بسم الله نبدأ نتكلم عن الاجراءات و الادوات اللي يحتاج يقوم فيها المستثمر و المقصود هنا ملاك المطاعم و الكوفيهات و ما شابهها. يختلف المستثمر عن المستهلك انه عليه تكاليف ثابته عاليه بالمقارنه بالمستهلك و اللي يحتاج فيها الى مستوى مبيعات معين ليحقق هامش ارباح من ١٠ الى٢٥٪من رأس ماله
تأثير قيمة #الضريبة_المضافة_الجديدة على المستثمر في هذا القطاع راح يكون على شكل انخفاض في المبيعات بمتوسط ٢٠٪ تقريبا يقل او يزيد حسب الفئة اللي يعمل فيها المطعم او الكوفي. الانخفاض هذا بالاضافه للانخفاض الناتج عن ازمة #كورونا وهذا مما يزيد الاعباء و يدخل المستثمرين بخساير..يتبع
لذلك يجب على كل مستثمر ان يراجع حجم تكاليفه الثابته و يقلص منها. و يراجع مستوى راس المال و يعمل على تخفيضه. و الضغط العام على السوق راح يخلق مرونه في الخيارات بالرغم من صعوبة الازمه.
راح اطرح كل جزئيه من الادوات للتعامل مع الظروف الراهنه لحالها و اضرب عليها الامثله لشرح طريقة التطبيق. اولا: يجب تخفيض رأس المال التشغيلي و اللي راح يساعد على توفير كاش احتياطي و حماية جزء من راس مالك من الخساره لا قدر الله. كيف يتم التقليص؟ ...يتبع
يتم تقليص رأس المال التشغيلي عن طريق تغيير نظام دفع الاجارات من سنوي الى ثلاث شهور او حتى شهري. هذا يتم عن طريق مفاوضة مالك العقار و اللي راح يفضل تقديم التسهيلات حاليا على التخفيض. لكن يجب المفاوضة على الاثنين معا و راح اطرح هنا مثال على طرق ناجحه... يتبع
لنفرض الاجار ١٠٠ الف ريال في السنه و هذا متوسط اجر مطعم في موقع جيد تقريبا. اولا: تفاوض مع المالك انك تغير طريقة الدفع الى كل ٣ شهور. هذا راح يخفض من رأس مالك التشغيلي يقدر ٧٥ الف ريال. الان عندك ايضا خيار ثاني و هو انك تطلب تخفيض سعر الاجار الى ٨٠ الف في حال يرغب المالك بسيولة..
افضل سياسة هي تثمين اللي انت جالس تقدمه لصاحب العقار من دخل موثوق و ثابت و المحافظه على المستاجرين راح تكون من اولويات الملاك في الفتره الحاليه بسبب الانكماش المقبلين عليه و قلة احتمالية وجود مستاجر بديل لان من يريد الان ان يستثمر و يخاطر. لذلك اطلب تخفيض على اساس سنوي...يتبع
او اطلب الدفع الشهري او ٣ شهور كحد اقصى لتقليص راس مالك. في هذي الحاله راح تجد انك يا وفرت جزء من التكاليف الفعليه عن طريق تخفيظ الاجار او انك وفرت جزء من راس المال عن طريق الدفع على فترات اقل. الخيار الاول يقلل التكاليف و الخيار الثاني راح يعطيك مرونه ماليه و يخفض راس المال.يتبع
و لا ينس اي مستثمر ان الحكومه فعلت نفس الشيءمن خلال خفض العقود الايجارية لكل الدوائر الحكوميه في المباني المستأجرة بما لا يقل عن ٢٠٪ و هذا في اطار سعيهم لتخفيض مستوى الانفاق العام في اي جهات غير استثماريه،، التخفيض الاسى الان مركز على التكاليف و الاستثمارات لا زالت مستمره..يتبع
ثانيا: تخفيض التكاليف الثابته بالطرق الثابته: ١- خفض الرواتب ٢- تسريح جزء من الموظفين بما يتناسب مع حجم الطلب الحالي. و كل طريقه لها ميزه و سلبيه. الطريقه الاولى تتم عن طريق اقناع الموظفين بأن تخفيض رواتبهم اجراء وقتي يحمي ان يكون اي واحد من عرضه يخسر وظيفته بالكامل...يتبع
و يجب تقديم عروض تعويضيه مثل نسبه من الارباح يتم توزيعها في حال تم تحقيق الارباح بحيث تكسب ولاء الموظفين و تقديرهم. السلبية اللي ممكن تنتج من هذا الشيء هو قلة الانتاجيه او الجوده بسبب ضعف الحافز عن الموظف. الطريقه الثانيه و هي تسريح جزء من الموظفين بما يتناسب مع الحاجه... يتبع
مع اعطاء الموظفين اللي تم تسريحهم الاولوية في التوظيف متى ما رجعت الامور الى مجراها. هذا الحال قاسي و لكن قد يكون ضروري حتى تضمن نجاة البقية. سلبية القرار هذا تكمن في زيادة الضغط على البقية مما قد يخل بالجوده بالاضافه الى خسارة يد عامله مدربه و تعتبر حرفيه و ممكن ما تلقاها بعدين.
ثالثا: تحديث المنيو و اضافة وجبات و مشروبات اقتصادية اكثر و ابحث عن رفع مستوى المبيعات لا عن الهامش الربحي الاعلى. حلل مبيعاتك و ركز على المنتجات اللي تحقق عوائد اكثر و مبيعات اكبر و قم بالغاء الوجبات اللي مبيعاتها قليله حتى تقلل من حجم راس المال و تقلل من حجم نفايات الاكل الضايع
عن طريق مراجع قمت بها لان مجموعة فروع مطاعم في السعوديه، وجدة حجم خساير بسبب نفايات الاكل اللي يخرب تقارب ١٠ بالميه من حجم المبيعات يعني تقريبا ٧٠٠٠ ريال بالشهر بالفرع الواحد. الجدير بالذكر ان فروع ثانيه ما كانت ارباحها اكثر بالرغم من ان المبيعات اقل و كان السبب قلة النفايات...
المقصود راجع اداء فروعك و اذا ما عندك فروع راجع اداء نفس الفرع في اسابيع مختلفه و قوم بالتحليل و البحث عن فرص رفع كفاءة التشغيل و هذا راح يعود عليك بتوفير جزء جيد من الخساير بالمواد الخام و اللي راح يعود عليك بمستوى اعلى و فرص اكبر للارباح. و اللي حاب احلل اداء مطعمه يتواصل خاص..
ثالثا: استغل ساعات العمل اللي ينعدم فيها العملاء بتقديم عروض مغريه لان الاجار محسوب عليك ٢٤ ساعه و كذلك العماله محسوبين عليك مدة عملهم كامله بغض النظر عن حجم العملاء. هذي تكون عن طريق تقديم ساعة فرحه مثلا يكون فيها المنيو باسعار التكلفه تقريبا و الهدف جلب عملاء على مدار الساعه...
طبعا خلال الساعه هذي يجب انك تخلي فيه اشياء باسعار مغريه و اشياء بهامش جيد حتى تستفيد من العمليه بشكل عام و تحافظ على منتج طازج طوال اليوم بسبب الحركه المستمره.
جاري تحميل الاقتراحات...