في زمن المظاهر محد يعرف وضع الشخص المادي ولاتخطيطه المستقبلي ولاخلفيته المادية، فيه منا من توفق في ورث او رأس مال يبدأ به حياته او يكون احتياطي لصروف مستقبله و فيه منا من بدأ سلمه الوظيفي براتب يقارب راتب انتهى به آخرون يعني فيه ناس مؤمن لهم مستقبل وعندهم اساس يبنون عليه وناس

يحفرون الصخر عشان يأمنون مستقبلهم او يصنعون لهم مستقبل اجمل فاحتفظوا برايكم لنفسكم بخصوص موديل السيارة اللي يركبها او الساعة اللي تلبسها او الشنطة اللي شايلتها او قيمة هدية زوجها واحترموا اختلاف الظروف لما تقررون تشاركونهم في اي شيء يتطلب مساهمة سواء مناسبة او هدية او طلعة ولا

تطلقون احكام انه يستلم الرقم الفلاني ليه يبخل في كذا وكذا كل واحد له اولويات و قائمة التزامات فما تعرف هذا الرقم كيف قسمه اذا كنت تشوف موديل السيارة مهم فهو يشوف سداد فواتير منزل ابوه اهم و ان كنتي تشوفين اسم الماركة مهم فهي ترا ان المبلغ اللي تستقطعه لامها او اختها او لأحد محتاج

اهم، المال احد اوجه البر و الوصل و الخير مو بس وجه للبرستيج والترفيه اعط كل شيء حقه ، واللي الله منعم عليه حقه يصرف على نفسه وعلى الموديلات الحديثة اللي يعشقها والماركات اللي يحبها ولا لأحد حق يسأله يتمتع بنعمته
ف من باب اولى نحترم ظروف اشخاص لا نعرف عن ظروفهم الا الرقم اللي ينزل

في رصيدهم شهرياً و ننظر لهم من منطلق هالرقم ب سطحية وكأننا نعلم كل زوايا حياتهم واين تذهب اموالهم و نطلق احكام بدون احترام لمشاعرهم
السيارة وسيلة وليست غاية والسكن امان وليس فشخرة واللبس ذوق و حسن اختيار وليس اسم ماركة معينة
و في النهاية انظروا لمعادن الناس و لبهم واتركوا القشور