يا جماعة الله يرضى عليكم ما تنبهروا بالشخصيات من خلال السوشيال ميديا
مافي زول بخت صورة بروفايل باهتة بنختار أجمل وأحلى وأكتر لقطة لامعة
مافي زول بكتب عن اللحظة القال لي أمه كرهتينا العيشة ياخ ولا اللحظة الكان فيها ماسك تليفونه وأبوه برا عاوز اللي يديه موية وما لاقي

مافي زول بصور اللحظة اللي جا قدامه مسكين وهو عاين ليه بتعالي ومشى خلاها رغم إنه محفظته ملانة قروش
مافي زول بكتب بوست يقول أنا حاسد أنا كذاب أنا منافق
كللللللللنا بنختار أجمل صفاتنا وأكتر لحظات جميلة في حياتنا ما عشان نحن بالضرورة منافقين بس اللي في يده القلم

ماااااااا بكتب روحه شقي
ما عشان زول عنده أصدقاء ومتابعين كتيُر يبقى لازم يكون مثالي
كلنا عندنا نقاط سودا وصفات سيئة وكلنا عندنا مميزات
ما تختوا استاندرات عالية للناس الهنا لأنه العالم الهنا دا مهما حاولنا نخليه حقيقي هو في النهاية عالم بنصنعه بأيدينا عالم بنعوض بيه نقص

العالم الحقيقي
عالم بنشبع بيه حاجات ما موجودة
في ناس حقيقية وناس بتحاول تكون حقيقية ما ح نسيئ فيهم الظن
بس نحن اللي علينا إننا لا نحسن الظن لا نسيئه نحن مطلوب مننا نتعامل مع السوشيال ميديا زي الكتب ما ح يضرنا فساد الكاتب لو كان كتابه مفيد ولا ح يفيدنا طيبة الكاتب

الكاتب لو كان كتابه سيئ
ناخد المضمون من المنشورات بدون ما نسقطها على صاحبها
ما نرفع سقف التوقعات ما نتوقع ذاتو
ممتاز؟؟؟!!!