استغلال التجار رغبة الشباب في انهم يشتروا عجلات، بي انهم يضاعفوا اسعار العجلات، دة احقر حاجة شهدتها في البلد دي. شعب عدو لنفسو، عدو للتطور والإصلاح، مجتمع بضر نفسو وبنشر البؤس والتعاسة ويصعب على نفسو زي دة ما لاقاني.
البلد دي انا قنعت منها. انسان السودان بليد.
مرمي الله مابترفع.
البلد دي انا قنعت منها. انسان السودان بليد.
مرمي الله مابترفع.
اكبر شريحة في المجتمع السوداني هي شريحة الشباب. وفكرتي كانت بي كل بساطة انو بدل ما آلاف الشباب اليومياً بشوفهم مشرورين في الحر راجين المواصلات، يلقوا طريقة اقتصادية يصلوا بيها اي حتة هم عاوزنها:(البيت/الجامعة/الخماسيات/الجبنة..الخ) يوفروا قروشهم، والزحمة والضغط على الحافلات يخف..
العجلات لحدي قبال اسبوعين كانت اسعارها (بتتجازف) مابين متوسط وغالي. ولكن مع ازدياد عدد مستخدمي الدراجات -بسبب الحظر- وانتشار منظر زول سايق عجلة، التجار ريالتهم كبت، وقرروا انو طز في اي منطق، ارفع السعر ! وكمان معاهم ناس السوشيال ميديا، مسحو بوستاتهم ونزلوها بي اسعار جديدة
حقيقة فرحت جداً لمن شفت الشاب القال اشتغل ديلڤري بالعجلة وطلع منها مصاريف جيب، وزاد عليها تويتة من شاب برضو قال مفكر يعمل شركة ديلڤري بالعجلات .. اليوم داك حسيت انو فعلا في امل انو الناس تعيش بصورة عملية اكتر، بدل الخال الواقف بي سبب الأزمات دة .. لكن حالياً بقى في ازمة عجلات !!
الناس مابتتعظ، ظلم على ظلم، سرقة على سرقة .. بضاعة مخزنة من قبال كورونا ! الناس احتاجت ليها عشان تتحرك في زمن فيو وباء تقوم ترفع السعر ! واريتها يعني لو صادر اوروبا ولا امريكا ! كشى مشى الصين درجة عاشرة من اعفن سوق لا مواصفات لا مقايس.
عموماً معليش لي اي زول حمستو يشتري عجلة، بعتذر ليك؛ واتمنى انك تلقى ليك عجلة فلتة بي سعر مناسب، ولا تلقى تاجر ود حلال يعزك بي حاجة اقلها تكون اصلية.
-
حتى اسبيرات وكماليات العجلات رفعوا اسعارها.
يعني تمشي للعجلاتي تقوليو عايز رقعة يخمسنك ويقد جيبك.
-
الله غالب.
-
حتى اسبيرات وكماليات العجلات رفعوا اسعارها.
يعني تمشي للعجلاتي تقوليو عايز رقعة يخمسنك ويقد جيبك.
-
الله غالب.
جاري تحميل الاقتراحات...