التصنيف العالمي(بحسب معدل دخل الفرد)للبنك الدولي صدر اليوم، ولأول مرة منذ عشرات السنوات يعتبر السودان رسمياً دولة منخفضة الدخل low income country، بعد أن كان يعتبر دولة متوسط الدخل (الشريحة الدنيا) low middle income country. بينما حدث العكس في دول أخرى مثل بنين وموريشوس وتنزانيا!
تقريباً دي معلومة أي زول ممكن يكون عارفها وحاسي بيها، لكن بس أنا بقول الكلام دا عشان الناس تتذكر هشاشة الوضع الاقتصادي، وأنه البلد دي عادي زي ما نزلت في التصنيف دا ممكن تنزل تاني وممكن يحصل فيها حروب ونزاعات زي ما باقي البلدان، عادي يعنى!
ومن ناحية تانية برضو، حقو نتواضع شوية ونعترف أننا كبلد وكشعب ناس تعبانين في المؤهلات وفِي القدرات وفِي الانجازات. ونقعد في الواطة شوية ونشتغل على نفسنا عسى ولعل ربنا يكرمنا ووضعنا يتحسن. أنا دائماً بكرر كلام قاله لي صديق عزيز مشى مصر وسكن فيها مدة ما بسيطة واشتغل بزنس في البلدين
واتعامل مع الجهات الحكومية والقطاع الخاص في البلدين، كان بقول لي "يا خالد مصر دي لو وقفت في محلها دا ولا اتحركت، ونحن جرينا بكرعينا ويدينا، ما حنحصلها ولو بعد سبعين سنة!". قد يكون كلام صاحبي دا قاسي شوية ولا فيه تضخيم، لكن الحقيقة الفيه والمفروض ما ننكرنا أننا شعب وحكومة تعبانين
ومحتاجين نشتغل على نفسنا كثير.
معلومة جانبية غير مهمة: أنا بكتب الكلام دا الساعة ٢ صباحاً عشان الاستاذ فارس رافض ينوم وعايز يبرمج في الليل الطويل دا، ولا حول ولا قوة إلا بالله بس!
معلومة جانبية غير مهمة: أنا بكتب الكلام دا الساعة ٢ صباحاً عشان الاستاذ فارس رافض ينوم وعايز يبرمج في الليل الطويل دا، ولا حول ولا قوة إلا بالله بس!
@hassanAlnaser95 على سبيل المثال الكوريين لمن كانوا شغالين على بناء القدرات بدو من قراية السوق الاقتصادي وطبيعة المهارات المحتاجة ليها الاقتصاد في مراحل تطوره المختلفة. ففي السبعينات ركزوا على التعليم الابتدائي والفني وبقت أغلب الشركات والوظائف المطروحة مرتبطة بالمستوي دا من التعليم
@hassanAlnaser95 لمن اتأكدوا أنه السوق الاقتصادي "امتص" القدرات السابقة، قاموا في الثمانينات ركزوا على التعليم الجامعي والمهاري بنفس الآلية، ثم في التسعينات ركزوا على برامج ما بعد الجامعة المهنية. الخطة دي أثمرت جهودها في بدايات الألفينات لمن بقت كورويا عندها أفضل المهندسين والفنيين عالمياً،وهكذا
جاري تحميل الاقتراحات...