أخر حلقة من Philosophize This جميلة جدًا وداست على الجرح.
ستيفين ويست بيتناول فيها جزء من فلسفة عالم الإجتماع الألماني ماكس فيبر Max Weber وبيتكلم عن فكرة الحداثة وإزاي أن على الرغم من مميزاتها الإجتماعية والتكنولوجية إلا أن آثارها السلبية على الإنسان أكثر شرًا مما قبلها..
ستيفين ويست بيتناول فيها جزء من فلسفة عالم الإجتماع الألماني ماكس فيبر Max Weber وبيتكلم عن فكرة الحداثة وإزاي أن على الرغم من مميزاتها الإجتماعية والتكنولوجية إلا أن آثارها السلبية على الإنسان أكثر شرًا مما قبلها..
أكثر شرًا لأن الحداثة بتوعدنا بحالة من التقدم الدائم في جميع المجالات - ودي حاجة عظيمة طبعًا ما نقدرش ننكرها - بس في نفس الوقت آثارها السلبية على نفسية الإنسان دحلاب دحلاب.. بمعنى أن أنت يا إنسان عندك كل حاجة أهو وحياتك بقت سهلة وعندك حريات أكتر، عايز إيه تاني بقى!
ويست بيدي مثال على كده وبيقول في العصور القديمة مثلاً الإنسان آه الحريات عنده كانت شبه منعدمة ومعندهوش فرص إجتماعية متساوية بس على الأقل كان عارف جاي منين ورايح فين وإيه هي حدوده الإجتماعية والإقتصادية فبياكل بطيخته وينام..
جات بقى الحداثة وشالت كل القيود دي وقالت للإنسان ليك الحرية المطلقة - إلى حد ما يعني - أنك تبقى أي حاجة أنت عايزها مهما كانت ظروفك. شيء جميل طبعًا محدش يقدر ينكر... بس الجانب السلبي الشرير للموضوع هو أن الفكرة دي فرضت على الإنسان التقدم بشكل مستمر..
وأي حد بيقصر في الموضوع ده سواء من ناحية شخصية أو عامة بيتقال عليه فاشل ومتكاسل ويستاهل كل اللي يحصل له. وعلشان كده 90% من الناس اللي عايشة دلوقتي عايشة بجبل من الذنب وإحساس بالتقصير إنها مابتحاولش كفاية.. أصل كل الاختيارات متاحة وكل شيء ممكن، حجتك إيه؟ يبقى أنت اللي فاشل.
من أسبوع وأنا قاعدة مع صاحبتي وبشاركها كآبنتي المعتادة وبشكي لها همومي قولت لها أحيانًا بحس أن أنا فعلاً مش عارفة إيه مشكلتي، وكأن فيه حمل من كل الاحتمالات اللي ممكن - بس مش قادرة - أكونها شايلاه على ضهري وماشية بيه طول الوقت.
أعتقد أن ده القفص الحديدي اللي فيبر أشار إليه.
أعتقد أن ده القفص الحديدي اللي فيبر أشار إليه.
ويست بيتكلم كمان على أن الحداثة في صورة التكنولوجيا ساعدت في تعزيز الإحساس ده وقضت على الجانب الإجتماعي\العاطفي فينا.
التقدم التكنولوجي ماشي بسرعة مكوكية (تاني، دي حاجة كويسة مابننكرش) مخليانا نفقد أجزاء من أنفسنا شوية بشوية مع كل تطور بيحصل..
التقدم التكنولوجي ماشي بسرعة مكوكية (تاني، دي حاجة كويسة مابننكرش) مخليانا نفقد أجزاء من أنفسنا شوية بشوية مع كل تطور بيحصل..
الواحد كل ما يحس أنه خلاص تمكن من حاجة وأتعود عليها وبقت جزء منه.. هوب مفيش يومين وتظهر حاجة تانية جديدة والقديمة دي بتختفي وبيختفي معاها جزء مننا وبنعتبره أثري غير مفيد وبنردم عليه. كأننا بنفقد أجزاء من أنفسنا وهويتنا بسرعة أكبر من أننا نقدر نواكبها...
وتاني ده بيعزز الإحساس بالذنب أننا مش صغيرين أو أذكيا أو متطورين أو متفتحين أو.. أو.. أو.. كفاية.
أسوار حديدية من الإحساس بالذنب والأعباء اللانهائية والقوانين الضمنية بالرغم من وعود الحرية والتطور اللي قايم عليها نظام الحداثة.
أسوار حديدية من الإحساس بالذنب والأعباء اللانهائية والقوانين الضمنية بالرغم من وعود الحرية والتطور اللي قايم عليها نظام الحداثة.
دي الحلقة للي حابب يسمعها، وهتلاقوها على البودكاست للي مشترك فيه:
youtube.com
youtube.com
جاري تحميل الاقتراحات...