كثير تجي أسئله بالخاص او سناب يقولون فيها انا جديد على التخصص مثلاً تخصصي هندسة حاسب او علوم حاسب او غيرها من التخصصات ابي نصيحه تفيدني عشان افهم في تخصصي وابدع فيه بتكلم عن خطوات واعتبرها نصيحة أخ وماهي من راسي هالخطوات حاجات انا سويته وضبطت معي 👇🏻
١- اللغة الانجليزية مهم جداً تطور لغتك وتخليها ممتازه لان اذا لغتك الانجليزيه اذا كانت ضعيفه راح تواجه صعوبه خلال اكثر المواد اللي يكون محتواها يدرس ب اللغة الانجليزيه وتعلمها سهل جداً في تغريدات سابقة تكلمت عن طريقة من ضمن افضل الطرق لتعلم اللغة 👇🏻
٢- المعلومات اللي تاخذها من المحاضرات عشان تثبت بمخك ذاكرها اول ب اول بعد ماترجع من دوامك اعط نفسك ساعه او ساعه ونص وذاكر اللي اخذته بالمحاضرات هالطريقة راح تفيدك انك تثبت المعلومه واذا وصل وقت الاختبارات راح تكون فاهم المادة وماتكون صعبه عليك 👍💙
٣- البحث عن المعلومه كلنا نعرف ان اللي ناخذه بالجامعه نقطه في بحر خلال بحثك راح تتعلم اكثر وراح تعرف معلومات اكثر وراح يزيد من معرفتك فيه هالشي اللي بحثت عنه والمواقع كثير اللي تقدر تبحث وتحصل معلومات كثيره ومهمه في مجال تخصصك .
٤- الدورات ، الدورات راح تفيدك وتحسن وتطور من مستواك وتكتسب معلومات ومهارات جديده عليك دائماً الجامعات يكون عندهم دورات داخل الجامعه احرص انك ماتسحب عليها لانها راح تفييدك جداً جداً 😍👍
٥- التعليم الذاتي هذا اكثر شي راح يفيدك ايضاً خصوصاً للبرمجه او الشبكات او الأمن السيبراني وغيرها من التخصصات بتلاحظ انك تتعلم حاجات جديده وتطور مهاراتك وراح تلاحظ بعد ماتتخرج بعد ٤ سنوات انك متقن حاجات كثيره وفاهم فيها
اذا كنت حاب تتعلم للبرمجه تكلم بتغريدة سابقه عن مواقع لتعلم البرمجه ومهم جداً انك تطبق عملي وتمارس وتسوي مشاريع عشان تفهم اللغة صح😍 👇🏻👇🏻
٦- التدريب التعاوني ، للأسف الكثير يهمل التدريب ويمكن حتى مايداوم بالعكس فرصة عظيمة انك تداوم وتعرف طبيعه العمل كيف وتطبق عملي وتعرف بيئه العمل كيف وراح تخليك تطلع بفايدة ١٠٠٪ لانها افضل شي تطلع الحاجات اللي درستها وفهمتها بالجامعه بالتدريب التعاوني😍👍
الله يوفقكم جميع وهذي النصائح اللي عندي وحبيت افيدكم فيها وعن تجربة وصدقني اي تجربه تعلم بدراستك راح يفيدك لكن يحتاج من صبر وتركيز وراح تطلع مستفيد وتفيد نفس والمجتمع بالحاجات اللي انت تعلمتها الله يوفقكم💙😍👍
جاري تحميل الاقتراحات...