🚨 منحة الحكومة الصينية CGS لبرامج الجامعات 🚨
بدون شهادة ايلتس 🔥
شامله 289 جامعه 🔥
بتمويل (رسوم الجامعة / سكن /راتب شهري 427 دولار)🔥
بتقبل الاف الطلاب سنوياً 🔥
بدون شهادة ايلتس 🔥
شامله 289 جامعه 🔥
بتمويل (رسوم الجامعة / سكن /راتب شهري 427 دولار)🔥
بتقبل الاف الطلاب سنوياً 🔥
لو اتعمل استبيان عن اكتر دولة الناس ما عايزة تمشي ليها حاليا فالصين حتكون في اول القائمة لأسباب معروفة طبعا , لكن الحاصل دا عبارة عن فترة مؤقتة وحتعدي ومفروض ما تعمينا عن الفرص العظيمة البتقدمها الصين .
الصين ثاني أقوى اقتصاد في العالم حاليا بعد امريكا ومتوقع في السنوات الجاية تحتل المركز الأول نسبة للتطور الجنوني في اقتصادها في السنوات الأخيرة
الشركات الصينية مسيطرة على السوق العالمي واوضح مثال شركة Huawei اللي اجتاحت العالم بهواتفهم المتطورة بأسعار متوسطة خلت منافسينهم يتحيرو , لو عايز تاخد فكرة عن نجاح شركة Huaweiعزيزي القارئ في عام 2018 Huawei ربحت 100 بليون دولار , بليون بالباء.
حتى في وسائل التواصل الاجتماعي اشهر تطبيق صاعد حاليا هو Tiktok , التطبيق الصيني العمل انتشار غير مسبوق في العالم بالرغم من انو بدا في 2016 بس , في 2019 أرباحه كانت 17 بليون دولار .
لعبة الهاتف الأكثر شعبية في العالم حاليا PUBG طورتها شركة TENCENT الصينية وطبعا ما محتاجين نقول ليكم مدى نجاح اللعبة وانتشارها
باختصار الصين دولة قدرت انها تحقق نجاح خارق في التجارة والصناعة متمثل في عبارة Made In China اللي غزت اي مكان العالم
الحكومة الصينية خلت التعليم الابتدائي والمتوسط في الصين مجاني واجباري لكل طفل عمرو وصل 6 سنوات ودا بعكس اهتمام الحكومة بالتعليم والاولوية بتاعتو
في 2914 جامعة في الصين بجودة تعليم كويسة جدا , قائمة أفضل 1000 جامعة في العالم فيها 126 جامعة صينية , أفضل الجامعات دي بPeking university وبتحتل المركز 62 عالميا
المنح البتقدمها حكومة الصين متنوعة وكتيرة انحنا في الثريد دا حنركز على المنحة الأشهر وفيهم وهي منحة CGS برنامج الجامعات وهي منحة ممولة بالكامل بتقبل سنويا الاف الطلاب .
المنحة خاصة فقط بطلبة الماجستير والدكتوراه وبتشمل كل الرسوم الدراسية والسكن الجامعي اضافة لراتب يعادل 427 دولار لطالب الماجستير و 500 دولار لطالب الدكتوراه , بس المنحة ما بتغطي مصاريف السفر من والى السودان .
بالنسبة لشروط المنحة فلازم طالب الماجستير عمرو ما يزيد عن 35 سنة وطالب الدكتوراه ما يزيد عن 40 سنة
الحاجة المميزة في منحة الحكومة الصينية انو ما بتشترط عليك شهادة الايلتس , اذا كنت حتقرا تخصص باللغة الانجليزية في الصين فشهادة كفاءة في اللغة الانجليزية من جامعتك بس بتكفي وما بتحتاج حاجة تانية
أما اذا كنت عايز تقرا تخصصك باللغة الصينية وانت ما عارفها فبوفرو ليك كورس سنة لتعلم اللغة الصينية , والكورس اجباري بس في حالة انك عايز تقرا باللغة الصينية اما لو حتقرا بالانجليزي فما شرط
نجي لعملية التقديم , التقديم بيتم عن طريق مواقع الجامعات المشمولة في المنحة وعددها 289 جامعة , بترسل جميع مستنداتك للجامعة عن طريق الانترنت او البريد , بعد داك الجامعة بتراجع طلبك وبتقرر حتقبل منو
فرصة القبول في المنح الصينية كبيرة جدا مقارنة بالمنح التانية لانو الطالب بيقدر يقدم مستنداته ل 3 جامعات في نفس الوقت وما لجهة واحدة بس وبالتالي بيضاعف فرص قبوله
بعد الجامعة تقبل الطلاب العايزاهم بتقوم بترفعهم لادارة المنحة وبيتم قبولهم , حنوافيكم بأي تفاصيل جديدة عن موعد التقديم وحنتناول في ثريدات جاية الانواع التانية من المنح الصينية ان شاء الله
جاري تحميل الاقتراحات...