رتبها

تحت هذه التغريدة 🕊
راح أنزل تجديد المحرك الأسطوري ال454
من أ-ي .
وكل شي راح يكون By The Book .

ليش تحتاج كتاب ؟
لأن كل مسمار في الماكينة له رقم "شد"
معين وترتيب معين اي اختلاف فيهم
راح يولد لك بناء مترهل
وايضا تحتاج إلى مفتاح عزم
لكتابة الأرقام والشد المطلوب
يكون على ظهره.
(او تاخذ الارقام من النت او من برنامج الAlldata)

بسم الله..
12 مارس
(بداية الحظر تقريبا بسبب انتشار الفايروس)
فكيت مقدمة السيارة كامله
حتى يسهل علي الفك
طبعا السياره غير قابله للأستعمال
فقط المحرك وبعض الأجزاء المستفاد منها
=

وهنا تم أخراج المحرك والقير سواء
وتم استئصال القير وفصله عن المحرك
=

بعض المسامير يحتاج لها عنايه خاصه حتى تفك معك ولا تنكسر 💔
وهذا شكل الماكينة بعد تثبيتها
على قاعدة المحرك "Engine Stand"
=

وهنا تم فك اجزاء المحرك الخارجية
وايضا تم فك الثلاجه بعد تنظيف المحرك
بالماء والصابون كبداية
والمحرك مليييان زيوت وصدأ وأتربه
بشكل يجيب الهم ويتعبك بالتنظيف جدا .
=

وتم فك الرؤوس والكارتير وغيرها
من القطع بالكامل.
ملاحظه (التنظيف تحتاج إلى بخاخ
إي سيدلكو "كارب" وكمان بخاخ للصدا
وبنزين وريشة حديد)
وراح تنظف لين تكره نفسك 😂
=

تم تنظيف الرؤوس وصنفرتها بالكامل 💯
وبالمناسبة وزن الرأس الواحد تقريبا
يعادل ١٠٠ كيلا!!
حديد ١٠٠٠٠٪
يوم فكيتهم ما حسبت
حساب انهم ثقال بالشكل ذا
ونتف خمس من اصابعي
وللحين علامات الجوده والعمل موجوده .
=

والأن بعد التنظيف
يبدأ الصبغ 👨🏻‍🎨🎨
تحتاج تاخذ فكره بسيطه عن كيفية الصبغ
عشان تعرف توزن اللون + ما يصير فيه
💧 مثل التقطير
وبشكل بسيط تبخ بنفس الطريقة الي بالمقطع + تعطي على كل قطعه
أقل شي ٣ وجيه
كل وجه يكون بينهم وقت طويل شوي
مثلا ساعه حتى يكون الصبغ متماسك .

تم رش البلك والرؤوس بالكامل
مع الاهتمام بأدق التفاصيل
الي تاكل وقت وقت وقتك
=

وتم شد الرؤوس بنفس تعليمات المصنع👌🏻
وعلى نفس الترتيب ونفس رقم التورك بالتمام
=

طبعا الشد بمفك التورك 🔧
ومهم جدا في شد القطع الحساسه في السيارة
مثل الماكينة 🚂
مثل ماهو واضح بالمقطع ⬇️
تحط الرقم المطلوب شده
وتشد لين يوصل للرقم وينبهك 👍🏻⏰