رتبها

في موضوع مهم عايز اتكلم فيه بصراحة النهارده ويارب ما يتفهم غلط ،،
من فترة كده عام ٢٠٠٧ بدأت وزارة التعليم بمساعدة القوات المسلحة في بناء قرية تعليمية اسمها القرية الكونية على مساحة ١٩٠ فدان وبتكلفة تقارب ٤٠٠ مليون جنيه (الكلام ده من ١٣ سنة) وكان مقدر لها مكاسب ٣٠ مليون سنويا .

ايه هي القرية الكونية دي ؟
أهرامات الجيزة وقلعة صلاح الدين الأيوبى وقلعة قايتباى ومعالم أسوان والأقصر وغيرها من معالم محافظات مصر كلها مجتمعة في مكان واحد على هيئة مجسمات في مكان واحد على طريق الفيوم بمدينة ٦ اكتوبر بالجيزة .
تقدروا تقولوا ( مصر مصغرة ) في قرية واحدة .

قرية نموذجية علمية وترفيهية وسياحية وهي عبارة عن مجسمات مصغرة لكل المعالم بنسبة ٨ الى ١ ومعظم المعالم المصرية القديمة مثل معبد ابيدوس ودندرة وحتشبسوت وادفو و فيلة .
مش بس كده .د

دي كمان تضم منطقة الدلتا والسد العالي وجبال البحر الاحمر وكثبان جبال سيناء وتضم القرية ايضا كهوف مائية توضح حياة الانسان البدائي وتضم معامل حديثة ومكتبة الكترونية كبيرة و ٣ فنادق لكل صف دراسي لاقامة الطلاب المغتربين من المحافظات الاخرى .
.

تم افتتاح القرية بالفعل سنة ٢٠١١ وتم بدأ العمل بها وبدات تستقبل بالفعل رحلات سياحية وتعليمية كتير جدا والقرية تضم ايضا قاعة دائرية لعرض الافلام الوثائقية والتعليمية والدراسات الفلكية من خلال نظرة كونية حديثة لرؤية الكواكب والنجوم وتحركاتها .
.

القرية فعلا جميلة بشكل صعب حد يتخيله .
لكن سنة ٢٠١٥ للأسف القرية كانت على موعد مع حادث وهو غرق استاذ جامعي هو المهندس محمد ادريس اثناء محاولته لإنقاذ ابنه من الغرق بعد سقوطه في الماء ولهذا الحادث قرر جهاز المشروعات الوطنية التابع للقوات المسلحة بإغلاق القرية .
.

الى اليوم القرية مغلقة !!
انا حقيقي مستغرب جدا ، حصل خطأ ، الصح هو معالجة الخطأ وزيادة اساليب السلامة والأمان داخل القرية وفتحها مرة أخرى والاستفادة منها بدل من اهدار كل هذه الملايين وعدم الإستفادة منها في وقت مصر تحتاج لكل مصدر اقتصادي.
اتمنى معالجة الخطأ وافتتاح القرية .