اللي فعلاً عندها نيّة تشافي صادقه تبعد عن الأغاني اللي فيها كلمات حزينه وأفضل شيء تبعد عن كل الأغاني وتكتفي بالموسيقى الهاديه؛ أنا حالياً قاعده أتشافى من الماضي اللي سبب لي عُقد نفسيه وصدمات سنين أعاني منها؛ لاحظت لما كنت بمرحلة الإنكار لمشاعري كنت أتعب ما أتحسن
بعد 9 شهور أبحث باليوتيوب والمواقع كل المعلمين الروحيين أتفقوا على نفس الكلام أن أول خطوات التشافي مواجهة النفس؛ ونسأل روحنا عن أسباب المشاعر الحاليه مع الكلام مع النفس راح نكتشف أشياء عميقه مدفونه أكتشفت متأخره أن الكتمان تعبني ونوبات الإكتئاب ماتختفي بالعكس تزيد
كنت متجاهله الأسباب اللي تركت بروحي جروح وعُقد نفسيه وحده من هالعقد عقدة الإنجاب! وعايشه على التخدير مثل المدمن اللي ياخذ جرعه ويعيش سعاده مزيفه مؤقته وبعد مايصحى ينهار ويتعب! أنا كنت جذي.. فجأه أقعد بروحي عشان محد يشوفني وأنهار بجي أحياناً بالساعات وأطلع للناس طبيعيه
كأني عايشه حياتي سعيده مافيني شيء؛ محد كان يدري أني أعاني من الإكتئاب من سنين؛ صحيح كنت أعطي الشعور حقه أحياناً لأن ببالي إذا تجاهلته راح يزيد لكن ماتشافيت بهالطريقه! يروح ويرد وتنتكس حالتي؛ بعد بحث فهمت أني أحتاج تنظيف عميق من ترسبات الماضي وتحديداً مرحلة الطفوله
بعد ماواجهت نفسي بكل شيء أرتحت وهديت شوي؛ أنا كنت أدري أني أعاني من تأثير صدمات وجروح بالطفوله لكن ماكنت أقعد مع نفسي جلسه صادقه وأسأل وأجاوب كنت أتجاهل وأخدر روحي هالشيء أكبر غلط؛ أنا عمري ماكنت من النوع اللي يذكر تفاصيل عن حياته سواء بتويتر أو لشخص لكن حسيت أن غلط أكتم
تجربتي وأنا ممكن أساعد أشخاص يمرون أكاونتي ويقرون! ممكن أنقذ روح من الإكتئاب أو الإنتحار! لو كلامي هذا ساعد انسانه وحده بس أنا بكون راضيه وسعيده؛ أنا لازلت في مرحلة التشافي مادري متى بتشافى كلياً لكن أعتقد أني بمراحل الشفاء الأخيره..
نهاية كلامي أتمنى كل شخص عانى نفسي أن يتشافى ويعيش سعيد وأن كلنا نعيش بسلام..
@Rattibha
رتب لو سمحت🌷
رتب لو سمحت🌷
جاري تحميل الاقتراحات...