اول شي بقولة انا مو اخصائية ولا دكتورة فإذا تبون تستشيرون احد يُفضل ان يكون مختص، انا بس حابه اقولكم الاشياء الي استخدمها و فادتني و حبيتها..شكرا🤍.
١. اغسل ويهي مرتين باليوم (الصبح/بليل) الغسول فيه سالاسيلك اسد فيساعد في تخفيف تهيج البشرة، يقشر اول طبقة بس يعني خفيف و عتبر مُطهر و يخفف الاثار.. و فيه witch hazel ينظف البشرة بس بنفس الوقت يرطبها، وايد خفيف و لطيف على البشرة يعني احس ان بشرتي نظيفة بس مو مشدودة و جافة.
٢. احط اسنس (الصبح/بليل) بعد الغسول بأيدي و اطبطب على كل ويهي، و الاسنس (معالج) يختلف عن التونر (اقرو عنه) هذت فيه كمبوجا و هايلارونيك اسيد يعني يساعد في تخفيف الاثار، المسام و يعطي نظارة للبشرة و يحميها و بنفس الوقت يرطبها و يهيئها للمرطب و الصراحة اهو الي احس ان فعلا غير بشرتي
٣. بعد ٥ دقايق (بشرتي راح تمتص الاسنس) فأحط المرطب (الصبح/بليل) و هالمرطب عجيب للبشره الدهنيه حسيت بفرق كبير بالـT-zone الافرازات + المسامات قلت.. و يعطي مات لووك للوجه و فيه witch hazel و خشب الصندل و Andiroba Seed تساعد في تخفيف الاثار او بقع الشمس و تحتوي على فيتامين E,C,A
٤. سيروم تحت العين من ذا اورديناري حلو بتخفيف الهالات لان فيه كافيين بس كترطيب للامانة عادي فساعات اضطر ان استخدم حق لوكسيتان الازرق بعده بس سعره ممتاز و حجمة كبير استخدمه الصبح و بليل
٥. كريم الحماية (اذا بطلع بالشمس بس) عجيب عجيب عجيب و ما حبب ويهي ولا فيه ريحه الحماية المزعجة، قوامة كأن جل و وايد خفيف و خالي من البيرابين و الـMineral oils ولا يعطي لون ابيض للوجه، من كثر ما عجبتي طلبت لي ٣ غيره لان دايماً خالص😌
٦.استخدم هالزيت (بروحه او مع المرطب)بس اذا ابي ترطيب زيادة (نقطتين كافي)بس احطه على كل ويهي، فيه مجموعة زيوت مستخلصة من الفواكة و فيه اوميقا 3,6,9 و خالي من العطور وايد حلو و يعطي قلو للبشرة و احسها مشدودة..
٧. هالزيت وايد احبه و بيفيد البشرات جافه اكثر شي(بس يصلح لكل البشرات) فيه سالاسيلك اسيد، زيت شجره الشاي،زيت بذر الكمون عشان يقشر و يجفف الحبوب و اماكن الاثار و التصبغات و بنفس الوقت فيه بابونج و نيرولي عشان يهدون البشرة و يرطبونها و استخدمة بس على الحبة و الخشم بين فتره و فتره..
٨. اخر شي مرطب الشفايف عجيب عجيب عجيب عجيب ودي الكل يكون عنده من كثر ماهو عجيب يرطب من قلب و ما يدبق كأن قلوس و من غير لون و ريحته على فانيلا🥰
و بس هذي بشرتي من اسبوع من بدايتي بأستخدام بعض المنتجات لاني طالبتهم و في اشياء استخدمتها قبل يعني مو كلهم مره وحده بس بشكل عام وايد راضية بالنتيجة خصوصا ان حاسه بتوتر بسبب الاوضاع و الدراسة..
و اخر و اهم شي لاتخلون اي احد يضغط عليكم بأستخدام منتجات علاجية او تجميلية تفتيح اثار و تصبغات او هالات لان هالشي طبيعي و كلنا مرينا او بنمر فيه و حاولو تتقبلون نفسكم مثل ما انتو لان تحسن بشرتكم و صفائها مراح يغير شخصيتك ولا من شعورك تجاه نفسك و اي شي ممكن يطلع فيها بيدمرك🙏🏼🤍
نسيت اقول نوع بشرتي مختلطة و تتغير بتغير الجو (بالصيف تزيد افرازات الدهون و بالشتا تميل للجفاف) و يطلع لي حبوب بين فتره و فتره على حسب النفسية الاكل و الدورة الشهرية و شكراً🤍
جاري تحميل الاقتراحات...