#زحل في الأبراج و البيوت :
١- #زحل في البيت الأول : يرى صعوبات بشخصيته كثير جلد الذات أو أنه يعاني بعدم وجود قبول كثير له ، نصيحتي له : لا تحبّط من نفسك ولا تقلل من قيمتك ، عدم وجود قبل كثير من الناس هذا لا يعني إنك سيء ، فقط أعمل على شخصيتك و طورها لا لأجل أحد .. لأجل نفسك أولاً 👍🏼♥️.
٢- #زحل_الحمل : مهما كانت فيه طاقة تلاقونه يضيعها بأشياء غير مفيدة ، لا يعرف أهمية الوقت كثير إلا بعد أن يأخذ دروس بالحياة عن أهمية الوقت ، و مرات يكون نشاطه الزايد مصدر ازعاج للي حوله لذلك يحس بإحباط ، و تقل طاقته.
٣- #زحل البيت الثاني : بخيل و نقطة ضعفه الفلوس ، يحتاج يتعلم إن الفلوس تحتاج تطبق عليها " لا إفراط ولا تفريط " أوك عزيزي اعرف قيمة الفلوس لكن تمتع فيهم ايضاً ، اغلب المشاهير و الأغنياء عندهم هالدلالات لذلك لا تأخذون هالدلالة كشيء سلبي ابداً بالعكس بس تعلموا تستثمرون بفلوسكم.
٤- #زحل الثور : يحر قلبك الكسل و البرود اللي فيه ، يأجل عمله لبكره و يجي بكره يخليه للي بعده لين ينضغط و يعرف إن الله حق 😂 ، بس ترى مُجد بالعمل حتى لو تراكم عليه ينجزه بأكمل وجه.
٥- #زحل البيت الثالث : عزيزي زحل الثالث ، اتفهم صعوبة التواصل مع الآخرين حتى مرات تحس إنك مقصر معهم و تكون فعلاً مقصر لكن حاول تكّون علاقات مع الناس الصح بحيث يراعون قلة كلامك و قلة تواصلك ، خصوصاً الأهل.
٧- #زحل البيت الرابع : معاناتك مع أهلك ممكن تخليك تكرههم و تكره التواصل معهم أو العيش معهم تحت سقف واحد ، حاول تتأقلم معهم بذكاء إلى أن تتاح لك الفرصة بالإستقلالية ، لكن لا تخوض معهم في نقاشات كثير عشان زحل بيكون اثره عليك سلبي و بيتعبك.
٦-#زحل_الجوزاء : إزدواجية شخصيتك مرات تحسها بتسبب لك مخاسر مضاعفة لكن هالشيء غير صحيح ، لو تعطي نفسك فرصة و تحبها و تركز على وحده من شخصياتك اللي انت تتقبلها مو الناس بتلاقي نفسك ناجح جداً.
٨- #زحل_السرطان : تعاني صعوبات من ناحية فهم حساسيتك أو ايش اللي يضايقك بالحياة ، ما تدري انت دراما ولا هو صدق يضايق ، كل اللي عليك تسويه إنك تجلس مع نفسك و تكتشف إذا زعلك حقيقي و يستاهل ولا بس استنزاف لروحك.
٩- #زحل البيت الخامس : لا تخوض علاقات أو لا تنجب أطفال و تلوم المجتمع على المشاكل اللي راح تحصل لك بسببهم ، حاول توقف على رجولك و تراجع نفسك و مبادئك و قيمك من علاقاتك و من سبب إنجابك للإطفال ، حتى مواهبك لا ترمي على أحد إنهم منعوك اثبت نفسك بمجرد تتاح لك الفرص.
١٠- #زحل_الأسد : عزيزي أستاذ زحل الأسد الموقر لا تتحسس من ناحية إن مرات ما تكون لك السُلطة أو قوة فرض الرأي ، عادي تصير مرات . أنت لسة لك هيبتك و احترامك لكن حاول تثبت هالشيء بالأفعال أكثر من العصبية أو الزعل.
١١- #زحل البيت السادس : يحزنون ، موسوسين من ناحية صحتهم ، ريلاكس حبايبي حاسة فيكم خصوصاً هالفترة ، روقوا حتى لو تعبتوا و مرضتوا زحل مع الوقت بيعطيكم مناعة من حديد ما شاء الله + و ايضاً لو تسلط عليكم مديركم كبروا راسكم و ركزوا بالشغل ولا يهمكم.
١٢- #زحل_العذراء : وسواس النظافة رقم واحد ، و مرات يصير مو نظيف مره على حسب مزاجه و على حسب مكانه ، و على حسب المتواجدين حوله ، يعني لو مع اهله صار وسخ و ترك التنظيف لهم ، لو مع الناس يصير مفرط النظافه ماله حل.
