اخر مستجداتي
امس كلحد كان في بيتنا وعاد جلسنا نلعب لعبه المافيا والمواطنين الي ما يعرفها يشوف فلوق جمانه بقنه صدق لعبه فنانه🤝
انا عندي اخت متعصبه لكل شي حرفيا ما تحب تخسر المهم انه كلحد كان مصوت على اختي وعمتي انهم المافيا وانا كنت اخر وحده بصوت المهم اختي كانوا الي مصوتين عليها ثلاث وعمتي ثلاث ف يعني تصويتي هو الي بيفرق وبتخسر وحده منهم....
الصراحه ما كنت حاسه لا انها عمتي ولا اختي يعني عمتي صوتت معاي على حد من فريقها يوم كنا نلعب وفي نفس الوقت اختي بعد كانت تتكلم هالمره بجد فكنت مستبعده انها هي المهم انه اختي عصبت انه يلا اختاري وفي نفس الوقت ما تباني اختارها ومعصبه تقول انه عمتي هي المافيا يالغبيه وانا صمت...
عاد عمتي تنرفزت وقالت هي خايفه من اختها وهنا تنرفزت اختي بعد انه شدخل تخاف مني جت عمتي ولمست اختي(اختي عندها عاده غريبه انه ما تحب حد يلمسها او يستهبل معاها انه يضرب يدها لانها لازم تردها مهما كان) المهم انه عمتي دزت اختي واختي عصبت انه لا تدزين ودفتها وعاد كلحد حط على اختي
انه هي الغلطانه طيب هي مو غلطانه وييسكتونها واختي يوم يسكتونها يعلى صوتها وعمتي تقول انا ما دزيتها ويعني كلحد شافتها طيب😳 المهم الله يسلمكم عمتي فرت ورقتها على اختي وطلعت المافيا حسبي الله...هني تنرفزت انه خير تفرين الورقه في وجه اختي بدعسك يالصرصوره
بس ما دعستها وسكتت ههه.... ايه المهم كلحد كان يسكت اختي واختي قالت ما بسكت اذا انا على حد ابك والله انها كفو🙈💖💖💖 بعدين راحت غرفتها وعمتي اتصلت على حد يشلها وعمتي الثانيه ردت بيتها عاد جانا ضيق امس صدق
جاري تحميل الاقتراحات...