🔴الحصول على منحة أو قبولك في منحة خطة (تكتيك) أكثر من حظ 🔴
دي خطوات ما قبل رسالة الدافع :
1-تحدد المنحة وتأكد عليها : زي ما قلنا أعداد المنح كبيرة شديد فلازم تتأكد انو دي المنحة الانت عايزها عشان ما تتفاجأ بمنحة أفضل منها أو منحة تتعارض معاها في الزمن وتشتتك
1-تحدد المنحة وتأكد عليها : زي ما قلنا أعداد المنح كبيرة شديد فلازم تتأكد انو دي المنحة الانت عايزها عشان ما تتفاجأ بمنحة أفضل منها أو منحة تتعارض معاها في الزمن وتشتتك
2- لازم تبدأ رسالة الدافع قبل أسبوع من تقديمك المنحة (أسبوعين أفضل لو أول مرة ليك تعمل رسالة دافع) لأنها ما حاجة بتزبط بين يوم وليلة وما حاجة بتزبط في لحظة التقديم , لو كتبتها بسرعة وفي ضيق زمن حتترفض
3- بعد ما اخترت المنحة ووفرت الزمن الكافي حاول أعرف كل معلومة ممكنة عن المنحة زي نوع المنحة والجهة الممولة للمنحة وشروط المنحة وليه فاتحين المنحة , الأسئلة دي ما صعب تلقى اجابتها خصوصا اذا كانت المنحة مشهورة,أما اذا كانت غير مشهورة فممكن تفتش أو تراسل ادارة المنحة وغالبا حتلقى رد
هنا في شرح أفضل لتقسيم وانواع المنح
4-ممكن نستخدم المنحة الروسية كمثال لتوضيح الكلام دا , المنحة الروسية نوعها دراسية والجهة الممولة هي الحكومة الروسية , شروط المنحة وكل باقي التفاصيل موجودة هنا , ليه فاتحين المنحة ؟ بهدف نشر اللغة وثقافة البلد , وواضح ...
من شروط المنحة انهم دايرين زول اجتماعي يقدر يحقق هدفهم دا اكتر من كونك زول أكاديمي فانت حتركز في النقطة دي في رسالة الدافع وتخليها وحدة من أولوياتك ودا ما بيعني انو الاكاديميات ما مهمة في المنحة .
دي خطوات ما قبل رسالة الدافع ولسة مواصلين في سلسلة (كيف تكتب رسالة الدافع) , فعلو التنبيهات للصفحة عشان ما يفوتكم الثريد الجاي وتقدرو تتابعو الخطوات الجاية
جاري تحميل الاقتراحات...