ثريد تكتيكي مباراة الميلان و اليوفي
#ميلان_يوفنتوس
#ميلان_يوفنتوس
ميلان 4-4-2 "ريبيتش" و "ابراهيموفيتش" في المقدمة ، ضغط عالي من اللحظات الاولي ب 6 لاعبين وتعطيل عملية البناء لليوفي ، ضغط من "ريبيتش" و "زلاتان" ع قلبي دفاع اليوفي و من "كيسي" علي "بيانيتش"
"زلاتان" كان بينزل كتير ل تحت عشان يستلم الكورة ، ممكن لحد نص الملعب ، كان بيفضي نفسه بشكل كويس جدا وفي نفس الوقت كان بيقلل هو و "باكيتا" الضغط ع "ريبيتش"
"ريبيتش" وتحرره من الرقابة بعد تحركات "ابراهيموفيتش"
4-4-2 بس بتتحول هجومياً احياناًُ 4-3-3 ، وتوسيع الملعب من الظهيرين ، "باكيتا" و "زلاتان" بيتحركوا في انصاف المساحات عشان يتركوا المساحة ل "ريبيتش" ويتحرر من الرقابة شوية
الضغط العالي من الميلان والضغط ع قلوب الدفاع ، "تشيزني" اضطر يشارك في بناء الهجمة ويعمل موقف 3 ضد 2 في حالة بناء الهجمة امام مهاجمي الميلان ، ويقلل الضغط علي قلبي الدفاع بتوع اليوفي
نفس الكلام مهاجمي الميلان "ريبيتش" و "زلاتان" بيضغطوا ع قلبي الدفاع في اليوفي ، ف بينزل "بيانيتش" عشان يخلق موقف 3 ضد 2 ويسهل عملية الخروج بالكورة اكتر لفريقه
ضغط الميلان اللي حتي لو متوسط بس بردو بيصعب الصعود بالكورة لليوفي
مع اعتماد الميلان ع العمق في الشوط الاول ، في بعض المواقف في خطة 4-4-2 flat اللي مفيهاش صانع العاب صريح ، ف انت محتاج نزول مهاجم من الاتنين اللي عندك ل تحت شوية ولو ده محصلش بيبقي صعب اووي تخترق من العمق خصوصا مع تحول اليوفي دفاعيا 4-4-2 او 4-4-1-1
اليوفي الشوط الاول كان بيضغط ضغط عالي بردو ، ف كان بيضطر "كيسي" انه ينزل لتحت شوية عشان يبقي خيار للخروج بالكورة لفريقه
بردو صورة توضح الضغط العالي لليوفي ، واضطرار "دناروما" لعب كورة طويلة علي الاطرف هو صحيح مش "شتيغن" بس كان بيتصرف كويس بردو
غياب "ديبالا" اثر جدا علي اليوفي انهاردة مكنش في لاعب مؤثر بين الخطوط او المربع رقم 14 بالخصوص ، اللي كان بيملاه "ديبالا" دايما وبيجيب منه اهداف
في بعض الاحيان مكنش بيضغط لاعبي اليوفي علي مدافين الميلان وكانوا بيكتفوا باغلاق خيارات التمرير تماما عليهم
مثال اخر ..
"بيرناندسكي" كان بيوسع الملعب و "كوادرادو" هو اللي بيخش ل جوا الملعب اكتر
لتعويض ادوار "ديبالا" شوية كان بينزل "هيجوايين" لتحت عشان يستلم الكورة وكان "بيرناندسكي" بياخد مكانه واصلا كان بيلعب انهاردة "بيرناندسكي" كمهاجم تاني
افتقد اليوفي للاعب يتحرك بين الخطوط ، مفيش حاجة تربط بين خط النص والمهاجمين ، "هيجوايين" واقف لوحده تماما في المقدمة من غير دعم خالص
"كوادرادو" بردو اللي كان معزول انهاردة لوحده ، تحس اداء اليوفي فيه عشوائية كده ، يمكن عشان "بيرناندسكي" كان زي م قولت بيلعب ك مهاجم تاني احيانا ف مكنش "كوادرادو" بيلاقي مساندة ع الاطراف من زميله كتير
الكورة دي كانت مميزة ، بيحصل overload كبير من لاعيبة اليوفي ناحية اليمين اللي فيها "كوادرادو" وبيتنقل الملعب للناحية الشمال ل "دانيلو" اللي رفع كورة غريبة بعدها ، بس كانت هجمة حلوة وخطيرة
"بيرناندسكي" اللي بردو حاول يعمل ادوار "ديبالا" ويلعب بين الخطوط ويربط بين خط النص و المهاجمين
