رتبها

#ثريد بيعجبك 🔥🔥
كيفية زيادة مبيعاتك باستخدام الإنستغرام بطريقة #مجانية 100%
الثريد هذا حيوضحلك كيف تستغل الانستغرام أفضل استغلال دون الحاجة لاستخدام الإعلانات المدفوعة.
#mkt_art #تسويق_الكتروني

اذا بتشوف حسابي لأول مرة بدي أحكيلك انو الحساب مهتم بتطوير الأعمال واستغلال التسويق والاعلام الرقمي في حياتنا 😍
ادخل المفضلة بتلاقي شروحات كتيرة وهذه بعضها 👇🏻

كلنا في يوم من الايام بنكون مستهلكين وبنشتري منتجات معينة وخلال عملية الشراء بياخدك البراند الي بتشتري منه في مراحل عديدة حتى تقوم بعملية الشراء.

لما تشتري أول اشي البراند بيوصلك من خلال مرحلة نشر الوعي وبتعرف انو هادا البراند موجود، بعدين بتبدأ تهتم في البراند وبعدين بصير عندك رغبة انك تشتري منتجاتهم وبعدين البراند بحولك لعميل. "الكلام سواء كنت شخص أو نشاط تجاري بتسوق لخدمتك او منتجك"

نيجي نشرح الاشي على الانستغرام.
١- نشر الوعي يعني توصل لجمهور مستهدف 👈 متابعين.
٢- جعل المتابع مهتم 👈 يعني يتفاعل مع محتواك.
٣- الرغبة في الشراء 👈 يعطيك الايميل الخاص فيه.
٤- التحول لعميل 👈 القيام بعملية الشراء.

الآن رح نتكلم على كل مرحلة بالتفصيل 🤩وكيف الانستغرام بساعدك بطريقة مجانية للحصول على عملاء 😃👇🏻👇🏻

1️⃣ حتى تحقق اول مرحلة الي هيا نشر الوعي انت بلغة السوشيال ميديا بدك متابعين، وحتى تجيب متابعين للانستغرام بدك محتوى ممتاز وقابل للمشاركة، تخيل شخص شارك المحتوى الخاص فيك على الستوري او نشره لأصدقاؤه في الرسائل. هذا معناه توصية بمحتواك وبساعدك على زيادة متابعينك بشكل كبير

وما تنسى دور الهاشتاغ في المحتوى سواء كنت بتنزل ستوري او بوست عادي، والهاشتاغ في الستوري بيلعب دور كبير في انتشارها لهيك اختار هاشتاغ عالي التفاعل لانو معك وقت محدود فقط "24 ساعة" وانت محتاح توصل لاكبر عدد من الناس قبل ما تختفي الستوري ...

وعلى العكس في البوستات العادية، وقتها اختار هاشتاغ دقيق ومتعلق بمجالك بشكل أكبر لانو البوست بضل موجود في الهاشتاغ واي شخص بيدخل الهاشتاغ بعد فترة وبيتعمق فيه ممكن يلاقي منشورك ويشوفه وبالتالي بتوصل لاشخاص اكثر.

كمان استخدامك للموقع في البوست وAlt text بساعدك كتيير للوصول لجمهور اكبر فاحرص على استخدامهم دائما. واذا كنت من صناع المحتوى على اليوتيوب انشر المقاطع الطويلة باستخدام ميزة IGTV بتفيدك كتير.

2️⃣ المرحلة التانية هي مرحلة التفاعل وهادي مستمرة من البداية وتأثيرها اقوى لما يكون عندك عدد جيد من المتابعين، منصات السوشيال ميديا مبنية على التفاعل بين الاشخاص، والمعادلة كالتالي: زيادة تفاعلك مع المتابعين = زيادة تفاعل المتابعين معك.

حتى تزيد تفاعل الناس معك أكتر وأكتر من خلال الانستغرام أو أي منصة اخرى ضروري تستخدم CTA وال CTA هو بالضبط اني أحكيلك "اذا عجبك الثريد اعمل ريتويت" أو " شاركني رأيك بالمحتوى" أو اسألك سؤال محتاج اجابتك.

طالما وصلت لهنا يعني عجبك الثريد ارجع اعمل ريتويت ولايك وبعدين بتكمل 😂

نكمل في موضوع التفاعل مع جمهورك الانستغرام بيعطيك ميزات رائعة في الستوري زي ال countdown وال poll و ال questions، استخدمهم بتكون أقرب لجمهورك.

3️⃣ المرحلة التالتة، تجمع بيانات المهتمين، بعد ما صار في بينك وبين الجمهور تفاعل وحكيت معهم وكونت علاقة جيدة مع جمهورك صار وقت انك تطلب منهم بيانات وهنا ما حيعطيك البيانات الي بتطلبها الا الي عنده رغبة حقيقية في الشراء منك.

كيف بساعدك الانستغرام تعرف مين عنده رغبة في شراء منتجك او خدمتك، مثال لتوضيح الفكرة: لنفترض انك بتقدم خدمة تصميم جرافيك ممكن تنزل ستوري فيه التالي " اذا مهتم تتعلم اسرار التصميم ابعتلي رسالة بايميلك واستلم شرح لجميع اسرار التصميم"

وممكن تنزل تصويت " هل أنت مهتم بتعلم اسرار التصميم" الي بجاوب yes ترسله رسالة فيها رابط الشرح. وطبعا ما تنسى أكواد التتبع بتلزمك يوما ما😁

4️⃣ الان المرحلة الاخيرة، تحويل الي عندهم رغبة في الشراء لعملاء، في هادي المرحلة اهم اشي انو يكون عندك منتج او خدمة تحل مشكلة لعميلك المحتمل، اذا كان منتجك بحل مشكلته انت في الطريق الصح لجعله يشتري هذا المنتج او الخدمة.

كيف بدو يساعدك الانستغرام في هادي المرحلة:
أولا في البايو الخاص فيك اعرض خدمتك او منتجك الي بحل مشكلة جمهورك واطلب منه يتواصل عالدايركت حتى تحلله مشكلته.

ثانيا: الستوري وأهميته، خاصة اذا عندك اكثر من ١٠ الاف متابع .. بتنزل ستوري بالمشكلة الي بواجهها جمهورك وبتطلب منهم يشوفوا الستوري التالي حتى تنحل مشكلتهم، وفي الستوري التالي بيجي دورك تعلن عن الحل. على سبيل المثال نرجع لمثال التصميم الجرافيكي 👇🏻

ممكن انت تعمل ستوري تعلن فيها عن كورس لاحتراف التصميم مع اضافة رابط والي مهتم يعمل swipe up هيك انت بتحوله من شخص عنده الرغبة في المنتج لعميل الك.
وانتظروا شروحات أخرى بتفاصيل أخرى 😁.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد