اللي يضحك إن أغلب - مشاهير - عمان .. وعندي تحفظ كبير على كلمة مشاهير إلا إني أستعملها بنطق مختلف 🤣🏃🏻♂️ .. اللي عندهم متابعين يوصل عددهم لأكثر من ٤٠٠ ألف و ٧٠٠ ألف في بعض الأحيان .. عدد متابعيهم الحقيقي لا أظنه أنه يصل ل ١٠ آلاف كائن بشري في أحسن الأحوال > يتبع
والمبكي إن يتواصل معهم صاحب مشروع صغير عشان يروجوله ويدفع لهم ويصوروله الشاشة إن إعلانهم تمت متابعته من قبل ٣٥٠ ألف شخص .. ويفرح واجد .. ويتشريو من عنده ١٥ شخص .. ٩ منهم ربعه و ٦ شايفين حالة الواتس مال حد من ربعه ال ٩ اللي مشترين من عنده > يتبع
يعني كيف يقنعكم مقدم محتوى فارغ لايتعدى انتشار محتواه ( بعض ) ولايات سلطنة عمان .. وغالبا يكون واتس آب - كبار السن - إن هناك ٧٥٠ ألف شخص في دولة عدد مواطنيها ٣ ملايين مهتمين بمتابعته ؟ > يتبع
وكيف ممكن تقتنع بفارغ المحتوى هذا بمجرد إنك شفت رقم متابعيه الهائل .. وإنت بأبسط طريقة ممكن تاخذ لفة على حسابه وتشوف إن عدد الإعجابات أو المشاهدات لمحتواه لايصل حتى لـ ٢٠٪ من إجمالي متابعيه وهذا لمنشورات مر عليها وقت وحتى ال ٢٠٪ هذي بها نسبة وهمية ليست بسيطة > يتبع
من الحركات الجديدة اللي صار بعض - مشاهير الغفلة - يستعملوها وتأكدت منها ( شخصيا وحتميا ) غير حركة المسابقات والمنشنات المعتادة .. حركة إن نعمل مسابقة بشكل جديد عبارة عن مشاركة لعدد من المشاريع الصغيرة والمتوسطة مثلًا في إطلاق المسابقة والشرط إنك تتابعهم مع متابعتك > يتبع
مع متابعتك لصاحب المسابقة - المشهور - بحيث يعطي صاحب المشروع وعد (( ويحققه )) وهو أن بعد المسابقة هذي بيزيد عدد متابعي حسابك بما لايقل عن ٢٠ ألف وبسعر بسيط جدا بين ٢٠٠ إلى ٥٠٠ ريال فقط !
ويدخل بالمسابقة ١٠ أو ٢٠ مشروع
بمحصلة مبالغ له بين ٢٠٠٠ إلى ١٠ آلاف ريال !! > يتبع
ويدخل بالمسابقة ١٠ أو ٢٠ مشروع
بمحصلة مبالغ له بين ٢٠٠٠ إلى ١٠ آلاف ريال !! > يتبع
طبعًا هو وش بيسوي .. بيطرح المسابقة .. ويتواصل مع منصات بيع المتابعين الوهميين .. يعطيهم الحسابات المشاركة معه ويحدد لهم عدد المتابعين اللي يريدهم لكل حساب .. ويدفع لهم بحيث إن الموضوع مايكلفه حتى ٣٪ من المبالغ اللي حوشهن من المساكين أصحاب المشاريع .. وهم يفرحو > يتبع
لما يشوفو أرقام المتابعات عندهم تزيد وتزيد وتتعدى العشرين والثلاثين ألف .. بس ماينتبهو إن ٩٩٪ من الحسابات اللي تتابعهم وهمية !!! وإنهم واقعين بعملية نصب وسرقة بشكل مضحك جدا !!
ملاحظة : النسب من كيسي بس أثق بكيسي أكثر من كثير من الدراسات الحديثة المثبتة علميا
ملاحظة ٢ : إن كنت صاحب مشروع كن حذر جدا لأن فيه كثار بيحاولو يتغانيو من حاجتك ويزيدوك تعاسة
ملاحظة ٣ : عندي كلام أكثر من كذا بس المشكلة بارض إني أكتب أكثر خلص بنص حماسي لطرح السالفة
وكذا بس والله
ملاحظة ٢ : إن كنت صاحب مشروع كن حذر جدا لأن فيه كثار بيحاولو يتغانيو من حاجتك ويزيدوك تعاسة
ملاحظة ٣ : عندي كلام أكثر من كذا بس المشكلة بارض إني أكتب أكثر خلص بنص حماسي لطرح السالفة
وكذا بس والله
جاري تحميل الاقتراحات...