الشوط التاني ، ضغط عالي من الميلان بردو بيضطر "كوادرادو" للعب كورة طويلة المفروض انها اتقطعت بس "رابيو" كسبها بالالتحام البدني وقدر يعدي من اكتر من لاعب وبمجهود فردي بحت ولغبطة من دفاع الميلان يسجل الهدف الاول لليوفي
بردو خطأ غريب جدا من قلبي دفاع الميلان ، كورة طويلة تتلعب ل "رونالدو" اللي اتحرك بينهم بذكاء والاتنين تحس اتخضوا كده واصتدموا ف بعض وقدر "رونالدو" يحرز الهدف التاني لليوفي
ظل الميلان يهاجم وبعد دخول "هاكان" الشوط التاني مكان "باكيتا" ودخوله للعمق اكتر ده كان مؤثر ، ودخول "ليياو" مكان "اليكسيس" ودخول "بينافينتورا" مكان "زلاتان" وتتحول الخطة ل 4-2-3-1 للميلان
استطاع الميلان تسجيل الهدف الاول من ضربة جزاء ، وفضل يهاجم اكتر ، وجود 6 لاعبين من الميلان امام وداخل منطقة جزاء اليوفي ، ونشوف الزيادة اللي يعملها "كيسي" واللي قدر منها يحرز الهدف الثاني للميلان ويتعادل
نزول "رونالدو" لاستلام الكورة وتحريك فريقه ، و "بيرناندسكي" بياخد مكانه
الدقيقة 69 "ساري" يقرر يعمل 3 تبديلات ، "كوستا" مكان "هيجوايين" ، "رامسي" مكان "بيانيتش" والتغيير اللي مش قادر افهمه لحد دلوقتي "متويدي" مكان "رابيو"
4-2-3-1 للميلان اللي اغلقت العمق واغلقت كل شئ علي اليوفي بصراحة وخلته متحكم اكتر في نص الملعب
من الحاجات القليلة الكويسة لليوفي في الماتش ده هو ضغطه العالي ع الميلان بصراحة
اعتماد الميلان بعد م سجل "لياو" الهدف التالت علي المرتدات بعض الشئ وكان دايما في كورة بتتلعب ل "ريبيتش" اللي كان بيتحرك بين قلبي الدفاع
مرتدة 4 ضد 4
"كيسي" لما كان بيعمل الزيادة الهجومية بيبقي خطير ، فكرني ب "كانتي" لما بيعمل الزيادة مع تشيلسي
معظم خطورة اليوفي كانت من الركنيات والكرات الثابتة ، مميزين فيها بصراحة
4-4-2 للميلان احيانا دفاعيا كانت تتحول 5-3-2
الهدف الرابع جه من استمرار الضغط العالي من الميلان ع اليوفي ، اضطر "ماتويدي" يلعب كورة طويلة بالغلط ، قطعها "بينافينتورا" وسجلها "ريبيتش"
من الاشكال الدفاعية اللي اعتمد عليها الميلان بردو 4-4-1-1 ، "ماتويدي" كان مطلوب منه ادوار هجومية غريبة وانه يتحرك في انصاف المساحات ويعمل زيادة هجومية كانت مش راكبة عليه خالص بصراحة ، كنت افضل خروج "بينتاكور" ولعب "ماتويدي" مكانه ل سوء مستواه وان "رامسي" يعمل الزيادة الهجومية دي
ادوار "ماتويدي" الهجومية الغريبة فعلا !
"رونالدو" لاكتر من مرة بينزل ل تحت ويلعب ك محطة ويحرك اللاعبين من وراه
"ماتويدي" !!
"كوستا" كان بيوسع الملعب و "دانيلو" بيخش ف العمق اكتر
"ليياو" بعد خروج "ريبيتش" اتحول ل مهاجم وهمي و "كورنيتش" لعب ناحية اليمين
لحد الدقيقة 90 الميلان بيضغط ب 6 لاعبين !!
"رامسي" اللي كان بيتطرف احيانا بسبب دخول "بيرناندسكي" للعمق اكتر
بس ودي كانت كل حاجة للثريد ده اسف اتاخرت جدا واسف طولت جدا بس كان في تفاصيل كتير لازم اقولها يارب يكون عجبكم
ياريت اعرف رايكم في الكومنتس حتي لو سلبي وشكرا ليكم ع صبركم لاخر الثريد ♥️♥️🥀
ياريت اعرف رايكم في الكومنتس حتي لو سلبي وشكرا ليكم ع صبركم لاخر الثريد ♥️♥️🥀
@RIADTURK10 ❤❤
@rateb_yabroudi الميلان اهو اي خدمة 😂❤
@_1bra_ ❤❤
@Tacticano ❤❤
@85Bukhaled ❤❤
@MO_H_Helmi ❤❤
@MouahmedEl ❤❤
@Tacticano ❤❤😅
@Amrooo90 ❤❤
جاري تحميل الاقتراحات...