الثريد عن حيوان انطلب كتير وعن حيوان الو مكانة خاصة بقلبي. الي هو الذئب.
اول حيوان بري اشتغلت معه بحياتي كان ذئب ❤️🐺
الذئب من عيلة كتير كبيرة بالحيوانات اسمها Wolf-like Canids يعني حيوانات بتشبه الذئب. هاي العيلة بتضم الذئاب، ابن اوى، القيوط، والكلاب.
اول حيوان بري اشتغلت معه بحياتي كان ذئب ❤️🐺
الذئب من عيلة كتير كبيرة بالحيوانات اسمها Wolf-like Canids يعني حيوانات بتشبه الذئب. هاي العيلة بتضم الذئاب، ابن اوى، القيوط، والكلاب.
هدول الحيوانات بتشاركو بكثير خصائص منها عدد الأسنان = ٤٢ وعدد الكروموسومات = ٧٨. وبما انو نفس عدد الكروموسومات ممكن يصير تزاوج بينهم وينتجو حيوانات قادرة عالتكاثر. مش زي البغل مثلا بكون عقيم لانو الحصان والحمار عدد الكروموسومات فيهم مختلف.
بالفترة الاخيرة كثير صرت اشوف معلومات غلط عن الذئب. اول معلومة:
"الذئب بضل مع أهله لما يكبرو عشان يساعدهم وما بتزوج امه او اخته"
هاي المعلومة غلط، مش كل الذئاب بتعيش بجماعات كبيرة بذات الذئاب العربية الي بتعيش بمناطقنا. وفي منهم بعيشو لحالهم بدون جماعة.
"الذئب بضل مع أهله لما يكبرو عشان يساعدهم وما بتزوج امه او اخته"
هاي المعلومة غلط، مش كل الذئاب بتعيش بجماعات كبيرة بذات الذئاب العربية الي بتعيش بمناطقنا. وفي منهم بعيشو لحالهم بدون جماعة.
الذئب بالعادة بترك اهله على عمر السنة او السنتين بعدين بروح بعمل جماعة او بعيش لحاله. وبالنسبة للتزاوج من عائلته هاي معلومة غلط بكل الحيوانات، كل الحيوانات بتتزاوج من أهلها "لكن" ممكن ينتج عنها كثير مشاكل جينية وحيوانات عندها إعاقة.
ثاني معلومة. "عويل الذئب بكون لما يكتمل القمر".
هاي المعلومة غلط. العويل عند الذئاب او حتى عند الكلاب ما الو دخل بالقمر. العويل هو وسيلة تواصل بين بعض للمسافات البعيدة. لانو كمان الذئاب عندها قدرة عالنباح. العويل بالعادة بكون للتحذير او لتحديد موقع او اذا في فريسة قريبة.
هاي المعلومة غلط. العويل عند الذئاب او حتى عند الكلاب ما الو دخل بالقمر. العويل هو وسيلة تواصل بين بعض للمسافات البعيدة. لانو كمان الذئاب عندها قدرة عالنباح. العويل بالعادة بكون للتحذير او لتحديد موقع او اذا في فريسة قريبة.
ثالث معلومة." الذئب هو الحيوان الي بخاف منه الجن"
انا مش مفتي بالدين ومش كفؤ احكي من ناحية دينية لكن بحثت بأكثر من مكان وما في ولا نص شرعي بثبت صحة هاي الاقاويل. ومن ناحية علمية هي مجرد خزعبلات عملوها الناس عشان توافق العادات بحكم انو احنا مجتمعات عربية جدا متأثرة بهاي الأمور.
انا مش مفتي بالدين ومش كفؤ احكي من ناحية دينية لكن بحثت بأكثر من مكان وما في ولا نص شرعي بثبت صحة هاي الاقاويل. ومن ناحية علمية هي مجرد خزعبلات عملوها الناس عشان توافق العادات بحكم انو احنا مجتمعات عربية جدا متأثرة بهاي الأمور.
بدي احكي عن الذئب العربي.
حجمه تقريبا قد حجم الكلب ولونو بكون بدرجات البني عشان يناسب الطبيعة الصحراوية الي بعيش فيها وهو يعتبر مستوطن في: مصر، فلسطين، الكويت، الاردن، السعودية، عمان، واليمن لكن انقرض من الإمارات. للأسف هو من انواع الذئاب المهددة بالانقراض ل كثير اسباب منها:
حجمه تقريبا قد حجم الكلب ولونو بكون بدرجات البني عشان يناسب الطبيعة الصحراوية الي بعيش فيها وهو يعتبر مستوطن في: مصر، فلسطين، الكويت، الاردن، السعودية، عمان، واليمن لكن انقرض من الإمارات. للأسف هو من انواع الذئاب المهددة بالانقراض ل كثير اسباب منها:
انهم بتزاوجو مع الكلاب ف قاعد بصير عنا بس كلاب مهجنة عذئب، و الصيد والقتل اكيد كالعادة، التسمم و الافخاخ الي بحطوها البشر ف ممكن تسكر على رجله او فمه ببطل قادر ياكل او يصير التهابات حادة بتادي للوفاة.
هم بكونو مجموعات صغيرة عشان بعيشو بمناطق شبه نائية و الفرائس قليلة. و بالصيد بالعادة بكون كل واحد لحاله و بحالات قليلة بكونو ٣-٤ ذئاب مع بعض. وبتغذو على حيوانات صغيرة زي الأرانب و الثعالب والسحالي ومرات بكونو قمامين وباكلو أشياء ميتة ونباتات لشح الموارد.
و بكونو نشيطين من الليل للشروق، وخلال النهار بكونو نايمين جوا جحور بحفروها تحت الارض حتى يبردو على حالهم. و بكونو قراب من المصادر المائية وما ببعدو كتير عنها. وحياتهم تقريبا بالبرية بتوصل ١٠ سنين و الأنثى بتولد من جروين لثلاث.
يُقدر عددهم ب200 ذئب بالأردن، و بفلسطين 150، و باللبنان 50 و بالسعودية 600. وهو صار حيوان محمي ضمن اتفاقيات عالمية زي الCITES وصار في برامج لتكثيرهم واطلاقهم بالبرية.
ان شاء الله كان ثريد خفيف لطيف عليكم. وضروري نعرف الحيوانات النادرة الي بتعيش عنا لانو برا الناس بتدفع مصاري كتير عشان بس ينحط بحديقة حيوانات او محمية لانو نادر واحنا بنقتلهم بكل سهولة.
و شكرا لhoney و رعد لانو ضلهم ملزقين جنبي طول الوقت وانا بعمل الثريد 😂❤️
و شكرا لhoney و رعد لانو ضلهم ملزقين جنبي طول الوقت وانا بعمل الثريد 😂❤️
جاري تحميل الاقتراحات...