(ثريد) :
اللعنه.
قصة من الDM.
تابع ل (اغرب القصص الحصلت مع الناس).
.
.
⭕ رتويت ⭕
اللعنه.
قصة من الDM.
تابع ل (اغرب القصص الحصلت مع الناس).
.
.
⭕ رتويت ⭕
صاحب القصة اخونا
@Amb040444
@Amb040444
السلام عليكم في البداية القصة ال ححكيها دي والأحداث الانا مريت بيها كتير لكن ح أحاول ألخص جزء منها .
كنا ساكنين اسرتنين ف البيت الكبير وكان البيت عامر وكل شي تمام وكنا كل نهاية شهر بنطلع رحلة وكان بتكون لمة كبيرة حتى مرات الجيران بمشو معانا لحدي ما يوم.
كنا ساكنين اسرتنين ف البيت الكبير وكان البيت عامر وكل شي تمام وكنا كل نهاية شهر بنطلع رحلة وكان بتكون لمة كبيرة حتى مرات الجيران بمشو معانا لحدي ما يوم.
طلعنا رحلة غيرت حياتنا للأبد الرحلة كان لحديقة القرشي اول م وصلنا الحديقة لفت انتباهنا صوت الأسود كانت بتزئر بطريقة غريبة وبعد قعدنا شوية الشفع بقو يبكو خايفين من صوت الأسود فقررنا نرجع نكمل السهرة ف البيت ركبنا الحافلة وكان سايقها ود خالتي الشارع كان ضلام شديد.
وفجاءة ونحن ماشين الحافلة نطت زي كانها طلعت كوم ترب ونزلت.. بعد النطة طوالي ود خالتي فك الدركسون وبقا يكورك كتلتها والنسوان ال ف المقعد الاخير بقو يكوركو قسمها النص ود عمي داس فرامل الحافلة وبقا يكفت ود خالتي عشان يوعى ونحن القاعدين ف نص الحافلة ما فهمين الحصل شنو كل ده ف لحظات
وفجاءة ونحن ماشين الحافلة نطت زي كانها طلعت كوم ترب ونزلت.. بعد النطة طوالي ود خالتي فك الدركسون وبقا يكورك كتلتها والنسوان ال ف المقعد الاخير بقو يكوركو قسمها النص ود عمي داس فرامل الحافلة وبقا يكفت ود خالتي عشان يوعى ونحن القاعدين ف نص الحافلة ما فهمين الحصل شنو كل ده ف لحظات
نزلنا من الحافلة ومشينا تجاه الحتة النطت فيها الحافلة وشفنا مشهد اتحفر ف دماغي. وانا الوقت داك كنت طفل مشهد مؤلم ومرعب! ..الحافلة طلعت فوق مرة مشردة وكسرت ليها رقبتها بس هي كانت عايشة!وبتتعذب بتطلع ف الروح حاجة موجعة واتضح كانت كسيحة وعندها شوال متغطية بيهو الدنيا كانت شتاء.
ود خالتي شاف الشوال لكن ما شافها الا لمن خلاص بقا فوقها نحن بعد ما شفنها دخلنا ف حالة هستريا البكورك والسكت من الصدمة الكانوا واعيين امي واعمامي خلينا ود خالتي ف مكان الحادث ومعاه اعمامي..ونحن رجعنا البيت ورجعنا برجولنا كلنا ساكتين مافي زول بتكلم مع التاني و م قدرنا ننوم.
تاني يوم الصباح جابوا الحافلة البيت ودخلوها الحوش وبتذكر ارضيتها كان مليانة دم. غسلو الحافلة ف الحوش ولمن بغسلو ف الحافلة لقو سفنجات المرة جواها.شلنا السفجنات وجدعناها ف الزبالة هنا كانت بداية الاحداث الغريبة!
بعد رمينا السفنجات ف الزبالة تاني يوم البنات بنضفو لقو فردة تحت السرير! امي قالت ديل الكدايس دخلوها وشالتها رمتها بره اليوم البعده اتكرر نفس الموقف؟ قالوا دي الفردة التانية وجدعوها تالت يوم بنضفو ف الحوش لقو الفردتين جنب بعض البنات بقوا يكوركو جات امي شالت الفردتين وحرقتهم بره.
الحياة ف البيت بقت م طبيعية البيت بقا مسكون بقت تحصل احداث م طبيعية منها ..مرة قاعدين ف الحوش بنتونس وكنا شادين فول في حلة ضغط(برستو). امي شدت الفول في البتجاز وجات قعدت وبعد دقائق بس الحلة بقت تصفر كانت حاجة غريبة مستحيل يكون نجض او حتى الموية غلت ذاتو!
امي قامت تشوف الحاصل عمي قعدها مشى هو وقبل م يصل البتجاز بمسافة زي متر الحلة بقت طنطت لحدي ما فنست البتجاز والمكبس بتاعها اتفتح والغطا طار وللاسف الموية اتكشحت ف كتف عمي وسلخت ليو جزو من كتفه وصدره والغريب انه الحلة كانت بتطنطت زي كانوا ف زول برفعها وبختها!؟
في يوم وانا نايم حسيت ب حاجة هبشتني ف رجلي صحيت اتلفت يمين اتلفت شمال مافي شي قبلت على الحيطة عايز اكمل نومي بس فجاءة حسيت حاجة بتراقبني وجاتني قشعريرة قمت رفعت عيوني ل فوق شفت راجل لابس لبسة باكستانية عندو دقن طويل محنن بس عيونو كبيرة شديد
الراجل ده ملعق بين السقف وسريري نظرتي ليو كان لحظات بعداك قمت جاري جريت من غرفتي لحدي الحوش ناس البيت لحقوني امي بقت ماسكة راسي وبتقرا لي يس ل الصباح ..الصباح لمن حكيت ليهم اخواني صدقوني بس امي قالت لي دي تهياءات. لمن اتزكر الراجل دا ولحدي الان بتجيني قشعريرة.
