ثريد كيف لقيت تلفوني
وكل العملتو بالتفصيل
وكل العملتو بالتفصيل
بداية الحمد لله اني لقيتو والشكر اولا لله ولكل الناس الكانت بتحاول تساعد باي شي سوا يفتشو او يدعو لي او غيرو
نبدا ليكم اتسرق كيف او كيف فقدتو
اخر مرة كنتا بستخدم فيها التلفون كانت الساعة ٢ صباحا وقمتا وختيتو في الشاحن ورجعتا ونمتا على كده على الساعة ٨ قمتا مخلوع زي الحسيت في حاجة غلط وقمتا ومشيت على تلفوني ولقيتو ماف في الشاحن
اخر مرة كنتا بستخدم فيها التلفون كانت الساعة ٢ صباحا وقمتا وختيتو في الشاحن ورجعتا ونمتا على كده على الساعة ٨ قمتا مخلوع زي الحسيت في حاجة غلط وقمتا ومشيت على تلفوني ولقيتو ماف في الشاحن
طبعا في البداية ابدا ما ختيت انو اتسرق وقلتا امكن امي لمتو او حتى حبوبة او المهم يعني ما اتسرق استنيت امي لمن صحت قالت لي انو هي ما لمتو استنيت لمن حبوبة جات من برا وسالتها وقالت ما شافتو طوالي دقيت على @KhalidOsman__ و @mosab وقلتا ليهو يشوفو بفايند ماي ايفون وللاسف طلع اوف لاين
(ما ضربتا في التلفون لانو كان فيهو شريحة داتا وكنتا شايف انو ده عارض بس طلع العكس حتشوفو لقدام) المهم في اللحظة دي اتاكدتا انو اتسرق والسرقتو يا مرا يا شافع ومن الحلة لانو ما اتفقد شي تاني غير التلفون+ماف راجل حيدخل لحدي البيت جوا لو ما لقا زول برا المهم الزول ده ما جا بنية سرقة
طوالي كلمتا @notanyonebabe على اساس تنزل تويتا وانا زاتي دخلتا من تلفون امي ونزلتا على اساس الخبر يصل لاكبر عدد من الناس وكلمتا ناس برضو ينزلو في الفيس وفي ناس كانت متابعة معاي في الدي ام اول باول ما قصرو
المهم فتحت فايند find my iphone في تلفون امي وبقيت بس كل شوية اعاين ليهو وبعدها طوالي فتحتا اليوتيوب وبقيت اشوف ممكن اعمل شنو غير اني اتبع التلفون بس عن طريق find my iphone ولقيت ال lost mode والي عن طريقو ممكن تكتب رقمك في شاشة التلفون وممكن تكتب رسالة وممكن تغير الرمز
بعدا عملتا الحاجة دي وكتبتا رقمي وكتبتا رسالة انو حديهو قروش لو رجع التلفون (كتبتا مبلغ معين) بس الصدمة كانت انو ده كلو ما حيحصل الا لو فتح النت ويعني الكلام ده ما منو فايدة المهم الخطوة البعدها مشيت فتحتا بلاغ في القسم
اليوم البعدو مشيت انا و @MHMDALKHEIR الشهدا وكونو من اكبر اسواق بيع التلفونات ففي احتمال انو القاهو هناك (كونو السرق التلفون ما زول حرامي محترف وعادي ممكن يفكر يبعو هناك
) مشيت وكتبتا في ورق رقمي ونوع التلفون وكل التفاصيل وكنتا بمشي لمحل محل اديو التفاصيل واوريهو الخلفية
) مشيت وكتبتا في ورق رقمي ونوع التلفون وكل التفاصيل وكنتا بمشي لمحل محل اديو التفاصيل واوريهو الخلفية
وفعلا لقينا انو اتعرض لواحد من المحلات بس ابا يشتريهو لانو عرفو مسروق
رجعتا البيت والزعلني انو كان في كمية بتعرصو وانو الزول لى بفتش وفي كلام كده ما ليهو اي داعي في الحياة وحاجات كدة محبطة كتير
