الخناقة بين المحجبات وغير المحجبات دي مليانة layers كتير بس يسيطر عليها في الأساس pattern موجود بين الناس عامة ويزيادة عندنا وهو إحساس عام بالدونية بيحاول الأشخاص إنهم يتخطوه بنسب نفسهم لمجموعة تستمد الfalse sense of superiority بتاعها من التحقير من الآخرين مش الرفع من نفسها.
الموضوع بيبتدي في مجاميع كبيرة زي مثلاً القاهري بيحقر من كل غير القاهريين، بس هل ده كفاية؟ لأ طبعا،طب أنا جوه القاهرة زيي زي كل القاهريين مثلاً ومابقاش مميز غير بحقيقتي أنا كشخص والقيمة اللي بقدمها؟ إيه وجع الدماغ ده أنا أصلاً مميز يا ابني وعايش في فيلا في التجمع مش زي الرعاع دول
وييجي بتاع جاردن سيتي لا أنا مميز أكتر منك ومأصل وطول عمري في عز من قبل كومباوندات الخليج اللي طلعت علينا، أنا أهلاوي، أنا AUCian، أنا ما بسمعش غير xyz، أنا ما بصيفش غير في أوروبا، أنا مابكلش سوشي غير على قمة جبل فوچي and so on
الخناقةاللي دايرة في لبها هي خناقة self-worth.ناس رابطة their self-worth بالفلوس وما ثبت إنه وهم تقدمية ثقافية وانهم أحسن بكتير من الجهلة اللي لسه الثقافة القديمة متحكمة فيهم، وناس تانية رابطة their self-worth بإنهم هم الأفضل أخلاقيا من الصايعين اللي مابيخافوش ربنا وهم أحباب الله
العفن النفسي ده في المجتمع بيؤدي ان مفيش أي حد حاسس بالراحة والحب والأمان في المكان اللي المفروض وطنه. لا أنا مثلاً وانا واحدة غير محجبة وبحب أستمتع بلبسي من عير قيود معينة وبيتم تنميطي واسقاط الsense of inferiority علي،ولا واحدة زي أمي محجبة وبيتم معاها نفس الشيء وبتشتكي دايماً
ممكن نخش في مناقشات كتير عن أسباب ليه حاجة معينة تم ترويجها للستات على إنها بتخليهم superior على غيرهم من الستات، وهتلاقي في الناحيتين في الآخر الموضوع أصله الذكورية السامة وتسليع المرأة وغيره من نفس المنبع، بس هو الموضوع كش مقتصر على الستات وفعلاً أكبر وأشمل بكتير
ومش هينتهي بقانون يتحط ولا جهة إدارية تمنع حاجة أو تبيحها، طول ما الناس مش عارفة ازاي تحقق نفسها وازاي تبقى في سلام نفسي وبتحب نفسها ومؤمنة بقيمتها وقيمة ما تقدمه في الحياة طول ما هتفضل تدور على طرق سامة تثبت لنفسها إنها ليها قيمة.
دور الدولة إنها تعلم الناس ازاي يحققوا نفسهم وتفهمهم أصلاً الكلام ده، وتوفر ليهم مجالات لتحقيق الذات وhealthy outlets لحاجتهم الإنسانية للانتماء،الاستثمار في شيء زي ده هياخد سنين طويلة لكن نتايجه اللي هتنعكس في انتاجية وانحسار للعنف المجتمعي والتزام وعدم غوغائية شيء يقدر بمليارات
والدور الفردي ان كل حد يشتغل على نفسه (وده لنفسه أولاً)وينشر الconstructive thinking في دوايره اللي يقدر عليها ويربي ولاده عليه،فيه كتير مش محتاجين غير ان حد يشاورلهم ع فكرة معينة💡وحياتهم كلها بتتغير بعدها.فلو مالحقتش الدولة لما تتغير،تبقى لحقت عالمك انت لأن روحك مش مربوطة بدولة
جاري تحميل الاقتراحات...