رتبها

[ثريد] حياة اخرى ولكن:
قصة واقعية حصلت لقابلة(داية) كان اسمها (ست النفر) في منطقة شندي قبل اكتر من ٣٠ سنه ونجت وحكت القصة للناس وتوارثتها الأجيال حتى يومنا هذا.
.
⭕ رتويت ⭕ رتويت⭕ريتويت⭕

كانت في داية ف شندي اسمها ست النفر وكانت حياتها بسيطة شديد وعلى قدر راجلا غفير لمزرعتين جمب بعض وساكنين ف بيت بسيط شديد في واحدة من المزرعتين مع اولادا ال٣ فا كانو بجوها الناس بدقو ليها الباب لو في مرا عايزة تولد ولا متوجعه ولا حاجة وحياتا كانت ماشة عادي لحدي ما جا يوم..

كانت الدنيا ليل وراجلا شغال يحرس ف المزرعتين الباب دقا... جات طالعه لقت مرا سلمت عليها وقالت ليها والله نحن مقطوعين وعندنا بت بتتوجع وعايزة تولد وانتي الوحيدة البتقدري تولديها قالت ليها خلاص تمام دخلت جابت عدتا وحاجاتا وطلعت قدام باب المزرعة كانو في راجلين مع المرا عشان...

عشان الدنيا ليل شديد. وكان في بس شارعين للقرية يا اما يقطعو بنص المزرعه التانية يا انا بالشارع الورا فا الناس ديل اتجهو ف الاتجاه المعاكس تماما! (اتجاه البحر) استغربت قالت ليهم ماشين وين قالو ليها بس تعالي معانا لحدي هسي ما عارفة حيمشو وين! لمن خلاص قربو من البحر اقتنعت وسألتهم.

(انتو شِن نفركم؟) يعني انتو جنسكم شنو انس ولا جن قالو ليها نفرنا بتعرفيهو هسي وصلو قدام البحر وقالو ليها انو نحن عندنا بت ومتالمه شديد وسالنا ومافي زول ما بجيب سيرتك لانو لو ولدت عادي حتموت! قالت ليهم طيب انا ما بعرف اعوم حاغرق قالو ليها ما تخافي حنمسكك من يدك وغمضي.

فعلا غمضت ومسكوها من يدها وبدو يمشو لحدي ماوصلو نص حته كدة الموية وصلت لحدي ركبتها قالو ليها غمضي بعدا وماتفتحي الا نقوليك غمضت وهم ماسكنها من يدينا وسامعه صوت مشي عادي زي البتمشي ف الارض ناشفة؟ لحدي ما وصلو حتة حست بواحد دقاها فكتفها وقاليها فتحي عيونك. فتحت واندهشت!

حضاارة وتقدم رهيب؟ واسفلت وعربات وناس ماشة زينا كدا! (الكلام دا قبل اكتر من ٣٠ سنه لاحظ) لحدي ما وصلو البيت وقالو ليها البت ف الاوضة جوة دخلت وقعدت مع البت قرابة ال ٥ ولا ٦ ساعات وهي بتولد فيها. والطفل طلع وكان فوضع خطر اسعفتو وشفط وبتاع لحدي ما استجاب وقعد يصرخ ويبكي!!

فرحو شديد وعملو وليمه على شرف الداية دي واتلمو فا حذروها انو في الحيط في (كتابات) اوعا تشوفا لانو لو شافتا حيظهر ليها الجن بشكلو الحقيقي وحتجن من المنظر سمعت كلامهم والزمن داك كان الصباح جا(في عالم الانس) واولادا وراجلا بقو يفتشو فيها ومشو القرية يسالو لو في واحد شافها وقالو لا.

اتاخر الوقت وكانت عايزة ترجع خلاص ف الجن قالو ليها انو خلاص هي عملت العليها جا الوقت نحن نعمل العلينا قالو ليها عايزة شنو؟ فا حاوبت ليهم ماعايزة اي شي بس عايزة السٌترة انا مرا مسكينه وعيشتهم بسيطة وصعبة وماعايزة شي غير تسعد اولادا. قالو ليها طيب رايك شنو تقعدي معانا.؟؟؟

استغربت. كيف يعني ؟قالو ليها تجي تعيشي هنا انتي وعائلتك وتشتغلي داية لينا بس رفضت وكيف اغير حياة اولادي كدا. قامو سالوها رأيك شنو تسكني الخرطوم؟ قالت ليهم كويس ساقوها معاهم في ظرف دقايق طلعت من البحر لقت نفسها ف (الجريف غرب)؟؟ودوها وروها بيت جميل جمال ماعادي وكبير ومفروش.

