كلنا نعاني دائما من مشكلة العثور على أفكار لمحتوى في التواصل الاجتماعي سواء لقناتك على يوتيوب او الانستقرام او بودكاست او حتى التويتر .. وهذا ثريد مختصر لـ بعض الخطوات و المواقع يلي راح تفيدك عشان تطلع فكرة لمحتوى بسرعة ☁️ ✨🖍
1- اول طريقة او بالأصح موقع blinkist.com يلي يختصر لك ألاف الكتب لدقايق ما تتجاوز 15 دقيقة وراح تفيديك اثناء البحث عن مواضيع وأفكار تقدر تطلع منه محتوى تشاركه مع جمهورك وفيه تصنيفات لأي موضوع تبغى تبحث عنه ويلخصها لك كنقاط رئيسية او دروس مختصرة، موقع رهيب وثريد 📚✨
2- ثاني طريقة ويلي اعتبره اكبر مصدر الهام وأفكار هي الاسئلة والتعليقات يلي يطرحها جمهورك (صح انها طريقة تقليدية لكن فعالة دائما ) وتقدر تحط مثل تصويت او أنك تطلب منهم وش يبغونك تنزل لهم من محتوى وتقدر تستخدم موقع answerthepublic.com عشان تبحث عن الاسئلة يلي يطرحها الناس 🎲
3- الطريقة الثالثة هي " اليوتيوب " ويعتبر بالأساس ثاني محرك بحث قوي بعد قوقل تقدر تشوف المنافسين يلي بنفس مجالك او تخصصك واي فيديو يعتبر جيد لهم وعليه بحث قوي وما أقلك تقلد محتواهم عشان تكون على هويتك بس شوف المواضيع الاكثر تداولا وتقدر تطلع منه محتوى جيد بطريقتك 🧩✨
4 - الطريقة الرابعة هي إعادة استخدام محتواك القديم ، خاصة اذا كنت تنشأ محتوى كثير أرجع شوف اي محتوى كان جيد بالنسبة لك ولجمهورك وعند اعادة محتوى راح تظهر لك افكار جديدة وبطريقة جديدة واستخدم ادوات التحليل عشان تستفيد من اعادة المحتوى ( المحتوى الجيد راح يبقى محتوي جيد ) 📊🔍
5- الطريقة الخامسة وهي أحد الطرق المفضلة عندي في البحث وهو موقع pinterest.com ويعتبر أسرع طريقة لحصول على محتوى و راح تفيد المصممين وكل صناع المحتوى المرئي عامة والموقع رهيب اذا دخلت احيانا اقعد بالساعات حرفيا ، وميزته انه يظهر لك نفس المحتوى يلي داخل عليه وتستفيد منه
وهذه كانت بعض الخطوات البسيطة أن شاء الله تفيدكم في البحث عن أفكار جديدة وسريعة لصناعة المحتوى بكل سهولة ☁️✨
جاري تحميل الاقتراحات...