مجانص قال الستات زي العربيه لو سبتها مفتوحه هتتسرق والحقيقه ده اولا دليل علي جهل لان معظم العربيات الحديثه لايمكن سرقتها بسهوله لان السكيورتي فيها بقي اعلي من زمان كون ان اخر تعامل لك مع عربيه كان توكتوك فدي مشاكلك انت مش مشاكلنا

ثانيا تخيل ان في حاجات ممكن تتسرق من العربيه وهي مقفوله زي المرايات العلامات فرد الكاوتش عادي يعني بس طبعا علشان اللي بيتكلم مش بيفكر ويرتب كلامه ويشغل عقله فبيطلع اي كلام يرضي بيه الكائنات وحيده الخليه اللي بتابعه وبيعجبها كلامه

الحمدلله علي مدار سنين كنا مصاصة ثم حلوى ثم تفاحة وبرتقالة واهو بقينا عربيه وفي كل المرات اللي اتقال فيها كده اصحاب التشبيهات دي ما اخدوش بالهم انهم بيهينوا الرجل قبلنا لانه تحول من انسان عاقل لكائن فاقد الاهليه والعقل تحركه غرائزه فقط فبراڤوا استمروا لحد ما تلغوا كلمه راجل 👍🏻