكل الكلام ده لكن المشكله هنا هي اقتناعه بالمفهوم ده حتى لو الهجمة مش مستاهله.
اصل يعني وراك مودرتش وكروس وبيبقى على شمالك هازارد وفينسيوس غير الأظهره وانت رايح واقف جنبه!! في هجمات بيبقى خروجه منطقي فيها وبيبان شكلها حلو وبنبقى فاهمينها لكن في حالات تانيه غبية بتبقى المنطقة فاضية او ممكن تلاقي مودرتش فيها وهو على احد الجناحين!
الإفراط في حاجه زي دي بيجي بالسلب واكتر من مرة ثنائيته مع هازارد تبان في الملعب سيئه وعقيمة لنفس السبب ان الاتنين بيحبو التحرك الكتير والإستلام والتسليم والادوار دي.
في حين انت اصلاً مفيش عندك مثلا جناح او مهاجم تاني جعان وبيسجل من ربع فرصة علشان انتو الاتنين تتطلعو من المنطقة بالشكل ده.
اما موضوع انتقاده اللي حصل والإشادة بيه في أخر فترة من الليغا فا لقطة واحدة ممكن تفهمك الدنيا كلها وهي لقطة هدفه الأول في فياريال ماتش حسم اللقب، اللقطة دي احنا متعودين انه ساعات كتير جدًا بيضيعها. لكنها اتسجلت والفريق لعب ماتش كويس وسجلنا التاني بعدها طيب لو كانت ضاعت؟
هنا بالظبط فكرة الإنتقاد لأن واحد ممكن يبرر ده بأن عادي كل اللاعيبة بتضيع لكن جول واحد ممكن يغير كل حاجه. ممكن يدخل فريق الماتش ويخرج فريق تاني من تركيزه وهكذا!
وأدينا شفنا فياريال عمل فينا ايه.. سجل جول واخر كام دقيقة قلب بايرن ميونخ علينا و لولا الفرصة دي كانت هتخلص 1-1 مثلا وهنبقى قاعدين مرعوبين فا فهمتو اهمية الفرصة الواحدة وايه سبب الإنتقاد!
في حاجه برضو تخص الهجوم وهي قلة حيلتك الهجومية اللي بتظهر قدام الفرق اللي هجومها طاغي زي باريس ومانشستر سيتي الموسم ده. ريال مدريد قبل كده كان بيستقبل جول بيرد ب 2.
علشان كده انا محترم جدًا جدًا قوة الفريق الدفاعية دي بس مينفعش بنبقى اقوى في جانب ونهمل جانب، زيدان قال انه بيدور على التوازن بس الدفاع مش متكافئ خالص مع الهجوم.
وعلى سبيل المثال ماتش باريس 2-2 رغم انك كنت الطرف الأفضل إلا انك مكسبتش وده يرجع لأنك معرفش تسجل حتى لو انت استقبلت في الاصل. مان سيتي صنعت ضددها فرص كتير ومسجلتش غير هدف والحالة دي اتكررت في مباريات كتير جدًا أنك تبقى الطرف الأفضل وبرضو متكسبش.
ودي مشكلة كبيرة جدًا قدام فرق الليجا اللي بندخل قلقانين منها ومش عارفين حتى ندي فرصة لشاب صغير يلعب علشان خايفين نخسر او نتعادل.
3- مراكز اللاعبين.
مراكز اللاعبين اللي بتلاقي فيها رودريغو يمين واسينسيو شمال مع ان ده عكس رجليهم القوية او الرجل اللي تتيح ليهم التسديد بشكل أفضل. وتاني الله يلعنه سامباولي اللي أخترع فكرة رودريغو على اليمين في سانتوس دي لأن الولد طول عمره على الشمال او مهاجم تاني مثلًا.
مراكز اللاعبين اللي بتلاقي فيها رودريغو يمين واسينسيو شمال مع ان ده عكس رجليهم القوية او الرجل اللي تتيح ليهم التسديد بشكل أفضل. وتاني الله يلعنه سامباولي اللي أخترع فكرة رودريغو على اليمين في سانتوس دي لأن الولد طول عمره على الشمال او مهاجم تاني مثلًا.
ماشي بيلعب كويس على اليمين بس اقصى استفاده منه اكيد على اليسار على عدلت رجله اللي بتديله الأفضلية في المراوغه وبتبقى اسهل ليه او حتى في التسديد وشفناه لما كان الشمال عمل ايه. و نفس الكلام بالنسبه لأسينسو.
4- التدعيمات
خلاص أعتقد كله اتفق على ان مفيش صفقات كبيرة الموسم ده والتركيز على البيع، بس انت عندك مركزين مهمين جدًا مينفعش تدخل بيهم الموسم الجاي من غير بدلاء.