قالو ليها البيت دا بنفع معاك قالت اي بنفع رجعوها تاني بالبحر لعالمهم تقعد مع البت شوية مسافه تطيب قالت ليهم طيب واولادي مافي زول ف البيت بيعمل ليهم اكل قالو ليها نفس الاكل القعد تاكليهو دا هم بيوصلهم هناك بدون مايعرفو جاهم من وين ومن جميع الاصناف والانواع.

اتفقت انها تشتغل معاهم وانها ترجع تقنع زوجها بالسفر للخرطوم. ادوها صندوق الصندوق دا مليان قطع وغويشات وسلاسل (ذهب) وقالو ليها كل ما تحتاجي تفتحي الصندوق تشيلي من الدهب وتبيعيهو وكل ما تشيلي من الصندوق دا ما حيخلص لكن شرطنا معاك واحد. اياك انو تحكي الحصل دا لزول ولا حتى زوجها.

وفي الشارع وهم راجعين قالو ليها اي حلحة نفسها فيها تشيلا معاها اكل وملابس وعدة وكل شي وقالو ليها تمسك الصندوق كويس واياها تفرط فيهو لحجي ما وصلو المكان غمضت عيونا وفجاة لقت نفسها قدام البحر ومن بعييد شايفة المزرعتين وبيتها عاينت لقت نفسها براها وبس جمبها الصندوق واكياس الملابس.

وشنطة عدتها. شالت حاجاتا ودخلت الييت لقتو فاضي لانو اولادا وراجلا كانو بفتشو فيها ف انتظرتهم لحدي ما يجو لمن جو استغربو وسالوها انتي كنتي وين فا قالت لراجلا انو الناس الحوها امس دقو الباب كانو مسافرين ومعاهم واحدة عايزة تولد والعربية متعطلة بيهم فحته بعيدة شوية اسما(كبوشية).

فا بعد ولدتها حلفو علي وضبحو لي وناس كريمين شديد وادوني القروش دي والذهب دا واتفقت انو اشتغل معاهم ف الخرطوم وحيدونا بيت كبير ويدوك انت قطعه ارض تزرعا. ف البداية كان رافض الفكرة وبقت كل يوم تتكلم معاهو ف الموضوع لحدي ما وافق وكلم اسياد المزارع يلقو ليهم غفير وجاب ليهم واحد من

جاب ليهم واحد من طرفو.
فنفس اليوم بليل ست النفر مشت على البحر ف طلعت ليها المرا القبيل الحات مع الراجلين وسالتها فا قالت ليها انو خلاص وافقو لكن حنسافر كيف وصعب علينا السفر. اتدا حاحة قالت ليها اعملي ليهم شاي وختي ف الشاي وانتي ما تشربي منو فعلا.

رجعت البيت وعملت الشاي وختت فيهو الحاجة وادتو لراجلا واولادها وفلمح البصر نامو فجاة جو ناس كتار وبسرعه شديدة شالو العفش والحاجات واهلا فجاة لقت نفسها جوة البيت الفي الجريف واي واحد راقد فسريرو وكل شي مرتب ومنظم استغرب انو لمن صحو ما استغربوا بل كانو كانو حلمانين! انهم سافرو.

وتعبو وركبو البانطون(عبارة نيلية) وسافرو لحدي ماوصلو الخرطوم وجو ناس رحبو بيهم وساقوهم وودوهم البيت ومشو مع راجلا وروهو القطعه الزراعية الكلام دا كلو حصل ف خيالهم بس مافي حاجة زي دي حصلت لكن كيف؟ الله اعلم. بقت عايشة حياتا بجوها وبودوها معاهم عالمهم وتلود ليهم نسوانهم دايما

وراجلا بيزرع الارض وبيجو التجار يشترو منو محصولو والأولاد بعيشو حياتهم وبمشو المدارس ورفاهية مابعدها رفاهية وصندوق الذهب والقروش يعني عايشين غنا وترف شديد واستمر الحال دا 3 سنوات! لحدي ماجا اليوم البدت تنقلب الامور.

