مع اني ضد الكلام في المواضيع البتفرق الناس لكن امس استوقفني فيديو علي برنامج تيك توك منزل الفيديو بانوا انتصار للحب رغم العنصريه. تمام وانا برضوا شايفوا انتصار للحب. لحدي هنا الموضوع تمام.. لكن التعليقات كلها من غير السودانيين كانت بتتسائل وين العنصريه العنصريه في الموضوع وانهم
شايفينهم بتشابههوا ومافي فرق بينهم وده طبعا بعبر عن نظرتهم لينا كلنا كسودانيين. المشكله بعدها دخل بعض السودانيين وحاول بشتي الطرق انهم يبينوا انوا في فرق وانو في عربي وغير عربي والردود كانت بتقول مافي فرق بس ده اسود غامق ودي اسود فاتح. واصحاب الخبرات من العنصر النسائي علقوا بانو
البت مستخدمه كريمات. فقط وكلنا في نظرهم (خوال) اي سود. وطبعا ده بقابلوا دفاع مستميت من البعض للدفاع عن عروبتهم ولما افقدوا كل الحجج دخلوا اخوانا الجنوبيين المساكين الانفصلوا عننا لهذه الاسباب التافهه والعنصريه البغيضه.. واخيرا لما غلبتهم الحيره قلبوها مسيحين ضد الاسلام وطلعوا
العريس المسكين ده مسيحي.
العايز اتكلم عنوا ليه نحن ماراضين بهويتنا السودانيه ودايما بنحاول نثبت للعالم اننا عرب. ومامفتخرين بتنوعنا وثقافتنا الربنا ميزنا بيها زي ثرواتنا وتنوع مناخاتنا وتربتنا وتنوع معادنا
بالمقارنه مع دول شمال افريقيا المغرب تونس منو الاقرب فينا للسحنات العربيه
العايز اتكلم عنوا ليه نحن ماراضين بهويتنا السودانيه ودايما بنحاول نثبت للعالم اننا عرب. ومامفتخرين بتنوعنا وثقافتنا الربنا ميزنا بيها زي ثرواتنا وتنوع مناخاتنا وتربتنا وتنوع معادنا
بالمقارنه مع دول شمال افريقيا المغرب تونس منو الاقرب فينا للسحنات العربيه
لكن رغم ذلك المغاربه مفتخرين جدا بافريقيتهم. ومورتانيا زينا واحد لكن مفتخرين بافريقيتهم جدا والصومال دوله عربيه. مفترض نؤمن بسودانيتنا وعروبتنا وافريقيتنا ومزيجنا. لانو الفهمتوا مش اللون بس هو البحدد عروبتك زي مادافع البعض بلون البنت والله العظيم لمن غلبتهم الحيله بعضهم قال نحن
في الخرطوم ماكده لونا كلوا فاتح. نحن نعاني بشده من ازمه ثقه في نفوسنا. وتقبل الاخر لنا وده بظهر في كميه الردود لمن واحد ممكن يكون هايف جدا يشكرنا. تلقي الاف الردود والبسمه تعلوا شفاههم. والله مامحتاجين شكر من زول ياناس نفتخر بانفسنا ونحنا افضل منهم بمراحل ومامحتاجين لاي نفاق
جاري تحميل الاقتراحات...