خلاص أعتقد كله اتفق على ان مفيش صفقات كبيرة الموسم ده والتركيز على البيع، بس انت عندك مركزين مهمين جدًا مينفعش تدخل بيهم الموسم الجاي من غير بدلاء.
أول واحد هو مركز الظهير الأيمن، بعد ما كنا بنتكلم انه أكتر مركز مؤمن في الفريق بوجود كارفخال، اودريزولا و حكيمي. فا حاليًا هو مركز محتاج تدعيم.
ولو هترجّع اودريزولا بإرادتك يبقى لازم يكون ليه نصيب من الدقايق مينفعش يلعب ماتش ويقعد دكة في 5 وينزل يلعب بعدها يتشتم، فتقعدهد 5 تانيين وينزل يلعب بعدها يتشتم وتستمر القصة دي.
ومستحيل اتقبل وجود ناتشو او فاسكيز كبديل لكارفخال.
ومستحيل اتقبل وجود ناتشو او فاسكيز كبديل لكارفخال.
لاعيبة زي دي موجودة في الفريق علشان حرفيًا علشان ملهاش صوت، تعالا انزل هنا حاضر .. روح اعمل كذا حاضر، بقبض راتب وبلعب في ريال مدريد كتر خير الدنيا.
وده اللي لازم يبقى الفرق بين الشباب والمواهب اللي بتدفع فيها ملايين وبين اللاعيبه المديوكر اللي زي فاسكيز وناتشو مينفعش ابدًا يتعاملو نفس المعاملة.
تاني مركز وهو بديل لكاسيمرو واللي برضو كان كامفينغا وقالك ان خروجه صعب الموسم ده، شوفنا الحمد لله كاسيميرو مش بيتصاب وممكن فالفيردي يلعب مكانه في بعض المباريات طيب الدنيا هنا عندك مقفله ومش هتعرف تجيب صفقات.
ليه متبصش للأكاديمية ولو لمرة؟ بص فيها كده هتلاقي واحد اسمه انطونيو بلانكو عنده 20 سنة ومهما كان سنه صغير فا انا ابصم بالـ10 انه قادر يروح لبعيد لأنه تقريبا نسخه من ماركوس يورينتي ونستفاد منه حتى في ماتشات الكاس اللي ممكن نريح كاسيميرو فيها.
موضوع المهاجم لازم يتحل، لو مش مقتنع بيوفيتش وماريانو متصبرش عليهم وشوف اللي يناسب أفكارك. لأن مش هيكون في أي مبرر لو اللي هيستمر منهم ملعبش.
5- فكرة "ردة الفعل".
أكتر شيء مُحبط ومديني نوع من عدم الأمان بالنسبة لي هو ان الجيل ده مفتاحه بقى في يد زيدان بس وده مش تقليل من زيدان خالص. بس اكن عيل صغير مش بيعمل الواجب غير لما ابوه يدخل البيت فا امه تقوله ايه ده انت مش بتذاكر غير لما ابوك يجي؟
أكتر شيء مُحبط ومديني نوع من عدم الأمان بالنسبة لي هو ان الجيل ده مفتاحه بقى في يد زيدان بس وده مش تقليل من زيدان خالص. بس اكن عيل صغير مش بيعمل الواجب غير لما ابوه يدخل البيت فا امه تقوله ايه ده انت مش بتذاكر غير لما ابوك يجي؟
فا دي النقطة اللي بتكلم فيها، قليل من اظهر جدية وأن قلبه على الفريق في موسم السقوط. زيدان خرج موسم 2018 بحجة عدم وجود حافز للاعبين اللي معظمهم موجودين في الفريق حاليًا، فا ده تساؤول وحاجه قلقان منها .. هل اللي حصل الموسم ده هو ردة فعل من اللاعبين تجاه مدرب بيحبوه بس؟
وهل هيستمرو على نفس المستوى خصوصًا ان معظمهم موجود الموسم الجاي؟ وهل عامل السن هيبدأ يشتغل في مراكز مؤثرة مع راموس اللي مساهمته التهديفية بقت حاجه اساسيه للفريق أو مودرتش اللي يبني هجماتنا من خرم أبره وبيمشي الفريق كله!.
سن بعض اللاعيبة مع عدم وجود صفقات كبيرة الموسم الجاي! كل حاجه بتُشير لموسم صعب على الفريق وعلى الجماهير وهيبقى مفتاحه هو الإستمرار بنفس القوة الدفاعية دي مع التطور الهجومي وشيء يقدمه اسينسيو وهازارد ورودريغو وفينسيوس.
أسف جدًا على الإطالة وشكرًا بجد لو وصلت للنقطة دي.
جاري تحميل الاقتراحات...