#ثريد : كم مرة تحس أنك قريب مرة من تحقيق هدفك بعدين تلقى نفسك تكسل؟ أو تجيب العيد؟
هذا المفهوم اسمه #التدمير_الذاتي (Self-Sabotage) وهو أحد أهم الأسباب اللي تعيق تقدمك في الحياة
تعال نسولف شويتين عن التدمير الذاتي
#آلة _الإنجاز
هذا المفهوم اسمه #التدمير_الذاتي (Self-Sabotage) وهو أحد أهم الأسباب اللي تعيق تقدمك في الحياة
تعال نسولف شويتين عن التدمير الذاتي
#آلة _الإنجاز
مخنا مثل مكيفكم في البيت: لما تط درجة الحرارة مثلا على 22 .. بيظل يبرد إلى أن يوصل 22 بعدين يطفي. إذا زادت درجة الحرارة شويتين يبدأ يشتغل مرة ثانية لمن يوصلها للنقطة المطلوبة. المكيف دائما راح يحافظ على درجة الحرارة اللي أنت حطيتها فيه.
نفس الشي مخك
نفس الشي مخك
مخك حاط "درجة معينة" لك .. إذا نزلت عنها بيحاول يوقفك .. إذا ارتفعت عنها بيحاول يوقفك .. لازم يخليك دائما حول الدرجة اللي هو يعتقدها عنك. طيب كيف جت الدرجة هذي من الأساس؟
الدرجة هذي جت بسبب تجارب سابقة في طفولتك .. هذي التجارب سببت لك نوع من الألم وقتها ، ومخك قرر كذا : أوكي .. ما عاد بنطب هالنوع من التجارب أبد . ومع الوقت تصير عند مخك مجموعة كبيرة من التجارب تحت بند " لاتطبها أبد"
في المثل الشهير .. فيه فيل صغير مربوط بحبل والحبل مثبت في خشبة على الأرض. الفيل ظل يحاول ينحاش لكنه ما قدر يقطع الحبل فـ توقف عن المحاولة. الفيل كبر وصار بإمكانه ينحاش ويقطع الحبل .. لكنه ما حاول أبد. بسبب تجارب الفيل الفاشلة السابقة لقطع الحبل ظل طول عمره يعتقد أنه ما بيقدر
إيش الفكرة هنا؟ التجارب السابقة صارت يوم أنك صغير وما كانت عندك المهارات ولا القدرات اللي تأهلك أنك تتعامل معها أيا كانت ، لكن مخك لازال متشبث بفكرة (لا عاد أشوفك تطبها أبد)
طريقة المخ في منعك هي عن الطريق التدمير الذاتي. يخليك تأجل المهام .. تسوف .. تسوي أي شيء يخرب الموضوع .. بس عشان ما تدخل التجربة هذي مرة ثانية
ناخذ مثال: لنفرض أنك ترشحت لمنصب مدير في جهة عملك .. وحسيت أنك بتضيع الفرصة ذي أو بترفض العرض أو ما شابه ولا تدري ليه .. لو بحثت في الماضي يمكن تلقى أنك حاولت تكون عريف الصف في الابتدائي لكن ما قدرت عليه وسبب لك تجربة سيئة
هنا المخ من دون ما تشعر راح يخليك ترفض العرض الوظيفي أو الترقية. وبإمكانك تقيس على ذلك. فكر في كل مرة تخرب فيها هدفك ، إيش هي التجربة اللي مريت فيها وخلت مخي يمنعني من أني أخوض هالتجربة؟
مجرد ما تحط يدك على التجربة اللي سببت لك التدمير الذاتي ، كل شيء بيصير أسهل وبيخف الأثر كثير. التدمير الذاتي عندنا كلنا .. لكن الواعي هو من يكتشفه من بدري ويتحكم فيه
جاري تحميل الاقتراحات...