ثريد سالفه الملفات والاسرار العائليه.
اليوم لقيت مفاتيح في المخزن المفاتيح شكلها غريب بس احس اني شايفها رحت لكل دواليب البيت المقفله دولاب دولاب لين انفتح دولاب من دواليب غرفه امي وما لقيت فيه الا اقمشه قديمه وابر ومكرات خياطه بس لقيت مفتاح يشبه الي لقيته وتذكرت ان الدواليب مرقمه والمفاتيح مرقمه بعد قلت بستقعد لهم..
استقعد لهم لين اطلع الحقيقه والسر المخفي لقيت الرقم على الدولاب ونفس الرقم حق المفتاح قلت بس لقيت الحقيقه وفتحت الدولاب لقيت ملفات حرفياً ملفات كثيررررر وفتحتهم واحد واحد والي خق مدرسه الي حق بيت والي حق زواج والي فيه فواتير وفرغت الدولاب لين لقيت مفتاح ثاني حسيت خلاص السر حقنا
لقيت المفتاح وطلع حق دولاب ملابس ابوي الضايع...
ورحت افتش في غرفه امي ولقيت فوق دولاب الملابس مفاتح قلت بس وجدنا الحل بس المفتاح شكله غريب وقعدت افكر هذا مفتاح ايش
طلع مفتاح صندوق في المستودع (ابوي قال لي) رحت للمستودع لقيت وداليب وصناديق اول مره اشوفها قلت ليش ما دريت عنها
قالت لبوي اي صندوق فيهم قال مدري قلت توكلنا على الله نفتحهم كلهم لين نلاقيه فتحتهم واحد واحد تخيلو فيه اشرطه اعراس واغاني وراديو لين وصلت لصندوق حديد اخضر كان مقفل بقفلين واحد معي وواحد ما ندري وينه قلت لبوي تعرف وينه قال ممكن
اخواني قامو يفتشون ملابسهم القديمه والعابهم واختي لقت مفتاح فوق رف من الرفوف
لقو يو اس بي من الفين وحطبه وقامو يفتشونه وطلعت فيه صور قاتله للحياه (الي هي صوري) تركتهم ورحت افتش الصناديق ولقيت شنطه دبلوماسيه( مدري اذا كتبتاه صح المهم انها هاذيك المستطيله) ومكتوب عليها رقم وطلع الرقم رقم السر حقها وفتحتها لقيت اوراق وفيها مفكات ليش مدري
وكان فيها مخطط البيت ولقيت فيه غرفه زايده قلت بس هاذي غرفه فيه الاسرار والخفاياء واهلي مسكرينها عشان ما نكتشف السر طلع ابوي وسع الصاله وكنسل الغرفه ذي وتحطمت امالي في اني اكتشف السر المخفي
قلت خلاص لابوه سر كملت تفتيش في الصناديق ولقيت شنطه فيها مكياج وملابس قديمه فجاه جاني ابوي بعلبه فيها مفاتيح كثيرهههه قال دور فيها يمكن تلاقي شي ورحت لصندوق ما قدرنا نفكه في البدايه وانفتح قلت بس بنكمل التحريات
وفتحته ولقيت مفتاح مكتوب عليه (مكتوب بزي الحام) درج ٣ بعدها قمت ادور وين درج ٣ قالت امي ذا المفتاح حق المطبخ الي في السطح رحت للمطبخ وانا فيني ام الركب والاقي من دلال ومن مباخر ومن فساتين وملابس (هذا كل قبل ادخل للمطبخ) دخلت لقيته مقفل والمفتاح اصغر منه كملت تفيتش....
كملت تفتيش في الرفوف وجيت بنزل ونسيت اشياء بوريها اهلي رجعت اخذتها ورحت وريتها اهلي وتحسبوني خلصت لا لا حبايبي رحت اخذت علبه المفاتيح وجربت كل مفتاح لين فتح
ورحت لكل الوادليب الا الثالث اخرتها طلع الباب مخلوع وامي تبي ابوي يصلحه وعطته المفتاح عشان يطبع عليه بس نساه وامي نسته وانا تشرشحت عشان الغز الي ليتني ما فتشت فيه
ورحت ارجع الاغراض مكانها وخلصت رجعت لقيت ابوي مطلع ثوبه وبشته وكبكه حق زواجه وحسس كييوتتتتتت خلاص هذا لغزي الي حليته
جاري تحميل الاقتراحات...