🔴منحة بروناي المميزة جدا 🔴
تكلمنا في ثريد سابق عن المنحة اليابانية , الليلة حنواصل منح الدول الاسيوية ونتكلم عن المنحة المميزة والشهيرة لدولة بروناي البقت مؤخرا مكان مفضل للطلاب في اسيا وافريقيا .
تكلمنا في ثريد سابق عن المنحة اليابانية , الليلة حنواصل منح الدول الاسيوية ونتكلم عن المنحة المميزة والشهيرة لدولة بروناي البقت مؤخرا مكان مفضل للطلاب في اسيا وافريقيا .
بروناي دولة مسلمة مساحتها صغيرة جدا موجودة في جزيرة بورنيو جنوب شرق اسيا , وعدد سكانها أقل من نص مليون بس
المفاجأة انو بروناي اقتصادها قوي جدا وتعتبر خامس دولة في ترتيب الناتج القومي الاجمالي او ال GDP حسب التعداد السكاني
وجدير بالذكر انو دولار بروناي اللي هو العملة بتاعت البلد بساوي 0.72 دولار امريكي , ومستوى الرفاهية فيها من الاعلى في اسيا خصوصا وانو دخل الفرد فيها اكتر من 50 الف دولار
من أشهر المعالم في بروناي هو مسجد السلطان عمر علي سيف الدين , واحد من أجمل المساجد في كل آسيا
97% من سكان بروناي متعلمين والبلد فيها 6 جامعات , عدد جامعات مناسب نسبة مقارنة السكان الاقل من نص مليون , أشهر الجامعات دي جامعة بروناي دار السلام البتحتل المركز 400 عالميا وال 60 على مستوى اسيا
المنحة الدراسية البتقدمها دولة بروناي شاملة بكل ما تعنيه الكلمة من معنى , تذاكر الطيران ذهاب وعودة من والى السودان بتتكفل بيها المنحة اضافة لراتب مميز جدا 500 دولار بروناي اللي بيعادل 358 دولار امريكي
المنحة بتشمل فئة جديدة ما كانت موجودة في المنح الفاتت وهي مرحلة الدبلوم مراحل الدبلوم والبكالريوس والماجستير موجودة بس ما في دكتوراه
اضافة لل 385 دولار البياخدها الطالب كراتب برضو بيدوك 107 دولار شهريا بدل طعام و 430 دولار سنويا بدل كتب ومستلزمات دراسة , بدون ما ننسى الاقامة المجانية والتامين الصحي الشامل طوال فترة الدراسة
باختصار الطالب بكون اكترمن مكتفي ماليا وكل احتياجاتو متوفرة وزيادة وما بيضطر اصلا يشتغل شغل بدوام جزئي أو يجيب معاهو اي قروش اضافية لانو المنحة موفرة ليهو اي شي حرفيا
نجي لكيفية التقديم , كل المطلوب منك انك تملا فورم اونلاين , بس في شرط مهم جدا وهو انك لازم توثق كل مستنداتك في وزارة الخارجية اضافة لانو مفروض تقدم تقرير امني بيثبت خلو سجلك من اي جرائم سابقة
الاعلان عن منحة بروناي من قبل الحكومة بكون غالبا في شهر 12 , جهزو مستنداتكم وخليكم جاهزين واشتغلو على ال CV بتاعكم في الفترة دي عشان تزيدو فرص قبولكم
بالنسبه لشرط العمر يجب ان يكون عمر الطالب بين 18 و25 سنة لدراسة المرحلة الجامعية (بكالوريوس) وألا يتجاوز عمره 35 سنة لدراسة الماجستير
رابط التقديم الجديد بيظهر مع موعد الاعلان
رابط التقديم الجديد بيظهر مع موعد الاعلان
جاري تحميل الاقتراحات...