بقت الحاجات الغريبة تحصل وتحصل..لحدي م يوم حصلت حاجة خلت الكل يقتنع ونرحل من البيت..بت عمي كان بتنضف ف الصالون والدنيا نهار! فجاءة كوركت لمن حصلنها.
لقينها مخلوعة بنسئلها ف شنو م بتتكلم وكان بتاعين تجاه المكتبة ال في الصالون ساقوها الجزو حق ناس عمي وجابو ليها شيخ بقا يقرا ليها.
لقينها مخلوعة بنسئلها ف شنو م بتتكلم وكان بتاعين تجاه المكتبة ال في الصالون ساقوها الجزو حق ناس عمي وجابو ليها شيخ بقا يقرا ليها.
قالت حست انو ف حاجة مراقباها وفجاءة ظهرت مرة مدياها ضهرها جنب المكتبة هنا امي وابوي اقتنعو بانو البيت بقا فيو حاجة م طبيعية ابوي قرر نرحل بس عمي رفض يرحل وقال الشيخ جه قرا ومافي حاجة تاني ..رحلنا نحن لكن للأسف اتضح انو المشكلة م ف البيت الحاجة دي بترافقنا وين ما نمشي!!! (يتبع)
رحلنا من البيت القديم الحياة بالبيت الجديد كانت طبيعية والبيت كان فاتح على زلط فرعي بعد سكنا بكم اسبوع حصل حادث قدام بابنا كان ف ركشة ماشة ف الزلط ولمن وصلت قصاد بيتنا واحد من لساتكها الورا اتفك والركشة اتقلبت وجات ضربت شافع كان واقف جنب بابناالشافع راسه اتفقش لانو ارتطم ب صبة
نحن سمعنا صوت الحادث وطلعنا نشوف الحاصل لقينا الركشة مقلوبة فوق الحصاص حقنا والشافع واقع جنب الباب منظره زكرني بالمرة الطقشناها زمان لكن نحن الدور ده كنا متماسكين اختي وقفت ف نص الظلط وقفت عربية وانا واخوي شلنا الود رفعنا ف العربية خال الولد جا لاحقنا وركب ف العربية...
بعد الحادث ده باسبوعين سمعنا صوت خبطة شديد قدام بابنا وصوت نسوان بكوركو الحقونا طلعنا لقينا ركشة مقلوبة قدام بابنا السواق كان مرق بس جوه الركشة كان في
مرتين عدلنا الركشة وطلعناهم من جواها وحدة رجلها اترضخت والتانية يدها اتكسرت بعد كم يوم حصل تاني حادث وفي نفس المكان..؟
مرتين عدلنا الركشة وطلعناهم من جواها وحدة رجلها اترضخت والتانية يدها اتكسرت بعد كم يوم حصل تاني حادث وفي نفس المكان..؟
الكوابيس رجعت تجينا تاني اختي كان بتحلم ب مرة بتقول ليها نحن جيرانكم هنا وكان بتاشر على الحوش الورى وانا كنت بحلم ب راجل ومعاو عياله بجو داخلين فجاءة ب باب الشارع وبكونوا ماشين بتجاه الحوش الورى لمن اسئله انت منو بقول لي انا جارك ساكن هنا؟!
بقت تحصل كل يوم قصة اغرب من التانية وحتى امي اتضررت شديد من الحاصل لحدي ما فيوم اختي قررت تمشي لمرا بتعمل رقية شرعية وقرت علي وكان لمن بتقرى بتجيني صداع شديد وتعبت طلع فينا مس وقالت انو لازم نواظب على القرآن وننتظم في صلاتنا ونشرب من الموية الرقت فيها دي.
ما اشتغلت بالكلام وختيت الموية ف التلاجة. جربت اقرا يوم القرآن تعبت شديد وجاني صداع وبديت اتثائب وابا يروح كلو كلو لا ببندول ولابقهوة قلت امشي اشرب موية مالقيت غير الباغة الادتني ليها المرا شربت منها وفجأة الصداع راح ورجعت قريت قران وحسيت براحة والحمد لله كل حاجة رجعت لطبيعتا.
لحدي هنا انتهى الثريد 🙏❤️
ياريت يكون عجبكم ما تنسى تعمل لايك ورتويت وواظب على التحصين والقرب من ربك لانو حماية من كل شر.
.
.
لو عندك قصة حابي تشاركا مع الناس ممكن تحكيها DM وحبابك الف.
.
ولو بتحب النوع دا من القصص تابعني عشان يوصلك كل جديد👍✨.
وشكرا👋❤️
ياريت يكون عجبكم ما تنسى تعمل لايك ورتويت وواظب على التحصين والقرب من ربك لانو حماية من كل شر.
.
.
لو عندك قصة حابي تشاركا مع الناس ممكن تحكيها DM وحبابك الف.
.
ولو بتحب النوع دا من القصص تابعني عشان يوصلك كل جديد👍✨.
وشكرا👋❤️
دعاية:
الحقو المسابقة الظابطة دي والقى انت وصاحبك ٢ من الاساور الحلوة دي وعز نفسك بي ٢٠٠ جنيه رصيد لكل الشبكات 🔥🚶♂️
الحقو المسابقة الظابطة دي والقى انت وصاحبك ٢ من الاساور الحلوة دي وعز نفسك بي ٢٠٠ جنيه رصيد لكل الشبكات 🔥🚶♂️
جاري تحميل الاقتراحات...