المهم جا اليوم التالت اليوم الاتلقا فيهو التلفون
صحيت بدري شديد على اساس مارق مع @mhd_14 ماشين كم حتة وبتاع وما قصر كان داير يغير لي نفسياتي شوية المهم قاعدين ولافين لحدي ما جات الساعة ١ كان مفروض القي شباب اصحابي وجو ساقوني ومشينا شارع النيل الخرطوم وهنا حصلت النقطة والقلبت كل شي
جاني تلفون من @W3Dfayz وقالت لي يا صديق انتا لقيت تلفونك!!! قلتا ليها لقيت تلفوني كيف يعني لا لا ما لقيتو قالت لي رسالة الواتس عملت صحين (مما يعني انو التلفون فيهو نت) دخلتا find my iphone من تلفون @WAMadridi ولقيت التفون اون لاين ومتحرك في شارع الوادي امدرمان الي هو جنب بيتنا
قلتا ل @Khalid_Kbashi انو نمشي وبتاع لكن بقو يقولو لي انو احنا في الخرطوم وامدرمان بعيدا وشوف الناس الهناك وكده لكن لمن دقيت على اي زول بعرف في امدرمان ماكان فيها او مشغول او وزعني فقلتا ليهم ودوني ولا خلوني امشي براي لكن ما قصرو الشباب واتحركنا @Khalid_Kbashi و @aliahmadali6666
طبعا علاوي كان ماشي يفجخ الحرامي بس المهم اتحركنا في نفس الوقت امي لقيت ود خالي وكلمتو واتحركو هم على القسم على اساس يسوقو زول لو لا قدر الله حصل اي اشتباك او شي وصلنا انا وخالد وعلاوي قبل ناس امي وبقينا ما عارفين في ٣ حتات شاكين فيها كان في راكوبة وفي هايس وبيت
وال٣ فيهم ناس المهم استنينا لحدي ما ناس امي جو ومعاهم الضابط وفجاة امي قالت لينا البت الفي الراكوبة دي كانت شغالة معانا قبل كده وبتاع والضابط طوالي عرف انو هي السرقت التلفون مشينا ليها ونكرت حطب
طبعا قبل ما ناس امي يجو البت لمحتني قامت دست التلفون في مطبقة وختت المطبقة في كرتونة وملتا هدوم وطوب على اساس ما نلقاهو حتى لو جينا فتشنا اللهم لمن جو ونزلنا ليها ونكرت علاوي الرهيب شغل الصوت من البرنامج على اساس التلفون يرن وفتشنا وفتشنا وسكينا الصوت لحدي ما لقينا التلفون
الحمد لله طبعا ما كنتا مصدق وبتاع وفرحة وامور مشينا القسم ابو يدوني تلفوني 😑
بحجة انو المتحري الكتب البلاغ ما كان موجود المهم تجي وتعمل اجراءاتك وتستلم التلفون الاجراءات انا بديت فيها من الساعة ٨ص ما انتهيت الى الساعة ٤ عصر تقريبا وفي اجرا ما بعملو ليك الا تدي العسكري قروش 😑 المهم خلاص واتصورتا ليكم الصورة وفرحنا كلنا
لكن دقيقة التلفون ده كيف بقا اون لاين فجاة هنا كانت الحاجة البتحير التفسير الوحيد الممكن يكون معقول انو هي حاولت تبيعو لاكتر من محل فواحد من اصحاب المحلات فتح الداتا وعمل باتري سيف مود على اساس التلفون ما يتقفل (لو ما كانت شريحة داتا ما كان النت اشتغل وما كان لقينا شي)
جزاه الله الف خير غايتو الزول ده ❤️
لكن هسي التلفون ابا يشحن ما بتعرفو ليكم زول ممكن يصلح لي السوكت 😂❤️ المهم شكرا تاني لله اولا وشكرا لاي زول وقف معاي باي حاجة وان شاء الله اي زول تلفونو مفقود يلقاهو يارب ❤️
جاري تحميل الاقتراحات...