الصحة
الصحة العقلية
الخدمات الاجتماعية
قضايا اجتماعية
رعاية الطفل
منظمة غير ربحية
مأوى للأطفال
برنامج التأهيل
مأوى الأطفال فاقدي السند ودمدني: أبديث ثريد 📌
١.مرت تلاتة شهو بالضبط من دخلو الأطفال المأوى، عدد الأطفال الموجودين حاليا ١٥، تتراوخ اعمارهم بين ٧ و١٦ سنة ما عدا فرد واحد عمرو ٢٠ سنة.
٢. بعد التلاتة شهور هسا حاسين بالأصعب ورانا خلاص، الأطفال ماشين في تحسن مستمر، صحتهم احسن، العنف فيما بينهم انعدم تماما، ومن بين ال ١٥ اللي كلهم كانو بتعاطو سلسيون، ٢ بس اللي لسة بتعاطو ومستمرين في جلسات العلاج
٣. بدينا المدرسة، جانا تيم من مدرسين، صنفو الاطفال؛ عملو ليهم تعليم تأهيلي للتعليم اول وبعداك بدو ليهم الدراسة حسب اللي ما دخل مدرسة خالص، واللي واقف في مستوى معين، وهكذا..
٤. انتظمو في يومهم أكتر، بقو ملتزمين ببرنامجهم وبي مهماتهم، مقسمين ناس فلان بلمو المراتب وناس فلان بنضفو وناس فلان عليهم الغسيل، وناس فلان بختو الأكل، كلو بي اشراف طبعا لكن معتمدين على نفسهم في كل شي
٥. اخيرا جانا تلفزيون، ولو حصل اتقفلت في حتة مع شفع بلا تلفزيون حتفهم التلفزيون دا كان ضرورة قدر شنو😂، فالحمد لله
٦. ومكتب السلوك النفسي عندنا عمل شراكة مع مركز الجزيرة للعلاج النفسي، واخيرا اخيرا بعد الشغل كلو كان واقع على دكتورتنا الواحدة، بقا في دكتور نفسي مقابل كل طفل، متابع حالتو وجلسات علاج الادمان وبرنامج البناء السلوكي ليو وغيرو..
٧. حاليا هدفنا إنو نخلي المأوى مغري للأطفال انو يفضلو فيو أكتر، لأنهم at flight risk طول الوقت، فالتلفزيون والبرامج هي الشي الوحيد البساعد في دا، ومحتاجين، عمليا محتاجين، محتاجين شديد شديد شديد، لي بلاي ستيشن.
٨. و عندنا موضوع حأنشر ثريد خاص بيو، لكن مفروض أوريكم ليو هنا؛ وهو عن أصغر طفل معانا، مازن؛ عمرو ٧ سنين، اتعرض لي حادثة لمن عمرو ٤ سنين ونصف وجهه اليمين محروق، فاقد الوظيفة، ومشوه،
٩. هدفنا الاساسي كان عملية تجميل، باعتبار انو عينو بايظة تماما ميؤوس منها واول دكتورين قنعونا، لكن بعد كم مقابلة، اتضح انو في عملية نسبة نجاحها ٤٠% لي إنو مازن يسترجع النظر في عينو اليمين، وحاليا جارين في تفاصيلها، وبننزل بيها ثريد ان شاء الله.
١٠. واخيرا وليس آخرا، حوائجنا الحالية:
- محتاجين أخصائي تغذية؛ يكون موجود في مدني ويكون بقدر يصلنا في المأوى.
- محتاجين البلاستيشن زي ما محتاجين الأكل والشراب والله.
- محتاجين أكل وشراب: مواد تموينية او تبرعات مالية..
- محتاجين أخصائي تغذية؛ يكون موجود في مدني ويكون بقدر يصلنا في المأوى.
- محتاجين البلاستيشن زي ما محتاجين الأكل والشراب والله.
- محتاجين أكل وشراب: مواد تموينية او تبرعات مالية..
١١. موقعنا معروف، قاعة ابراهيم الكاشف/ ابراهيم شمس الدين في شارع الزمالك ودمدني،
حساب بنك الخرطوم باسم Street Heroes رقم الحساب : 2265152
أرقام التبرعات
Zain: 0961821716
Sudani: 0118191938
MTN:' 0920300660
رقم الاستفسار :
0925757177 - 0123991477
حساب بنك الخرطوم باسم Street Heroes رقم الحساب : 2265152
أرقام التبرعات
Zain: 0961821716
Sudani: 0118191938
MTN:' 0920300660
رقم الاستفسار :
0925757177 - 0123991477
جاري تحميل الاقتراحات...