ياخي، أحيه!
ورونا خطتكم، دي حكومة إنتو مشكلينها. كمان، عشان الناس تعرف الغباء، البرنامج ده ما تم بتوافق/تنسيق/أو تفاوض مع البنك الدولي، و إنما صندوق النقد الدولي، وهو برنامج الStaff Monitored Program. وكمان، مافي روشته، حصل مفاوضات، وفيه برامج تمت بتوافق الطرفين.

صندوق النقد الدولي، في البداية، كان مع الرفع التدريجي للدعم، كما تم في٢٠١٣. لكن مع إبراهيم البدوي، كان البدء حيكون برفع مباشر للدعم، وإصلاح مشكلة سعر الصرف ستكون نهاية العام.
مشكلتكم ماعندكم برنامج، ماعندك Counter-Proposalمدروس لمفاوضك.وعندكم أعضاء، في اللجنة، أرقامهم من كيسهم.

وياجماعة، مافي واحد يجي يرددلينا جملتين صديق كبلو، بتاعت "ماليزيا ما لجأت للصندوق"، و الدولة الX عملوليها كده. إنته ما الدولة X، وإنته تعامل مع مشكلتك و معطياتها الإقتصادية و السياسية ضمن سياقك.
ماليزيا مادولة كانت مديونة ١١٦٪من ناتجها المحلي، وماكانت في لائحة الإرهاب، وسابقاً-

عليها عقوبات. و السودان مادولة زي اليونان، واللي أدوها قرض، كان عبارة عن Fiscal Waterboarding و = حجم إقتصادها ٣ مرات وبشروط قاسية. وماعندنا Troika Of Lenders. وإنته ما دولة بأهمية لبنان، عشان يعملوليك ٣ مؤتمرات في أقل من ٣ سنة، ويدوم Capital Injection.
عندك فرصة بسيطة، وخيار-

واحد بس، ومافي سبيل لفزلكة، عنتريات، وقلة أدب. و مشكلة القوى السياسية دي أنها كأي "سياسيين"، عندهم ضريبة ورأسمال سياسي حيضحوا بيهو؛ كونه على المدى القصير، تبعات البرنامج الإقتصادي حتكون مؤلمة!