أكبر غلط وجرم ممكن تقترفه بحق نفسك إنك تربط حياتك ومصير مستقبلك على شيء واحد بس..سواء كان هالشيء وظيفة أو تخصص أو حتى شخص أو أياً كان لا تعلق حياتك ومصيرك على شيء واحد،والسبب إن هالحياة ماهي مضمونة ومتقلبه وممكن تتغير بلحظة وهالشيء اللي وضعت فيه كل اهتمامك ممكن يكون سراب ومايصير

بالتالي راح ترجع من الصفر وممكن تبقى بالصفر وتجيك نوبات نفسية واكتئاب بسبب هذا الشيء اللي تعلقت فيه .. والأخطر من عدم تحقيق حلمك هو نسيانه بعد مايكون مستحيل ..لذلك لا تتعلق بأي شيء في الحياة وحاول تكون بحياتك مجموعة من الإختيارات والسيناريوهات وليس خيار واحد ممكن يكون سراب

مع مرور الوقت راح تكتشف إنك طول ماكنت ماشي للحلم اللي تبغاه كثير من الفرص اعترضت في طريقك بس كنت مغمض عينك عنها وماتقبل النقاش فيها، الحياة واسعة وفضفاضة ماهي بس حلم واحد.

كل شيء ميسّر لك اغتنمه وكل فرصه تجيك اكسبها ولا تربط نفسك على شيء واحد ولا تأمّل على حلم اللي اذا ما صار تنتهي حياتك عند لحظة سقوطه وبتسقط أنت معه .

الحياة مليانه فرص ... لا تعتقد حلمك اللي تفكر فيه هو الشيء الوحيد اللي موجود بالكون
#انتهى