ثريد عن سوره البقره وكيف غيرت حياتي خلال سنتين وايش الأشياء اللي صارت لي بفضلها 🕊❤️.
قبل سنتين ونص فقدت امي وابوي وحياتي تغيرت بالكامل وصارت سيئه بشكل ماحد يتخيله لدرجه اني فكرت بالانتحار وجتني ظروف صحيه تركت دراستي بسببها وسويت اكثر من عمليه ماكنت اتوقع اني في يوم من الايام راح اصير بخير فقدت الأمل وكنت انام واحط ببالي اني ماراح اصحى للأبد
كنت اشوف ناس كثير تتكلم عن سوره البقره وفضلها بس ماكنت اتقبل اني اقراها كامله يوميا بحكم انها طويله ٤٩ صفحه كنت اتضايق اذا جيت افتح القران واشوفها طويله واقول كيف راح اخلصها كنت اتركها يوم يومين واقول بعدين بكمل حطيت ببالي لازم اخلصها عشان اشوف فضلها وقررت اني اختمها بجلسه وحده
وقتها كان اخر الليل ساعه ٢ونص جلست صليت الوتر ودعيت قلت يارب ساعدني اني اخلصها المهم جلست اقرا وطول الوقت ابي اقوم خلاص واحس مليت وقاعده اجبر نفسي اني اكملها والحمدلله خلصتها ونمت وصحيت على اذان الفجر مافي احد صحاني صحيت من نفسي سبحان الله وكأن ربي صحاني عشان اصلي مع اني كنت
مواصله وقتها اول ماصحيت حسيت براحه اول مره في حياتي احس فيها واحس اني مبسوطه بدون سبب وقررت اداوم عليها عشان الراحه هاذي المهم مر اسبوع وانا مداومه عليها ماتركتها وكل يوم اختمها كنت اقسمها بعد كل صلاه ١٠ صفحات وفي الليل اختمها راح اكتب لكم الأشياء اللي صارت لي بفضلها
كميه الراحه النفسيه اللي كانت فيني احس صدري منشرح وكمية راحه كأنه هواء بارد داخلي وكل اموري تيسرت سويت عمليتين كانت نسبه نجاحها ضعيف جدا والممرضات كلهم كانو متعاونين معي ربي مارزقني اخوات بس حسيتهم اخواتي وكان ربي سخرهم لي جلست شهرين في المستشفى وطلعت متعافيه الحمدلله
كنت اعاني من رهاب اجتماعي ماكنت احب جمعات الاهل والأقارب والجمعات الكبيرة كنت ماقدر اجمع كلمتين على بعض ولا اقدر اسولف معاهم واتضايق إذا جلست مع ناس كثير الحمدلله بفضل سوره البقره قدرت اني اسيطر على العاده هاذي وتغيرت شخصيتي كثير بفضل الله ثم سوره البقره
حطيت ببالي ٣ امنيات كنت اشوفها صعب انها تتحقق بس كنت اقرا سوره البقره بدون ماادعي انها تتحق والله مادعيت فيها بس كنت حاطتها ببالي وتحققت كلها
اكثر أمنيه كنت مبسوطة فيها اني تعافيت من الشي اللي كان فيني وتركت الادويه
اكثر أمنيه كنت مبسوطة فيها اني تعافيت من الشي اللي كان فيني وتركت الادويه
ومواعيدي خلصت كلها الحمدلله كنت اشوفها صعب تتحقق بس ربي قادر على كل شي انتو بس ادعو وخلو ثقتكم بالله كبيره ولازم تحسنون الظن بالله (انا عندي ظن عبدي بي) 🕊❤️.
كنت اتمنى ايفون بحكم ان وضعنا المادي صعب شوي مادعيت ان يجيني ايفون بس تمنيته وحطيته ببالي والله اني نمت وصحيت والآيفون جنبي اخوي اهداني اياه بمناسبه خروجي من المستشفى وكنت محتاجه مبلغ عشان اعدل غرفتي والله ان جاني في العيد ١٥الف بدون ماطلب احد رزقني الله من حيث لااحتسب ❤️
اختصرت الأشياء اللي صارت لي بسبب سوره البقره واللي شفت لها اثر في حياتي 🕊❤️
١-انشراح الصدر والطمانينة
٢-تيسير الامور
٣-تحقيق الامنيات
٤-تسخير الناس لي
٥- الرزق
٦-استجابه الدعوات
٧-تغير الحال للافضل
٨-البركه في كل امور حياتي
١٠-الشفاء من الامراض
١-انشراح الصدر والطمانينة
٢-تيسير الامور
٣-تحقيق الامنيات
٤-تسخير الناس لي
٥- الرزق
٦-استجابه الدعوات
٧-تغير الحال للافضل
٨-البركه في كل امور حياتي
١٠-الشفاء من الامراض
انا بديت فيها في مرحله صعبه بحياتي والله كان لها فضل كبييييير بخروجي من ذيك الفتره ، سورة البقره سبحان الله تعطيك انشراح وقوه فضيعه تحسين انك تقدرين تواجهين كل شي وتتخطين كل شي وان الله معاك دايم
يمكن تحسبوني ابالغ بس والله اني صادقه بكل حرف انا استفدت منها وغيرت حياتي للأفضل ماكتبت ذا الكلام الا عشان الكل يستفيد مثلي وهذا الجدول اللي كنت امشي عليه داوموا عليها وبتدعون لي🕊️❤️.
جاري تحميل الاقتراحات...