١٣- #زحل البيت السابع : ارتباطك الرسمي راح يكون بعد ما تنضج فكرياً ، لا تستهلك نفسك بحثاً عن العلاقات الدائمة ، ولو كنت رجل أو إمراة أعمال فلا تركضون وراء الصفقات الكبيرة حبة حبة و بتكبرون ان شاء الله ، عاطفياً فكروا صح.
١٤- #زحل_الميزان : هنا زحل يقول لك لازم ما تأخذ من تردد الميزان درسك هنا إنك تكون حازم و صاحب قرار مهما كان الموضوع حساس بالنسبة لك حاول تتخذ قرار و تجزم هالموضوع و تبعد عن التردد او ع الاقل تخفف عنه.
١٥- #زحل البيت الثامن : هنا ممكن تعاني من ناحية الحدس لا تحدس و تعتقد حدسك صح ما يضبط معك دايم ، تحتاج أولاً تطرد سوء الظن اللي تعاني منه و بالتالي بتحدس بشكل صافي و واضح ، ممكن تعاني مشاكل بالورث ايضاً مشاكل مع الناس اللي تشاركهم الورث ، كل اللي عليك هو تنظر من جانب ثاني.
١٦- #زحل_العقرب : العقرب هنا بيعاني من وضوح حساسيته اللي غالباً يغطيها بهالة الغموض الخادعة ، بيصير مكشوف و بتزيد حساسيته بسبب هالشيء ، شكه بيصير مضاعف خصوصاً انه صار مكشوف بس اللي مفروض تسويه انك تترك حساسيتك و تقوي نفسك و تعتبر الحساسية مو عيب عشان تخفيها.
١٧- #زحل_التاسع : ممكن تعاني من صعوبات بالدراسات العليا أو عدم فهمك للأديان و سبب وضعهم و حتى ممكن ما تتقبل عادات و تقاليد غير عاداتك و تقاليدك اللي تربيت عليها ، حاول تنفتح للعالم اكثر و دراستك حاول تتعب عليها اكثر ، الأديان من وجهة نظري مو عيب الواحد يطلّع عليهم و يبحث.
١٨- #زحل_القوس : يا عمري يا القوس هنا بتكبح جماح الأكشن اللي متعود عليه بتصير خواف بعكس عادتك و حتى لو جتك نزعة التمرد اللي بالقوسيين تلاقيك تخاف بعد ما تتمرد و تصير تبي تصحح الشيء مع انك ما غلطت بس حاول انك تسوي اللي تحبه بس بحدود ولا تكتم نفسك عشان خوفك.
١٩- #زحل_العاشر : وظيفتك و سمعتك هنا مهددين ، تطلع عليك اشاعات في مكان عملك أو حتى البيئة المحيطة فيك ، لا تهتم كبر راسك و كمل شغلك و بنفس الوقت لا تعطيهم سبب انهم يأكدون هالشائعات .
٢٠- #زحل_الجدي : زحل بمكانه هنا مرتاح ، لا تشغل نفسك هنا لان الصعوبات انت بتصنعها لنفسك بأي بيت كان بيكون مرتاح و اصلاً بيخليك و كأنك حكيم و متمرس بموضوع هذا البيت لذلك لا تصنع مشاكل من لا شيء و تقول زحل السبب.
٢١- #زحل الحادي عشر : يا عمري انتو ، اكثر ناس انجلدوا بالصداقات و انغشوا فيهم ، مو عيب الواحد ما يلاقي صداقات بسهولة و مو عيب الشخص يختار يصاحب ناس غلط و ينخدع فيهم الحياة تبي تعلمك بس انك تقوي شخصيتك و قبل تدخل بصداقة مع أحد خل المواقف تختبره لك ولا تنخدع بالكلام.
٢٢- #زحل_الدلو : تفقد دبلوماسيتك في احيان كثيرة تلاقيك تفرط بلسانك و تصير صريح فوق اللازم و كثير حولك ينجرحون ، انتبه للسانك ، و مرات دبلوماسيتك تعطيك وضعية المخادع و يمكن تعاني من عدم ثقة الناس فيك ، لا تحاول تكسب احد او تبرر ، اثبت انك العكس لنفسك اول و بعدين الناس بتلاحظ.
٢٣- #زحل البيت الثاني عشر : يا عليك أحلام غريبه ، و طقوس غريبة و تعاني من إنك شاذ عن مجتمعك تحس محد يفهمك ، عزيزي مارس طقوسك بعيد عن المجتمع و وقت تدخل المجتمع البس قناعهم ، احلامك بتكون لك رؤى بس حاول تركز ، انتبه تثق بسرعه بأحد.
٢٤- #زحل_الحوت : حساسيتكم هنا بتصير اقل بالعكس ممكن تتقمصون شخصية القاسي بعد فترة من الدروس بتصيرون سوداوين و تنظرون للحياة و كأنها لعبة ، عادي انتو صح الحياة لعبة ، لكن لا تفقدون متعة الحياة.
جاري تحميل الاقتراحات...