بص يا سيدى الحكايه كانت ماشيه فى مصر كده
زمان كنت تيجى تطلب رخصه مبانى نقولك مفيش لان الحكومه لسه معملتش الكردون الجديد او لازم تدخل مترين علشان التنظيم و بعدين ايه رايك تدفع رشويه علشان نسيبك تبنى مخالف ؟
زمان كنت تيجى تطلب رخصه مبانى نقولك مفيش لان الحكومه لسه معملتش الكردون الجديد او لازم تدخل مترين علشان التنظيم و بعدين ايه رايك تدفع رشويه علشان نسيبك تبنى مخالف ؟
وكمان الرخصه دوشتها كثير اشى مهندس استشارى ومهندس مساحه وموافقه من الجيش والاثار ودوشه كبيرة وضرائب وعوائد وتامينات وليلة سودة ؟ وكل ورقه من حته وكل حته فيها مخلصاتى ومشهلاتى بيقسم مع الموظف الحرامى اللى جوه ..؟ واخد بالك انت
تقوم تبنى مخالف وامرك لله علشان تجوز العيال
تقوم تبنى مخالف وامرك لله علشان تجوز العيال
ويفوت الزمان ويتغير الموظفين والحكومه ومجلس الشعب ؟
تقوم الدوله تحتاج قرشين ..يقوم نفس الموظفين الى اخذوا منك رشوه زمان ايام الجنيه اللى كان بيشترى كيلو لحمه ومعاهم الموظفين اللى تحت التدريب فى المحليات ما يصدقوا ان الحكومة مزنوقة وعاوزه فلوس
تقوم الدوله تحتاج قرشين ..يقوم نفس الموظفين الى اخذوا منك رشوه زمان ايام الجنيه اللى كان بيشترى كيلو لحمه ومعاهم الموظفين اللى تحت التدريب فى المحليات ما يصدقوا ان الحكومة مزنوقة وعاوزه فلوس
..فيبدأو يشتغلولك فى الازرق والبنفسجى ويسودوا حياتك اشى محاضر واشى قضايا وبتوع تنفيذ الاحكام بيدورو عليك تتعب تقول يا اهل الخير شوفوا حل يطلع واحد منهم مربى دقنه والذبيبه فى وشه أد حبه التين يقولك حكومه ظالمه وبعدين يكمل و يقول يبقى تدفع قرشين لجديه التصالح للحكومه وامرك لله
وقرشين رشوه للى راح يعملك الملف علشان يحلوا عن سماك .؟ .فالدوله تفك ازمتها والمحليات تاخد مكافات وانت تاخد ايصال باسم ملوش علاقه بشراء الارض ولكن تحت اسم تجميل المدينة واخد بالك انت ؟وعلشان تطمن مفيش مانع يضربولك ورقه عرفى مختومه بختم النسر اه والله بجد مش هزار
انك دفعت ربع الارض وبكده يسيبوك قول عشر او عشرين سنه وابوك فاكر انه اشترى خلاص ارض بيتكم اللى بالمناسبه كان اشتراها من ناس ودفع ثمنها وفجاءه تحتاج الحكومه لفلوس تانى ما الوزارة اتغيرت كام مره والقرار اللى يطلعه وزير مات ما يتحسبش ؟
يطلعوا قانون جديد للتصالح وبعد ما كان متر الارض ايام الهوجه الاولى باربعه جنيه والمرافق بتدخل ب100 جنيه تلاقى مطلوب تدفع ريع او حق انتفاع 2000 جنيه تصرخ ريع ايه وايجار ايه انا اشتريت منكم ومستعد اكمل ثمن الارض على السعر الى اتفقنا عليه ههههههههههه يصحك عليك الموظف ويطلع ليك لسانه
ويقول لابوك انت طيب قوى يا حاج معلش هما نصبوا عليك والايصال بتاعك ده كان تبرع لتجميل المدينه .تصرخ تبرع ايه يا ولاد الكلب هو انا كنت لاقى اكل ؟ وتروح وتيجى والمهم كلام الحكومه يمشى وتعمل ملف جديد وتدفع رسوم لجنه قياس ومساحه جديد وتدفع اللى عليك من الايجار القديم بقى
ما هما راح يرفعوا الايجار كمان الدنيا غليت ويحددوا المتر علشان خاطرك بس ب60 جنيه يا اخوانا مش معايا والله يقوم يبص لك الموظف من تحت لفوق كده وتصعب عليه ويقولك طاب ما تهرش وانا اخلصك من الليله دى فتدفع ؟يقوم مكتفى بما جمعه من ايجار وملف جديد ومبلغ التصالح يبعتهم للحكومه تمشى نفسها
وتفوت كمان عشر سنين وتقوم ثورتين ويجى الرئيس الجديد يقول ايه التهريج ده وايه الفساد ده كله لازم يتحاسب تفتكر ان الراجل راح يحاسب المرتشين واللى بيعطلوا مصالح الناس والمقاولين ولكن للاسف لان المشرع اللى راح يطلع القانون هو رئيس لجنه الاسكان فى مجلس الشعب ؟
واكبر مقاول بنى عمارات مخالفه فى مصر وهو اللى اخترع الرشاوى ويطلع القانون لصالحه وفجأه اهدم يا جدع ويصور التليفزيون الناس وهيا بتصرخ وتموت.. تقوم الناس مرعوبه خايفه مش عارفه تعمل ايه بيوتها راح تتهدم ؟ يقولك اشترى الارض تانى وسيبك من اللى فات وبسعر 1000 جنيه للمتر
تصرخ واجيب من فين 100 الف جنيه ثمن ارض اتبنى عليها بيت فيه كل المرافق من 50 سنه يقولك والله هو ده القانون والمره دى يا معلم قانون عسكرى لا تقول محامى ولا غيره راح تتحبس الاول لحد ما تدفع ومراتك تبيع دهبها وتعمل قرض وبعد ما تدفع وتجيب مهندس بقى ومساحه وتصوير جوى وتدفع يجى 50 الف
وال100 الف بتوع الارض تروح تجيب العقد يقولك معلش العقود راحت القاهرة للاعتماد ولسه مجاتش وكرونا بقى ومفيش موظفين واصبر ؟ يا نهار اسود يعنى انا اتنصب عليا تانى يرد احمد موسى عليك بجعورته اسكت يا مجرم يا فاسد يا ناهب مال الشعب ههههههههه
والمدهش يطلع قرار كمان ان ساكن الوحده او العين يدفع عن كل متر 100 جنيه يعنى الشقه ال100 متر فى العشوايات تدفع عليها 10 الاف جنيه ؟ تصرخ ملايين الناس الغلابة ..ليه ده ظلم ده حرام يطلع عمرو اديب اللى ساكن فى فيلا بحمام سباحه تمنها 50 مليون جنيه وبيتعشى ب10 الف جنيه فى دبى سعاده
يقولك يعنى انت دفعت للمقاول الحرامى 100 الف فى الشقه مستخصر فى مصر 10 الاف علشان تتصالح ونسكت على المخالفه فتدفع وانت ساكت فيقولك مش تقولنا شكرا بقى يا مواطن يا خرب الذمة يا حرامى ..عموما احنا دوله متقبلش الحرام ومتسكتش عليه ؟ وللحديث بقية
جاري تحميل الاقتراحات...