١_السلام عليكم أنا أمامة عمري ١٩ سنة بقرا صيدلة في السنة تانية المهم قصتي مع النقاب أنا طبعا كنت بت عادية جدا بلبس بناطلين وهدوم عادية يعني السبب كلو في نقابي بعد ربنا هم صحباتي من الثانوي ربنا يجزيهم خير هم منقبات وانا كنت الكلمة الشاذة بينهم بس هم كانو مستمرين في صحبتهم معاي
٢_لانو كانو مصرّين يخلوني ألتزم 💜💜حتي أم واحدة منهم كانت قالت لي حاجة جميلة جدا عمري ما أنساها قالت لي ي أمامة أنا خليت بتي تقوي علاقتها بيك عشان عارفاك فيك بذرة الخير وإني عارفة إنك حتلتزمي في يوم هم كانو بيحاولو معاي من أولى ثانوي وفي الأول اقتنعت بس ما للنهاية يعني حسيت إنو
٣_في حاجة لسه مخلياني ما مقتنعة للنهاية وكنت خايفة من القرار لانو عارفة الموضوع تبعاتو كتيرة يعني عشان كده حبيت افكر كويس+ انو كنت حاسة اني لسه صغيرة يعني وقراري ممكن ما اثبت عليهو لاحقا قمت لغيت الفكرة تماما وتاني ما فكرت في الموضوع ده إلا في تالتة ثانوي فكرت في الموضوع فجأة كده
٤_بليل أنا عايزة أنوم قلت لي أختي انا عايزة أتنقب وألتزم الحياة أقصر من إنو نعديها ذنوب وغلط ولبس ما محتشم وذنوب كتيرة بكرة نموت ونندم علي كل غلط كنا بنعملو💔 المهم قررت إنو أنفذ الفكرة سريع عشان ما اغير رأيي وكلمت أمي وعجبتها الفكرة شديد وأبوي قال لي ده قرارك وانتي حرة فيهو
٥_ انتي زولة كبيرة وعارفة نفسك بتعملي في شنو أنا ما بتدخل في حريتك لكن ما تلبسيهو بدون قناعة وتجي تفكيهو بعد كم شهر قلت لي لا أنا واثقة من قراري 😊وكان بداية السنة حتى ما كنت اشتريت زي المدرسة المهم مشيت ما اشتريت الزي طبعا اشتريت قماش وفصلت العباية حقة المدرسة وصحباتي جابو لي
٦_النقابات وطوالي في خلال أسبوع إنا كنت إتنقبت الراحة الحسيت بيها وأنا لابسة النقاب وأنا في أول يوم ماشة فيهو المدرسة عمري ما حسيت بيها كنت حاسة اني طايرة من الفرح كان يوم ٢٠١٧/٨/٢٠ طبعا كانت في تشغيلات وكلام الناس في للمدرسة وفي الأهل كان كتير شديد(إتنقبتي لي، إنتي لسه صغيرة ،
٧_ يعني انتي حسي ما حتفكي لمن تخشي الجامعة) لكن بس كنت بضحك وبمشيها الحمد الله الثبات من ربنا وأنا قناعتي الشخصية في مقولة إنو النقاب دافع ما عائق مختلفة النقاب ممكن عائق في حاجات كتيرة غلط أنا ممكن اعملها وما أهتم النقاب بيديني مسؤؤلية قبل ما اتصرف اي تصرف لازم اعمل حسابو
٨_ في الأول والآخر في كل قراراتي حتى بتذكر واحدة من نسوان أهلنا كان إتناقشت معاي في الموضوع من ناحية الدين قلت ليها انا والله لمن فكرت فيهو ما فكرت في إنو فرض ولا لا لانو الكلام فيهو كتير وما بيخلص قلت ليها انا والله لمن اتنقبت عشان هو البخليني اعمل حاجات كتيرة صح ما كنت أفكر
٩_ في لحظة أعملها يعني هو الطريق الأسهل للالتزام بالنسبة لي يعني حالياً أنا ما شيخة ولا متفقهة في الدين ولا حافظة القرآن لكن بتمنى في يوم إني أكون كده وربنا يساعدني على الحاجة بإذن الله إضافة إنو أخلص جامعتي بنتيجة كويسة إذا ربنا أراد وأتخرج وأحضر الماجستير والدكتوراه في مجالي
١٠_ وأشتغل في شركة دوائية كبيرة بس دي هي كل طموحاتي في الحياة لقدام وبس أخيرا لأي بت حاسة انو هي ما راضية عن لبسها حاسة إنو ده غلط إستخيري وغيري حياتك من بدري كده" بيقولو الموت ما بينتظر إستقامتك إستقم إنت وانتظر الموت" غيري نفسك وفكري كويس وأحسبي الموضوع من كل النواحي وإلتزمي
١١_خليك عارفة إنو ربنا هو البيختار ليك للهداية يعني ربنا هو البيسرها ليك ربنا قال في سورة الحج الآية ١٦ "وكذلك أنزلناه آيات بينات وأن الله يهدي من يريد " وفي سورة المائدة كمان الآية ١٦ " يَهدي به الله من إتبع رضوانه سبل السلم ويخرجهم من الظلمات إلى النور ويهديهم إلي صراط مستقيم"
١٢_عشان كده دايماً ندعي إنو ربنا يهدينا جميعا إلى الطريق القويم 💜 أهم نقطة عايزة أوضحها إنو انا ما ملاك وبغلط كتير بس دايما بتمنى ربنا يهديني وأكون إنسانة صالحة من كل النواحي قبل ما أموت 💜 اللهم ي مقلب القلوب ثبت قلوبنا على دينك 💜
١٣_أخيرا عايزة أقول إنو النقاب أجمل حاجة حصلت لي في حياتي ولمن تضوقي حلاوة الستر حتلقيها أجمل بكتير من البناطلين الضيقة والفساتين والله مهما تكون حلوة💜💜
بس مع إني ما بحب الكلام الكتير 😂😂بس جات كده ي ريت ما تزهجو وتقرو كلو وبس دي هي قصتي مع النقاب 🤷🏻♀️💜
#النقاب_دافع_ما_عائق
بس مع إني ما بحب الكلام الكتير 😂😂بس جات كده ي ريت ما تزهجو وتقرو كلو وبس دي هي قصتي مع النقاب 🤷🏻♀️💜
#النقاب_دافع_ما_عائق
جاري تحميل الاقتراحات...