ثريد | مستجدين سعود
أولاً مبروك لكل اللي انقبلوا في جامعة سعود وبالتوفيق وهاردلك للباقين
طبعاً كمستجد في جامعة سعود يومك الأول في المسيرة الجامعية هو اليوم التعريفي وما ادري اذا بيلغونه بسبب كورونا ولا لا ولكن عموماً بيكون في مبنى التحضيري اللي على طريق تركي الأول
طبعاً كمستجد في جامعة سعود يومك الأول في المسيرة الجامعية هو اليوم التعريفي وما ادري اذا بيلغونه بسبب كورونا ولا لا ولكن عموماً بيكون في مبنى التحضيري اللي على طريق تركي الأول
طبعاً اذا دخلت لمواقف التحضيري من تركي الأول بيدخلك على الدور B حاول تسوق بشويش لأن فيه اكبر مطبات موجودة في الرياض واللي للأسف والله لقمناها انا وخويي بأول يوم وطلعنا من الجامعة للصناعية نصلح الصدام .
برضوه باليوم التعريفي لا تنسى الشماغ عشان البطاقة الجامعية ولا بيعطونك شماغ موجود من دفعة 37 تتصور فيه
طبعاً بتدخل المسرح وبيجيك واحد من العمادة بيعطيكم المحاضرة وبيسألكم اذا مستانسين وبيسأل كم فيه واحد صور سنابات وهو جاي الجامعة ، لا تصيرون كريهين زي دفعتنا حاولو تجاملونه شوي.
طبعاً بتدخل المسرح وبيجيك واحد من العمادة بيعطيكم المحاضرة وبيسألكم اذا مستانسين وبيسأل كم فيه واحد صور سنابات وهو جاي الجامعة ، لا تصيرون كريهين زي دفعتنا حاولو تجاملونه شوي.
طبعاً كطالب تحضيري عندك خطرين أساسية وأولها الطالب الغشيم اللي تو اهله شارين له النترا وكالة هدية نجاح هذا وقف جنب شاص ولا توقف جنبه لانه حاكك حاكك الله لايعوق بشر وبرضوه لا تنسى الحنس اللي يمشي ١٢٠ في المواقف انتبه خصوصاً وانت طالع من الموقف وبشكل عام تعود تلبق على ورا افضل .
اذا قالك السيكيورتي طف الزقاره ولا قصر الأغاني قله حاضر يا حضرة الضابط ولا تجادله لأنهم نفسيات وبيجرونك على برطمك للعميد
ولا توقف غلط لأنهم يكلبشون وعليها غرامة 50 الظاهر وفيه واحد سوا نفسه ذكي وفك الكفر وركب الاستبنه واليوم الثاني مطبقين عليه لائحة وغرموه 1000 تلاعب وسرقة 😫
ولا توقف غلط لأنهم يكلبشون وعليها غرامة 50 الظاهر وفيه واحد سوا نفسه ذكي وفك الكفر وركب الاستبنه واليوم الثاني مطبقين عليه لائحة وغرموه 1000 تلاعب وسرقة 😫
وبالنسبة للخطر الثاني هو الجوال انتبه تصور دكتور ولا طالب بدون استئذان انا صورت واحد من الشعبة وطقطقت عليه شوي وبغيت القم فصل عليها واغلب الدكاترة اجانب ويكبرون المواضيع .
بالنسبة للغياب لا تخزن غياباتك وتحشر نفسك وبنفس الوقت لا تضيعها من بدري خل عندك اللي يكفيك تغيب اخر اسبوع حاول تحسن علاقتك بشعبتك وتاخذ وتعطي الانطوائية بدون سبب تطلعك سبك وبنفس الوقت لا تطيح كل الميانه لأنك بتشوف الصاحي والمجنون والمصلحجي تعامل مع كل واحد وطبعه
بالنسبة للأكل نصيحتي افطر في بيتكم وداوم لأن عندك خيارين الأول هو مطعم الجامعة ابو 4 ريال وهذا ينافس سجن الملز في سوء الأكل وباقي المطاعم اللي بالمبنى كل أكلهم بايت من يومين وغالي!
والخيار الثاني انك تطلع تاكل برا ويلعنم القروشة وانت طالع وقت البريك كل المبزره طالعين معك واذا رجعت منت لاقي موقف وان كانك صامل وطلعت ماك اللي على الملك خالد 👍🏻
لا تتعب نفسك وتحاول تضبط أي دكتور بالتحضيري ترا مافي يده الا التحضير وبس والتحضير أساساً الكتروني وكل الدكاتره خوافين قليل جداً اللي يقدح من راسه والاسئلة والتصحيح كلها تجي من لجنة بالقسم ، الدكتور وظيفته الوحيدة يشرح
الانجليزي اهم مادة في معدلك تقريباً 40% ضبط وضعك من بدري يا وحش ترا القريد الواحد يفرق معك وترا مواد التحضيري مثل الثقافة الصحية والريادة والمهارات والحاسب شبه مضمون فيها A+
وموفقين حبايبي
وموفقين حبايبي
جاري تحميل الاقتراحات...