إمبارح قاريت تصريح غريب من فرانك لامبارد مدرب تشيلسي بيقول فيه أن "تشيلسي هيقدروا يحلوا مشاكلهم في الكور الثابته لو اتعاقدوا مع لاعبين أصحاب أطوال أو قامات عاليه"..
ولكن انا عندي رأي مختلف عن رأي فرانك لامبارد، وهو أن مشاكل تشيلسي في الكرات الثابته موجوده بشكل أساسي بسبب التنظيم الدفاعي للفريق في الكرات الثابته اكتر من ماهي موجوده بسبب قامات اللاعيبه وده اللي هنحاول نوضحه بالحالات دي..!
هنا من ماتش السيتي وتشيلسي، ضربة ركنيه لمانشستر سيتي وتشيلسي بيدافعوا فيها بنظام الـMan to Man ولكن شوف هنا في مساحه كبيره موجوده بدون أي رقابه من لاعبي تشيلسي بالإضافة لعدم وجود أي لاعب من تشيلسي بيراقب لاعب السيتي الموجود على حدود منطقة الجزاء..
وكانت النتيجه أن الركنيه اتلعبت في المساحه الفاضيه داخل منطقة الجزاء للاعب السيتي اللي واقف على حدود المنطقه من غير أي رقابه ونجح فعلاً أنه يوصلها ويشكل خطوره على مرمى تشيلسي..
والسؤال هنا هل فشل تشيلسي في التعامل مع الركنيه دي بسبب قامات او أطوال اللاعبين؟!!
من ماتش ليفربول ضربه ركنيه لليفربول وتشيلسي المرادي غيروا نظامهم الدفاعي لنظام الـzonal marking، ولكن كان في مساحه كبيره فاضيه جوا منطقة الجزاء، اتمركز فيها فينالدوم بشكل جيد علشان يستغلها، في نفس الوقت اللي ماكنش فيه أي رقابه من مدافعين تشيلسي للمنطقه..
وكانت النتيجه أن فينالدوم استغل المساحه الفاضيه داخل منطقة جزاء تشيلسي أثناء الركنيه وشكل منها خطوره على مرماهم.
والسؤال هنا هل فشل تشيلسي في التعامل مع الركنيه دي بسبب قامات او أطوال اللاعبين؟!!
هنا من ماتش تشيلسي قصاد مانشستر يونايتد، ركنيه لمانشستر يونايتد وتشيلسي بيدافعوا بنظام الـSemi-Zonal، وهنا بنشوف مساحه كبيره خاليه من لاعبي تشيلسي جوا منطقة جزائهم، وفي نفس الوقت بنشوف ماكتوميناي لاعب اليونايتد بدون أي رقابه..
وكانت النتيجه ان الركنيه اتلعبت في المساحه الفاضيه لماكتوميناي وقدر انه يوصل للكوره ويشكل خطوره على مرمى تشيلسي.
والسؤال هنا هل فشل تشيلسي في التعامل مع الركنيه دي بسبب قامات اوأطوال اللاعيبه؟!!
والسؤال هنا هل فشل تشيلسي في التعامل مع الركنيه دي بسبب قامات اوأطوال اللاعيبه؟!!
تشيلسي كان الـSet-Up بتاعهم 6-2..
٦ لاعيبه بيدافعوا عن المنطقه في خط واحد، و٢ لاعيبه بيعملوا Blocks للاعيبة السيتي اللي جايين من تحت..
و لما بتدافع بـ6-2 بيكون خط دفاعك مش عريض وبالتالي بتضطر تقرب لاعيبتك من بعض بشكل كبير عشان تقلل المسافات البينيه..
٦ لاعيبه بيدافعوا عن المنطقه في خط واحد، و٢ لاعيبه بيعملوا Blocks للاعيبة السيتي اللي جايين من تحت..
و لما بتدافع بـ6-2 بيكون خط دفاعك مش عريض وبالتالي بتضطر تقرب لاعيبتك من بعض بشكل كبير عشان تقلل المسافات البينيه..
وده بينتج عنه تكدس لاعيبتك بشكل كبير في منطقة العمق وتفريغ المناطق اللي بتدافع فيها عن القائمين الأول والأخير..
-وعند تنفيذ الكره الثابته وفي عز الوقت اللي كل مدافعين تشيلسي مركزين فيه بشكل كبير على حماية عمق منطقة الجزاء، قرر فيرناندينو انه يتحرك من أسفل منطقة الجزاء في اتجاه القايم الأول اللي هو واحد من المناطق اللي هيصعب على دفاع تشيلسي تغطيته..
وكمان اللي ساعده في كده هو تمركزه الذكي من البدايه، اللي خلاه يجي من الـblind side او المنطقه العاميه لباركلي مدافع تشيلسي عن القايم الأول، وده اللي بيصعب من مهمة باركلي لأنه ماكنش شايفه وهو جاي من وراه أساساً..
-وشوف هنا لما اتلعبت الكره الثابته على القايم الأول قدر فعلاً فيرناندينو انه يوصلها قبل الجميع بدون أي مراقبه ولا مضايقه، وكان قاب قوسين أو أدنى من تسجيل هدف لمانشستر سيتي لولا تألق كيبا وتصديه للكوره..
بعد ماوضحنا كل الحالات دي أعتقد أنه واضح جداً لكل الناس بأن مشكلة تشيلسي في الكرات الثابته ليست مشكلة قامات لاعبين..
خصوصاً وان كل الحالات (بإستثناء الحاله الأخيره) كان ارتفاع الكوره فيها منخفض يعني مش محتاج لأطوال أو قامات عاليه أساساً ولكنه محتاج لتنظيم دفاعي جيد ولاعبين أذكيا في فهم وادراك المساحات وتحركات لاعبي الخصم أثناء تنفيذ الكرات الثابته..
إنتهى.
إنتهى.
جاري تحميل الاقتراحات...