تعليق لأختي الكبيرة قبيل خلاني ألاحظ لحاجه في طبيعتي النفسية، وده برضو كان بفضل قرايتي قبيل لدفاع لعبدالله جعفر عن ان التوحد autism ما مرض.
أنا في صغري ولحدي بعد الجامعة بكتير كان ممكن يتقال علي متوحد autistic لدرجة ما، بتذكر مدى التوتر الكان بصيبني من الاضطرار لشيل الفاتحة
أنا في صغري ولحدي بعد الجامعة بكتير كان ممكن يتقال علي متوحد autistic لدرجة ما، بتذكر مدى التوتر الكان بصيبني من الاضطرار لشيل الفاتحة
مع زول (بروح مني الكلام المفروض يتقال فعادي ممكن اقول مبروك مثلا🤣) أو عدم فهمي للسخرية مني او مطاعنتي لاني بفهم الكلام حرفيا بطريقة كاريكتورية، وسلوكي الهوسي OCD بتاع افط بلاطة وامشي في بلاطة او ما افط ولا حلقة بايخة في مسلسل بحضر فيهو (لحدي أسي بعملها للأسف 🙈).
يلا التوحد هو طيف من الخلل الممكن يكون خفيف أو شديد، بتميز أكتر حاجه بالبطء في نمو مهارات التواصل والذكاء الاجتماعي مع سلوك هوسي واحيانا قدرات تركيز عالية في مجالات ضيقة بعينها، وفي العصر ده بكون بعض المصابين من النوع الخفيف ده High Functioning Autism
عندهم ميزة انو ينجحوا كنيردات nerds بالمجتمع البتطلب سلوك مرضي زي ده للنجاح بالتكنولوجيا والعلوم 🤣
العايز اقولو انو في صفة كعبة فيني كنت مدرك انها جاية من الحته دي وبحاول اشتغل عليها لكن بتفلت مني مرات؛ بخلصها موقف كنت فيه مع د/ناهد الحسن وغشينا عيادة بروف كبير استاذ ليها
العايز اقولو انو في صفة كعبة فيني كنت مدرك انها جاية من الحته دي وبحاول اشتغل عليها لكن بتفلت مني مرات؛ بخلصها موقف كنت فيه مع د/ناهد الحسن وغشينا عيادة بروف كبير استاذ ليها
لموضوع بخصها وانا كنت مرافق ساي يعني، المهم في نقاشهم مع بعض، البروف جاب سيرة كلام قديم حول نصفي الدماغ وتأثيرهم السايكولوجي او حاجه زي دي، بتذكر لما طلعنا ناهد قالت لي: "انا قعدت اقول في سري، لأ لأ يا بروف ما تغلط قدامو🤣"، لأنو قعدت أغالطو وأوضح انو ده كلام قديم
والصاح اسي شنو🙈 ده ببساطة سلوك جاي من التوحد لانو ما كنت بقدر اشوف الابعاد الاجتماعية والنفسية لتصرف زي ده! بالنسبة لي كان كل الفي مجال شوفي انو في معلومة محتاجة تصليح، لكن ما انتبهت لاني كنت وغد rude لأن المكان والزمان ما صحيحات ولا الموضوع مهم،
فما كنت بشوف السياق الاجتماعي ده كلو، ومن ثم بظهر بمظهر المتعالم/المتكبر/الوغد مع انو في مشاعري بكون بس في حماس للعلم نفسه دون أي أحكام على الزول البتكلم معاه وبكون سعيد جدا لما زول يصححني ويديني معلومة جديدة موش علشان متواضع وانما علشان عيان حرفيا 🤣
ولحدي أسي بتظهر الحاجه دي لما أصلح اصحابي في الاملاء والقواعد او تفلت مني مرات واندفع في نوبة شرح🙈
يلا الحاجه الانتبهت ليها أسي هو تفسير لحاجه تانية كعبة فيني قد تكون جاية من نفس الحته، انو مرات بتمر علي نوبة غضب عارمة تجاه تصرف بسيط trivial لمن قلبي يدق بشدة من الغضب!
يلا الحاجه الانتبهت ليها أسي هو تفسير لحاجه تانية كعبة فيني قد تكون جاية من نفس الحته، انو مرات بتمر علي نوبة غضب عارمة تجاه تصرف بسيط trivial لمن قلبي يدق بشدة من الغضب!
مرات من حوار في الانترنت ومرات في الواقع أثناء الشغل، مع اني في العادة مسالم جدا وبالي طويل لدرجة معقولة (عمري ما اتشاكلت مع زول في حياتي شكلة عديل فيزيائية 🤣)، فكنت بقول ده غضب مكبوت من طفولتي ولا حاجه من النوع ده، لكن ده بتعارض مع طبيعتي الهادئة بأغلب الاوقات.
المهم اسي انتبهت انو المتوحدين autistics عندهم مرات نوبات غضب عارمة من تفاهات صغيرة ممكن يكسروا فيها الحاجات من غير أدنى تحكم بروحهم! فلربما البحصل لي ده هو امتداد لبقايا توحدي القديم اكتر منو حيل من اللاوعي الطفولي بتاعي!
عموماالتأمل في الذات ممتع،و دي فرصةاطلب من الناس تعفي لي لماامغسها بتصليحات او لما اكونbluntمعاها من دون قصد،او لما تاخدني غضبةمضرية فأبلك من طرف او اشتد في الكلام 🙈 ارحمونا نحن النيردات المساكين ذوي لعنة التوحد المفيدة بهذا العصر المجنون 😁
وشكرا للواصل القراية لكل البري ده ♥️
وشكرا للواصل القراية لكل البري ده ♥️
جاري تحميل الاقتراحات...