مرة دقا الباب بليل وجا راجل براهو وشكلو زي الماعايز زول يشوفو فتح ليهو راجلا سلام عليكم عليكم السلام. ست النفر في قال ليهو اي في اتفضل قالي مابقدر وعندو مرتو متوجعه وعايزة تولد وسريع قام مشى صحاها جابت عدتا وجات مشت معاهو والغريب انو دا بدل ما يمشي على البحر مشى عكس البحر.

هي استغربت قالت لي انتي يازول ما ماشي على البحر قاليها لالا وقريب بي هنا لحجي ماوصلو بيت ولقت بت والبت من الانس؟ كانت على علاقة مع الجني دا وحملت منو وهو هسي منفي ومجرد من قواهو والبت دي عندها قصة براها بحكيها فيوم تاني رفضت انو تجهض الطفل وطلعت فلقوها برا جماعتا وكانو زعلانين.

قامت حكت ليهم القصة ووروها قصتو وانو نفوهو من عالمهم عشان الحاجة العملا دي وكان هددا بانو حيأذيها لو ما عملت حاجة وحيأذي اولادا وراجلا لكن ما سمعت كلامو. ومشت مع جماعتا ديل ورجعو البيت وكلو ف السليم لحدي ما جا الصباح.

راجلا كان عازم واحد من التجار ف البيت وجاب خروف وضبحوه وساعدوه اتنين من الأولاد وخلاهم يكملو الشغل فيهو علشان هو يمشي الارض ويبيع للتاحر المحصول ويجيبوا البيت. الاخو الكبير كان شغال بسلخ ف الخروف التاني الفي الوسط مشى بدون سبب لاخوهم الثالث الصغير قاليهو تعال اوريك..

ابوي ضبح الخروف كيف وداهو الحوش ورقدو ف الارض وجاب سكين ضبحو!!! وبعديها جنا وجرا على الزلط واختفى من اليوم داك! عملو عزا ومشو دفنو الولد بعد العزا ست النفر حست انو لازم تكلم راجلا فحكت ليهو كل الحصل وانو الناس ديل جن وانو حصل وحصل وحصل لمن مشت جابت الصندوق لقتو مليان (رمل)!

عرفت انو خلاص كسرت الشروط ناموا ولمن صحو تاني يوم الصباح لقو نفسهم نايمين في كوشة ف الجريف! فنص زبالة وعفن ما استغربو وعرفو انو خلاص... المرا مشت على اتجاه البحر وخشت لحدي النص عشان تمشي تتكلم معاهم ولدها الكبير عايز يلحقها قام غرق ف البحر. ظهرو ليها الجن وودوها عالمهم(يتبع)

قالو ليها انتي كسرتي التعامل الكان بينا وحكمنا عليك انو نسجنك مدى الحياة هنا وماحتطلعي الا لمن تموتي. وبقت قاعدة اليوم داك كلو مسجونة لحدي ماجاتا المرا الزمان ديك ف البيت وحنستها انها تطلعا وانا ساعدتكم وقت الحاجة ساعديني هسي قالت ليها خلاص ما مشكلة بتسجن شهرين تلاته لكن بساعدك

لكن حترجع حياتكم زي زمان قالت ليها طيب اولادي قالت ليها اولادك وماتو ماحنقدر نتصرف لكن الجنا دا ممكن نجيبو ليك ونرجعو لكن اطرش وابكم قالت ليها خلاص تمام. هربتا من السجن وفي لحظة لقت نفسها جمب المزرعة ورجع الراجل واتكلم مع الغفي مرحبا التاني انو الشغل مانفع ورجعت حياتهم

بعد خمسة شهور جا ولدهم الكان جنا ماشي بقدام البيت جاي من اتجاه البحر مسكوهو واكلو وقعدو معاهم ف البيت ورجعت حياتهم طبيعية...
.
.
.

انتهى الثريد ياريت يكون عجبكم سوي رتويت وتابعني لو بتحب النوع دا من القصص⭕
.
.
وشكرا❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد